Анапҩымҭа

Аԥсны АИХ рзы аицлабра рыларҳәеит

64
Аԥсадгьыл ахь архынҳәразы аминистрреи Ажурналистцәа реидгылеи Аԥсны АИХ рзы аицлабра еицымҩаԥыргоит 2017 шықәса раахыс.

АҞӘА, хәажәкыра 26 – Sputnik, Сариа Кәарцхьиаԥҳа. Аԥсадгьыл ахь архынҳәразы аминистрреи Ажурналистцәа реидгылеи Аԥсны АИХ рзы аицлабра рыларҳәеит, абри атәы Sputnik акорреспондент илзеиҭеиҳәеит Ажурналистцәа реидгыла ахантәаҩы Руслан Ҳашыг.

Ҳашыг: 2019-тәи ашықәс зегьы аԥсуа журналистика иашықәсуп

Аҩаша, хәажәкыра 26 рзы Аԥсадгьыл ахь архынҳәразы аминистр Беслан Дбари Ажурналистцәа реидгыла ахантәаҩы Руслан Ҳашыги рнапы аҵарҩит 2019 шықәса рзы ҳҳәынҭқарра ажурналистцәа рыбжьара арепатриациеи зџьынџь ахь ихынҳәыз ҳџьынџьуаа рыԥсадгьыл рашьцылашьеи ирызку иреиӷьу ажурналисттә усумҭақәа рзы аицлабра еицымҩаԥыргарц азы ақәҵара.

"Ари аицлабра мҩаԥаагоижьҭеи уажәшьҭа хышықәсоуп. Аԥсадгьыл ахь архынҳәразы аминистрра есышықәса уи амҩаԥгара ацҵатәуп ҳәа адыгалара анаҭоит. Сгәанала, ари амилаҭтә проектқәа рахьтә ԥыжәара зҭатәу иреиуоуп. Уи иалнаршоит ҳџьынџьуаа рырхынҳәреи рыԥсадгьыл рашьцылареи аҵак ду шамоу ҳауаажәлар реилыркаара. Дара ирдырроуп ҳрепатриантцәа ҳбиуџьет азы ишеидарам. Урҭ ҳҳәынҭқарра иатәылауаа иашақәоуп", – иаҵшьны иҳәеит Руслан Ҳашыг.

Аицлабра рхы аладырхәыр ҟалоит Ажурналистцәа реидгыла иалам ажурналистцәагьы.

Аԥсадгьыл ахь архынҳәразы аминистрреи Ажурналистцәа реидгылеи Аԥсны АИХ рзы аицлабра еицымҩаԥыргоит 2017 шықәса раахыс.

64

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау