Sputnik аҿы актәи ацхыраара аҟаҵашьазы амастер-класс мҩаԥган

60
(ирҿыцуп 15:36 11.04.2019)
Раԥхьатәи ацхыраара шыҟаҵатәу, уи цәшәарақәас иацу уҳәа ртәы Sputnik аҿы еиҭалҳәеит Аԥсны АҶА амедицинатә иаҳәшьа Александра Лозоваиа.

Сариа Кәарацхьиаԥҳа, Sputnik

Акурорттә сезон аатра мызқәак роуп иагу. Аԥсшьаҩцәа еиуеиԥшым аҭагылазаашьақәа ианрықәшәо ыҟоуп. Ацхыраара ласы ааиаанӡа раԥхьатәи ацхыраара аныҟаҵатәу ыҟоуп, аха уи аҭакԥхықәра ацуп.

Акурс "Ацхыраара лас ауаажәларра рзы" амҩаԥгаҩ Александра Лозоваиа еиҭалҳәеит ақалақь иаҵанакуа амшын аԥшаҳәеи аҟәарақәеи рҿы аиқәырхаратә гәыԥқәа шмаҷу.

"Сгәалашәараҿы иаанхеит сыла ишабоз ауаа аныӡааҟәрылоз. Аха убри аан иӡааҟәрыло иркыша ак рзыршәтәуп, рыцхырааразы рааигәа анеира шәарҭоуп", - ҳәа еиҭалҳәоит лара.

Аԥсны ақалақьқәа зегьы рҿы еиҿкаауп ацхырааратә гәыԥқәа. Урҭ амшын аҿы иӡааҟәрылои ашьхарахь ибжьаӡуеи реиқәырхара иазхоуп. Аха зны-зынла ауаа иаразнакы ацхыраара рыҭалатәуп.

АҶА амедицинатә иеиҳәшьа Индира Амҷыԥҳа лажәақәа рыла иҟалалоит ацхыраара ҟазҵо ихаҭа данҭахо.

"Иҟаҵатәыҵәҟьоу узымдыруазар, уҽацәхьоукыр еиҳа еиӷьуп. Иҟоуп аԥҟарақәа хымԥада узықәныҟәаша. Уи адагьы ацхыраара аныҟауҵо ухаҭа ухы ашәарҭара иҭоумыргылароуп", - ҳәа азгәалҭоит Амҷыԥҳа.

Актәи ацхыраара аҟаҵаразы иудыруазароуп ашьа шаанкылатәу, иԥсабаратәымкәа аԥсыԥ алагаҩагара ишаларгатәу, адеисра шгәаҭатәу.

"Ауаҩы иԥсы ҭоу-иҭаму агәаҭаразы идеисра гәаҭатәуп, иблагә алашара шаныруа еилыргатәуп, ашьаанкылараз ииашан амахәааҷ ақәҵатәуп", - ҳәа лҳәоит лара.

"Ацхыраара лас" ҿыцқәа Аԥсныҟа иааргеит

Акурс "Ацхыраара лас ауаажәларра рзы" амҩаԥгаҩ Александра Лозоваиа илҳәоит актәи ацхыраареи амедицинатә цхыраареи шеилагатәым.

Лазоваиа лажәақәа рыла, иаҳҳәап ашьа цозар – иаанкылатәуп, ацхыраара лас неиаанӡа ауаҩы дымшьабартә аҭагылазаашьа иҭатәуп.

Sputnik аҿтәи апресс-конференциаҿ акурс "Ацхыраара лас ауаажәларра рзы" амҩаԥгаҩ Александра Лозоваиа амастер-класс мҩаԥылгеит.

 

60

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

2
Аԥсны Ахада Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны аусԥҟа инапы аҵаиҩит.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхразы ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

2

Аԥсны иҟоу Урыстәыла аруаа аҽазыҟаҵарақәа мҩаԥыргоит

1
Аԥсны иалагеит Аладатәи арратә округ иаҵанакуа Урыстәыла арратә база аррамаҵзурауаа рыплан иалаз аҽазыҟаҵарақәа.

АҞӘА, ԥхынгәы 15 - Sputnik. Аԥсны иҟоу Урыстәыла Аладатәи арратә округ аррамаҵзурауаа иаалырҟьаны иргылан аплантә ҽазыҟаҵарақәа рҳәаақәа ирҭагӡаны. Абри атәы аанацҳауеит Урыстәыла Аладатәи арратә округ апресс-маҵзура.

Аҽазыҟаҵарақәа мҩаԥысуеит арратә округ адҵаҟаҵаҩ, ар реинрал Александр Дворников инапхгарала.

Иазԥхьагәаҭоуп арҟәшақәа Аԥсны, ашьхатә полигон Ҵабали Амшынԥшаҳәатә полигон Нагвалоуи рҟны арратә обиектқәеи асоциалтә инфраструктуреи рыхьчара аусқәа аус рыдырулоит ҳәа.

Зынӡа аҽазыҟаҵарақәа ирылархәразы иргылан 1,5 нызқьҩык аруаа, 300 ак арратә техника.

Иара убас шәаԥхьар ҟалоит:

1