Гәдоуҭатәи аҭыԥҳацәа ркоманда Анапылампыл азы Аԥсны ачемпионат аҿы

Гәдоуҭатәи аҭыԥҳацәа ркоманда Анапылампыл азы Аԥсны ачемпионат аҿы иаиааит

65
(ирҿыцуп 11:30 15.04.2019)
Анапылампыл азы аҳәса рыбжьара Аԥсны ачемпионат мҩаԥысит Аҟәа, мшаԥы 14 рзы.

АҞӘА, мшаԥы 15 – Sputnik, Бадри Есиава. Анапылампыл азы Гәдоуҭатәи акоманда Аԥсны ачемпионат аҿы иаиааит ҳәа Sputnik акорреспондент изеиҭеиҳәеит Гәдоуҭатәи акоманда азыҟаҵаҩ Руслан Царгәыш.

Зынӡа ачемпионат иалахәын акомандақәа ԥшьба: Гәдоуҭеи Гагреи рҟынтәи акака, Аҟәатәи акомандақәа ҩба.

"Аицлабрақәа мҩаԥысуан еиҿагылара ӷәӷәа рыманы. Аочкоқәа еиҟара-еиҟараны ироуит Гәдоуҭааи Гаграаи, иара убасгьы Аҟәатәи акомандақәа руак. Аха ҳара иҭаҳаршәыз ампылқәа рхыԥхьаӡарала ҳаиҳан азы актәи аҭыԥ ҳанаршьеит", - иҳәеит Царгәыш.

Аԥснытәи акоманда Атәылауаа қәыԥшцәа рдунеизегьтәи ахәмаррақәа рҟны иаиааит>>

Иара убасгьы иазгәеиҭеит акоманда хышықәса раахыс раԥхьаӡа акәны аиааира шагаз.

 

65