Краснодартәи аҽырыҩра

Аԥснытәи аҽыҩқәа хԥа Краснодартәи атәылаҿацә аҽырыҩраҿы аԥхьахәқәа ргеит

58
(ирҿыцуп 18:44 06.04.2019)
Краснодартәи атәылаҿацә Павловтәи араион аҟны аҽырыҩра мҩаԥысит асабша, мшаԥы 6 рзы.

АҞӘА, мшаԥы 6 – Sputnik, Бадри Есиава. Краснодартәи атәылаҿацә Павловтәи араион аҟны аҽырыҩраҿы Аԥсны ахьӡала иқәгылаз аҽыҩқәа рахьтә хԥа аԥхьахәтә ҭыԥқәа ааныркылеит. Абри атәы Sputnik акорреспондент изеиҭеиҳәеит Аԥсны Аҽыбӷаҟазаратә спорт афедерациа ахада Аслан Камлиа асабша, мшаԥы 6 рзы.

"1600 метра иҟаз абжьаӡараҿы ашьацқьа злоу рыбжьара актәи аҭыԥ ааннакылеит Алхас Лакоба иҽыҩ Дубаи. 1800 метра иахьеиԥхныҩлоз, араԥ шьа злоу рыбжьара аҩбатәи аҭыԥ ааннакылеит Беслан Абҳазоу иҽыҩ Севан. 1800 метратәи аиԥхныҩлараҟны ашьацқьа злоу рыбжьара ахԥатәи аҭыԥ ааннакылеит Гурам Арӡынба иҽыҩ Мафиа Барс", - иҳәеит Камлиа.

Иара иажәақәа рыла, Аԥсны ахьӡала Краснодартәи атәылаҿацә аҟны аҽырыҩра иалахәын аҽыҩқәа хәба.

Аԥснытәи аҽыҩқәа Урыстәыла Ахада Ихраҿа аԥхьахәқәа ргеит>>

 

58