Аҟәа аӡы еиԥҟьарада иоужьхоит жәамшҟа рышьҭахь

CC0 / / аӡы
аӡы  - Sputnik Аҧсны
Анапаҵаҩра
Аҟәа ақалақь агәы иахьаҵанакуа аӡыржәтә аужьра еиԥҟьеит жәабран 8 рзы Аҩбатәи анасостә станциаҿ иҟалаз афымцацәаҳәа аидыслара иахҟьаны.

АҞӘА, жәабран 14 – Sputnik, Асмаҭ Ҵәыџьԥҳа. Аҟәа ақалақь агәы иахьаҵанакуа аӡыржәтә аужьра еиԥҟьеит Аҩбатәи анасостә станциаҿ иҟалаз афымцацәаҳәа аидыслара иахҟьаны. Авакуумтә фымцарныҟәага ҿыц шаақәдыргылалак ашьҭахь, аӡы ԥымкрада ауааԥсыра ироуа иалагоит ҳәа радио Sputnik иазеиҭеиҳәеит АУН "Аӡыканал" анџьныр хада Мераб Анқәаб.

Анџьныр иажәақәа рыла, афымцарныҟәага ҿыц Урыстәылантәи иааргараны иҟоуп ақалақь ахадара ахарџьқәа рхархәарала. Иара жәамш рыҩныҵҟа иаараны иҟоуп.

"Ажәытә фымцарныҟәага 110 кВт амчхара аман. Иарала ақалақь агәы ӡыла аиқәыршәара алшон. Уи ықәдыргылеижьҭеи жәашықәса ҵуеит. Аус бзиан иауан, аха жәабран 8 рзы, афымцалашара ахьыԥоз иахҟьаны, иблит", - иҳәеит Мераб Анқәаб.

Иара излеиҳәо ала, 2019 шықәса рзы Аԥсны аусура иалагоит аҩбатәи анасостә станциа.

"Иқәыргылахо агрегатқәа зегьы даниатәи афирма Grundfos иатәуп. Уи ахаҭабзиара ҳаракуп", - иҳәеит иара.

Астанциа аргылара иаҿуп 2017-2019 шықәсқәа рзтәи Аинвестпрограмма ахарџь ала.

 

Ажәабжьқәа зегьы
0