Аԥснытәи ахәыҷбаҳчақәа реиҳарак аремонт рҭахуп

56
(ирҿыцуп 10:01 28.03.2019)
Аԥсны аҵареи аҭҵаарадырреи рминистр Адгәыр Какоба 2018 шықәса рзтәи аҳасабырба ҟаиҵеит Аминистрцәа реилазаара аҿаԥхьа.

АҞӘА, хәажәкыра 28 - Sputnik, Бадраҟ Аҩӡба. Ареспубликаҿ иҟоу ахәыҷбаҳчақәа реиҳарак аремонт рзутәны иҟоуп, абри атәы иҳәеит Аԥсны аҵареи аҭҵаарадырреи рминистр Адгәыр Какоба 2018 шықәса рзтәи аҳасабырба Аминистрцәа реилазаара аҿаԥхьа иҟаҵо.

Аԥсны аус руеит 39 ҳәынҭқарратә хәыҷбаҳча ҳәа азгәеиҭоит Адгәыр Какоба.

"39 хәыҷбаҳча рҟынтәи рыбжара рҟынӡа иахьатәи астандартқәа ирықәшәо иҟоуп, аха иаанхаз егьырҭ ахәыҷбаҳчақәа аиҭашьақәыргыларатә усурақәа рҭахны иҟоуп. Арахь иаҵанакуеит ахәыҷбаҳчақәа: "Мрамза" (Гагра), "Алашарбага" (Гәдоуҭа), "Алашара", "Аԥра" (Аҟәа), Гал араион аҿы иҟоу ахәыҷбаҳчақәа", - иҳәоит иара.

Очамчыра ақалақь аҿы иахьа аус зуа хәыҷбаҳчак ауп, аха 2019 шықәса рзы ихыркәшахароуп Аинвестпрограммала идыргыло ахәыҷбаҳча.

"Аминистрразы иуадаҩу зҵаараны иҟоуп аҭыԥқәа рзымхара. 2018 шықәса рзы 2354 рзаҳал рҟынтәи иҳазҳадкылаз 1172 роуп", - ҳәа иҳәеит аминистр.

Какоба: аҵара асистема аиӷьтәра уадаҩуп ахәыҷбаҳчақәа разымхара азҵаара ӡбамкәа

Аԥсны 155 зеиԥшҵаратә усҳәарҭа аус руеит: 145 бжьаратә школ, инаӡам абжьаратә школқәа 8, алагарҭатә школқәа 2. Урҭ рҟынтәи 59 аԥсуа школ, 16 аԥсуа-аурыс школ, 45 аурыс школ, 25 ерман школ, 10 қырҭуа школ.

Адгәыр Какоба иара убасгьы иазгәеиҭеит арҵаҩцәа разымхара. Адефицит иартәоит 500-ҩык арҵаҩцәа. Аԥснытәи ашколқәа ирҭоуп 27 387-ҩык аҵаҩцәа ҳәа азгәеиҭоит Какоба.

 

56
Хаџьера Аҩӡыԥҳа

Раԥхьатәи аԥсуа пианиноарҳәаҩы

26
(ирҿыцуп 11:23 24.01.2021)
Раԥхьатәи аԥсуа профессионалтә пианиноарҳәаҩы Хаџьера Аҩӡыԥҳа диит 1917 шықәса ажьырныҳәа 24 рзы.

Бадраҟ Аҩӡба, Sputnik.

Ҳафиз Аҩӡба иҩнаҭаҟны еициит ҩыџьа аҭыԥҳацәа – Мерии Хаџьереи. Урҭ рлахьынҵа раԥхьатәиқәаны иалнахит. Мери – раԥхьатәи аԥсуа ԥырҩы лакәхеит, Хаџьера – раԥхьатәи аԥсуа пианиноарҳәаҩы лакәхеит. Амузыкаҭҵааҩы Мери Ҳашԥҳа лажәақәа рыла Меригьы амузыкатә техникум дҭан, аскрипка аҟәшаҿы аҵара лҵон.

"Ҳафиз Аҩӡба иҭаацәа рыхшара апатриотизмра рыларааӡон, аԥсуара рыларааӡон", — лҳәоит Мери Ҳашԥҳа.

Раԥхьатәи аԥсуа композитор Константин Ковачи аԥсуа милаҭтә культура аусзуҩы Кандрат Ӡиӡариеи ареспублика ахы-аҵыхәа иахысны иалрыԥшаауан ашәаҳәара, акәашара рганахьала аҟыбаҩ злаз ахәыҷқәа. Убас иалкааз рыгәҭа дыҟан Хаџьерагьы.

"Усҟан атехникум аҟны рҵаҩцәаны иҟан Москватәи амузыкантцәа, Мариа Ливенцова, аиҳәшьцәа Бубноваа реиԥш иҟақәаз", — ҳәа лгәалалыршәоит ҳашԥҳа.

Аџьынџьтәылатә еибашьраан ахәцәа рҿаԥхьа дықәгылон, аконцертқәа мҩаԥылгон.

1946 шықәса рзы Хаџьера дцоит Львовҟа, дҭалоит Львовтәи аконсерваториа, афортопиано аҟәша. 1951 — 1965 шықәсқәа раан Львовтәи амузыкатә ҵараиурҭа анапхгаҩыс аус луан.

"1965 шықәса инаркны, 1979 шықәса рзы атәанчарахьы дцаанӡа Хаџьера аус луан абри аҵараиурҭаҿы рҵаҩыс. Лара активла далахәын Аԥсны амузыка аҿиар", - лҳәоит Ҳашԥҳа.

Хаџьера ллепертуар иалан: Моцарт, Шуман, Рахманинов, Прокофьев уҳәа еицырдыруаз акомпозиторцәа рырҿиамҭақәа.

Лыԥсҭазаара далҵит 1997 шықәса рзы.

26

Ҷыҭанаа амаинингқәа рызҵааразы: рҿыхра мацара азхаӡом

6
(ирҿыцуп 11:12 24.01.2021)
Аҟәа араион ахада Алхас Ҷыҭанаа арадио Sputnik аефир аҿы еиҭеиҳәеит амаинингқәа рҿыхразы ицо аусуреи, уи алҵшәа аманы иҟаларцаз иҟаҵатәуи ртәы иҳәеит.
Раионк аԥсҭаазараҟынтә: Ҷыҭанаа амаинингқәа рызҵааразы

"Аусурақәа амаинингқәа рҿыхразы ҳаҿуижьҭеи акрааҵуеит. Аха уадаҩрас иҟоу акоуп, аҿыхрада уаҳа азин ҳамаӡам. Акы аҿыхны егьы аҿы унеиаанӡа, иаҿырхыз аҿаркуеит. Азинтә усбарҭақәа ироур алшара ԥҟарада аус зуа афермақәа рмаругақәа рымхразы, убри лҵшәаны иҟалоит, уи азы административтә кодекс алагалақәа аҭахуп. Шьҭа ҩымз раҟара ҵуеит ари азҵаара аганахьала аусурақәа цоижьҭеи уахгьы-ҽынгьы. Афермақәа дуқәа иаҿаҳхыз амаругақәа доусы рыҩныҟақәа рахь иргеит. Амаҵурҭақәа, аҩнаҵаҟақәа, аҭуанқәа рҿы иқәыргылан аусура иаҿуп. Убри ауадаҩрақәа ҳазцәырнагоит. Ауаҩы иҿы унеины аҿыхра ҟалом, уи аҩыза азин ҳамам. Арцәара уи ус мариоуп, амаинингқәа ахьыҟоу зегьы еилкааны иҳамоижьҭеи акрааҵуеит, аха иурцәеит - иаҿаркит, убри аҟнытә акгьы аҽаԥсахӡом", - еиҭеиҳәеит Ҷыҭанаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

6