агәамсам

Аԥсны агәамсам апроблема аӡбра рҭахуп

75
(ирҿыцуп 15:55 21.02.2019)
АРСМИРА имҩаԥысит ацрыҵ кьакьақәа рзы аполигон аргылара иазкыз апресс-конференциа.

Сариа Кәарацхьелиаԥҳа, Sputnik

Аҵыхәтәантәи аамҭазы Аԥсны иалацәажәоит ацрыҵ кьакьақәа рзы агәам-самтә полигон аргылара. 2018 шықәса, ԥхынҷкәынмзазы атәыла ахада Рауль Ҳаџьымба адҵа ҟаиҵеит абзазаратә црыҵ кьакьақәа рзы агәам-самтә полигон ргылахарц.

Миквабиа еиҭеиҳәеит Аԥсны агәам-сам азы иргылахо аполигон зеиԥшрахо

Аԥсны акапиталтә ргылара Аусбарҭа аиҳабы Игор Амқәаб апресс-конференциаҿы иҳәеит аполигон азы аҭыԥқәа рыԥшаара ишаҿу. Макьаназы авариантқәа хԥа аус рыдырулоит Гәылрыԥшь, Очамчыра, Гагра араионқәа рҿы.

Амқәаб ишиҳәо ала аҭҵаарақәа рылкаақәа жәабранмза анҵәамҭазы еилкаахоит.

"Атәыла ахадара адҵа ҳарҭеит излалшо ала апроект, адокументациа аус рыдуланы аусурақәа ҳрылагарц. Аусурақәа мҩаԥгахалоит аинвестпрограмма аҳәаақәа ирҭагӡани ареспубликатә биуџьет ацхырааралеи", - ҳәа еиҭеиҳәоит Миквабиа.

Аполигон 12-12 гектар иҟоу амҽхакқәа фба рыла ишьақәыргылахоит. 30 шықәса инарзынаԥшуа арахь ацрыҵ аагаразы алшара ҟалоит.

Ипроблеманы Амқәаб далацәажәоит ауааԥсыра ацрыҵқәа рзы аполигони агәамсамеизакырҭеи ахьырзеиҩымдыраауа.

"Агәамсамкажьырҭақәа рҿы хкырацәала еилоу агәамсам наргоит. Еилымхкәа. Дасу иахьихҭашәо икаижьуеит. Аполигон акәзар, уи аҽакуп. Арахь аполигон ҟаҳҵараны иахьарбоу ааигәа инхо ауааԥсыра уи иақәшаҳаҭым. Ҳәарада изҭаху ыҟам. Еиҳаракгьы агәамсам ахьыҟоу асанитартә ҭагылазаашьа ҟалом ҳәа иахьырыԥхьаӡо азы. Аха адагь ԥсыхәа ыҟамеи", - иҳәоит иара.

Амқәаб иара убасгьы иазгәеиҭеит аполигон аргылара анормақәа ирықәшәо аҟаҵара шхымԥадатәиу. Иара аҭахрақәа рҳәаа иҭымҵуазароуп. Апроект ала иазыԥхьагәаҭоуп аӡымҩахгагақәа, арыцқьаратә ргыларақәа, адизенфекциа, алашара. Ауаа реиланхарҭа ианеиҵаха километрак иацәыхаразароуп.

"Аконструкциа иазыԥхьагәанаҭоит аҵәахраан агәам-сам иахьуа апроцессқәа зегьы. Иҳаргыло гәамсамеизакырҭам. Ҳара иахьынӡалшо ацрыҵқәа шәарҭадаҳтәыроуп. Иахьазы иреиӷьу вариантны иаабо Гәылрыԥшь араионоуп. Владимировка ақыҭа. Уажәы уа иҟоуп араион иатәу агәамсамеизакырҭа маҷ. Аҭыԥ Кәыдры аӡиас акыр иацәыхароуп, ауаа рынхарҭагь иазааигәам. Агидрологцәа рылкаақәа ҟарҵароуп. Урҭ ара аполигон аргылара аекологиаз иԥырхагоуп рҳәар аҽа ҭыԥк ҳаԥшаароуп", - ҳәа иҳәоит иара.

Кәарцхьиаԥҳа еиҭалҳәеит агәам-сам кажьырҭа азҵаара еиҭа ауаа ргәы иҵхоны изыҟалаз

Игор Миквабиа иажәақәа рыла иахьатәи аамҭазы ауаа даарак иргәаԥханы ашәарақәа мҩаԥыргом агәамсам ақәгаразы. Иршәозаргьы акыр имаҷуп. Убри азы аиҳарак абри аус аԥаразоужьра мҩаԥысуеит ареспубликатә биуџьет аҟынтәи.

 

75

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

18
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

18

Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит

11
Ауааԥсыра акоронавирус рацәыхьчаразы Акоординациатә штаб аилатәара мҩаԥысит лаҵара 28 рзы Аминистрцәа реилазаараҿы.

АҞӘА, лаҵара 28 – Sputnik. Аԥсны анапхгара акурсантцәа рҵараиурҭақәа рахь рыхынҳәраҿ ирыцхраауеит иҳәеит аԥыза-министр Александр Анқәаб ауааԥсыра fкоронавирус рацәыхьчаразы Акоординациатә штаб аилатәараҿы.

Аԥыза-министр иазгәеиҭеит аҭаацәа абилеҭқәа раахәараҿы ауадаҩрақәа роур алшоит ҳәа.

"Владимир Валери-иԥа (Делба, Афинансқәа рминистр – аред.) иарбан цхыраароу иҟаҳҵар ҳалшо. Зынӡа ишәцәыуадаҩхар, абизнесуаа еизыргаз аҟынтәи инхаз иахаҳхып ма даҽаџьара аҳәара ҟаҳҵап, аҭаацәа ауадаҩра иақәаҳмыршәарц", - иҳәеит иара.

Атәылахьчара аминистр актәи ихаҭыԥуаҩ Беслан Ҵәыџьба иҳәеит акурсантцәа Аԥсны рыҟазаара аҿҳәара рашәара 5-10 рзы ишынҵәо.

Аха дара Урыстәыла ҩымз аҽыԥхьакратә режим иахьахысызи Аԥсны акарантин иахьахысызи Атәылахьчара аминистрра Урыстәыла Атәылахьчара аминистррахь аҳәаратә шәҟәы архиоит урҭ маҷк ихьшәаны аҵараиурҭақәа рахь инеирц, иаҳҳәозар, рашәарамза анҵәамҭазы.

"Аҭаацәарақәагьы абилеҭқәа рыхәԥса ршәартә аҭагылазаашьа ыҟам. Убри азы рашәара 1 азы ашәҟәы ҳашьҭуеит. Иахьазы акурсантцәа 268-ҩык ыҟоуп", - иҳәеит иара.

Иара убас шәаԥхьар ҟалоит:

11