Бреик-данс аурок

Аԥснытәи абреик-кәашаҩцәа актәи аҭыԥ ааныркылеит

56
(ирҿыцуп 16:18 16.04.2019)
Бреик-данс азы ачемпионат "COMIX BATTLE" мҩаԥысит Адлер, мшаԥы 14 рзы.

АҞӘА, мшаԥы 16 – Sputnik, Асмаҭ Ҵәыџьԥҳа. Акоманда "Apsny Crew" акәашаҩцәа Евдокиа Аҩӡыԥҳаи Абазг Хетоӷлыи актәии аҩбатәии аҭыԥқәа ааныркылеит бреик-данс азы Адлер имҩаԥысуаз ачемпионат "COMIX BATTLE" аҿы. Абри атәы Sputnik иазааицҳаит акоманда анапхгаҩы Џьамал Ҭачлиа.

Ачемпионат иалахәын 44-ҩык акәашаҩцәа. Аԥснытәи акәашаҩцәа алхратә турқәа қәҿиарала ирхысит.

"Аиндаҭлара ду ыҟан. Хаҭала сара иџьасшьеит ҳакәашаҩцәа афинал аҟынӡа иахьнеизгьы. Аиааира ҳауп ҳәагьы сыҟамызт, избанзар дара ари акәашара хкы рнапы алакуижьҭеи ԥшьымз заҵәык роуп иҵуа", - иҳәоит Ҭачлиа.

"Apsny Crew" – Аԥсны раԥхьаӡа иаԥҵоу бреик-данс школуп. Иара аартын 2009 шықәса рзы.

Арахь ирыдыркылоит хәышықәса зхыҵуа ахәыҷқәа. Есшықәсыбжак акәашаҩцәа аԥышәарақәа ирхысуеит, азшьақәа рҭиуеит.

Ашкол еиҿкаауижьҭеи хә-чемпионатк мҩаԥысхьеит.

2017 шықәса рзы бреикинг-чемпионат "Bang battle pro" мҩаԥысит Аҟәа, Сергеи Багаԥшь ихьӡ зху аспорттә хан аҿы. Иалахәын 70-ҩык акәашаҩцәа.

2018 шықәса рзы акоманда алахәыла Мадина Қәҭелиаԥҳа афестиваль Hip-Hop далауреатхеит. Иара убасгьы "Apsny Crew" акәашаҩцәа Шәача имҩаԥысуаз III афестиваль иалахәын.

 

56
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

2
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

2

Аԥсны АКХ: алхратә ҭыԥ хадақәа хԥа рҟны алхрақәа шьақәгылеит

7
(ирҿыцуп 17:34 12.07.2020)
Аԥсны Апарламент ахь алхрақәа рзы абжьыҭара алхратә ҭыԥ хадақәа ԥшьба рҟны ихыркәшахоит ԥхынгәы 12, асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 14:30 рызтәи адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа хԥа рҟны ауаа рааишьа иаҿырԥшны ишьақәгылеит ҳәа иԥхьаӡатәуп, абри атәы Sputnik акорреспондент илзеиҭеиҳәеит Алхратә комиссиа хада ахантәаҩы Ҭамаз Гогьиа.

"Абри аамҭазы алхратә ҭыԥ хадақәа хԥа рҟны абжьыҭара шьақәгылеит ҳәа уҳәар ҟалоит ауаа рааишьа инақәыршәаны", - ҳәа азгәеиҭеит Гогьиа.

  • Бзыԥтәи алхратә ҭыԥ хадаҟны ауаа рааишьа иартәоит 26,39%;
  • Оҭҳаратәи алхратә ҭыԥ хадаҟны - 21,28%;
  • Гәдоуҭатәи алхратә ҭыԥ хадаҟны - 27,98 %;
  • Кындыӷтәи алхратә ҭыԥ хадаҟны - 33,51% %.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь. Гогьиа иҳәеит заанаҵтәи алҵшәақәа иахьагьы рыӡбахә рҳәар шалшо.

"Асааҭ 20:00 рышьҭахь абжьыҭара аанаҳкылоит. Алхратә ҭыԥ хадақәа адыркуеит. Алхратә ҭыԥқәа ркомиссиақәа алҵшәақәа еихыршьалалоит. Убри ашьҭахь алхратә ҭыԥқәа ркомиссиақәа аиааира згаз данеилыркаалак ашьҭахь ҳаргьы заанаҵтәи алҵшәақәа рылаҳҳәоит. Урҭ анрылаҳҳәо анакәхаҵәҟьо сызшәаҳәом, ҵхыбжьон асааҭ аказы акәхаргьы ҟалоит", - иҳәеит Гогьиа.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

"Аӡәгьы дмашшыр, аҵыхәтәантәи алҵшәақәа рылаҳәара аамҭа ҳцәагаӡом", - ҳәа иажәа иациҵеит АКХ ахантәаҩы.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

Иара убас шәаԥхьар ҟалоит:

7