Косике карате азы Урыстәыла ахраҿа

Косики карате азы аԥснытәи аспортсменцәа ҩыџьа Урыстәыла ахраҿа иаԥсахеит

56
(ирҿыцуп 13:13 16.04.2019)
Косике карате азы Урыстәыла ахраҿа иалахәын 400-ҩык аспортсменцәа. Иара мҩаԥысуан мшаԥы 13 -14 рзы, Екатеринбург.

АҞӘА, мшаԥы 16 – Sputnik, Бадраҟ Аҩӡба. Косики карате азы аԥснытәи аспортсменцәа ҩыџьа аиааира ргеит ҳәа Sputnik иазеиҭеиҳәеит косики карате азы Аԥсны Афедерациа ахада Демис Адлеиба.

Косике карате азы Урыстәыла ахраҿа иаиааит Софиа Аҩӡԥҳаи (10-11 шықәса зхыҵуа, 40 кьыла иҟоу рыбжьара) Дмитри Адлеибеи (8-9 шықәса зхыҵуа, 30 кьыла иҟоу рыбжьара).

Аспортсменцәа рҩыџьагьы хԥа-хԥа қәгылара мҩаԥыргеит. Дмитри Адлеиба еизгоу акоманда "Сибирь" ахьӡалагьы дықәгылон.

"Иара Аԥсны ахьӡала дықәгыломызт, избанзар акомандатә еиндаҭлараҿы ахатәы ҟазшьақәа ыҟоуп. Уа ҳкоманда иалоу рхыԥхьаӡара азхомызт. Убри азы  "Сибирь" ахьӡала дықәгылон", - еиҭеиҳәоит Демис Адлеиба.

Косике карате азы Урыстәыла ахраҿа иалахәын 400-ҩык аспортсменцәа. Иара мҩаԥысуан мшаԥы 13 -14 рзы, Екатеринбург.

Ҩымш рыҩнуҵҟа акаратистцәа еиндаҭлон: ката, ката бункаи, кумите, акомандатә кумите рзы.

Атурнир иаарту атурнир астатус амоуп. Сынтәа иара иалахәын Тунис, Донецк, Аԥсны рҟынтәи аспортсменцәа.

 

56

Гәарамиа акалмаҳааӡарҭазы: аԥсшьаҩцәа ҳзымаар, ҳус ҽеихом

5
(ирҿыцуп 18:10 02.06.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит русура шеиҿкаау, уадаҩрас ирымоу атәы.
Раионк аԥсҭазаараҟынтә: Гәарамиа акалмаҳааӡарҭа аусура иазкны

"Ҳусқәа хар рымамкәа ицоит, аха адунеи аҟны иҟоу ачымазара иахҟьаны ишьақәгылаз аҭагылазаашьа ҳԥырхагоуп. Акоронавирус иахҟьаны аԥсшьаҩцәа ҳзымаар, ҳус ҽеихом. Урҭ ааир, ҳшәахтәқәа, ҳуалгьы ҳшәоит, ҳаргьы хәыҷык ҳауа иҟалон. Аԥсыӡқәа рыфатә уалла иааҳгеит, миллион мааҭ инацны иҳақәуп. Избанзар 60-70 кьыла ҽнак ирфоит, кьылак 150-200 мааҭ рҟынӡа иаԥсоуп рыфатә. Уи 10 тоннак ааҳгеит, акәацлых ауп, ахә цәгьоуп", - иҳәеит Гәарамиа.

Иара убасгьы еиҭеиҳәеит аԥсыӡааӡарҭаҟны шаҟаҩы аус руа, акалмаҳа аҭыԥаҟны ишхырхуа, уи шаҟа мааҭ иаԥсоу.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

5

Хымԥадатәи амедицинатә ԥгаԥса афонд "Аԥсныфармациа" аҿаԥхьа быжь-миллионк ақәуп

5
(ирҿыцуп 16:43 02.06.2020)
Хымԥадатәи амедицинатә ԥгаԥса афонд "Аԥсныфармациаҟны" амедицинатә усҳәарҭақәа рзы иаанахәоит акьыбачырақәа разԥхьагәаҭаразы ахәшәқәа.

АҞӘА, рашәара 2 - Sputnik. Аԥсны Хымԥадатәи амедицинатә ԥгаԥса Афонд АУН "Аԥсныфармациа" аҿаԥхьа быжь-миллионк ауал ақәуп аҵыхәтәантәи амзақәа рыҩнуҵҟала ҳәа аԥыза-министр Александр Анқәаб иалҳәеит реиԥылараан Афонд ахантәаҩы Валентина Жьиԥҳа.

Афонд аԥаразхара ахьамам акьыбачымазара змоу хәшәыла реиқәыршәаразы ауснагӡатәқәа акыр ишьақәнаҟьоит ҳәа азгәалҭеит Жьиԥҳа. Аԥкырақәа раамҭазы аҵыхәтәантәи амзақәа раан Афонд ахь ахыԥхьаӡалақәа акыр илаҟәит.

Жьиԥҳа лажәақәа рыла, 2020 шықәса аԥхьатәи хәымз рыҩнуҵҟа Афонд ахь инеиз 10 миллионки 121 нызқьмааҭ роуп, планла 17 миллиони 500 нызқь мааҭ иахьазыԥшыз.

Убас мшаԥымзазы Афонд иаиуит миллионки 847 нызқь мааҭ, лаҵарамзазы – ҩ-миллион мааҭ.

Аԥыза-министр Александр Анқәаб Афонд анапхгара рнапы ианиҵеит "Аԥсныфармациа" ауал ашәара аграфик аздырхиарц акьыбачымазара змоу ишахәҭоу ала реиқәыршәара апрограмма аус аруразы.

Иара убас шәаԥхьар ҟалоит:

5