архивтә фото

Аҟәа инхо аиаҭымцәеи ахымхәацәеи ирзыршәо аԥара иацҵахоит

22
(ирҿыцуп 10:42 14.03.2019)
Аҟәа ақалақь аҿы инхоит фҩык аиаҭымцәеи 230-ҩык ихәыҷаахыс ихымхәацәоуи.

АҞӘА, хәажәкыра 14 – Sputnik, Бадри Есиава. Аҟәа инхо аиаҭымцәеи ахымхәацәеи 2019 шықәса мшаԥымза инаркны ирзыршәо аԥара иацҵахоит ҳәа Sputnik иазеиҭеиҳәеит Аҟәатәи ақалақьтә еизара ахантәаҩы Константин Ԥлиа.

"Ахәыҷы-иаҭымцәа ироуаз 300 мааҭ ацынхәрас уажәшьҭарнахыс 1000 мааҭ роулоит, ахымхәацәа ироуаз 600 акәзар 1000 мааҭ рҟынӡа ихагалахоит", - ҳәа иҳәеит Ԥлиа.

Иара иазгәеиҭеит арҭ аԥарақәа ақалақьтә биуџьет аҟынтәи ишыршәало.

"Аԥарақәа асоциалтә еиқәыршәара Аусбарҭа абиуџьет аҿы иазыԥхьагәаҭоуп. Уа аекономиа аҭыԥ аиуит, избанзар зықәра наӡаз аҽа категориак иаҵанакуа иҟалоит азы", - ҳәа иҳәоит иара.

Аҟәа ақалақь аҿы инхоит фҩык аиаҭымцәеи 230-ҩык ихәыҷаахыс ихымхәацәоуи.

22