Очамчыреи Тҟәарчали араионқәа рҿы тоннак аҟынӡа амармалташь пты еизыргеит

Очамчыреи Тҟәарчали араионқәа рҿы тоннак аҟынӡа амармалташь пты еизыргеит

23
Амармалташь пты адкылара иалагеит 2019 шықәса мшаԥы 15 инаркны.

АҞӘА, мшаԥы 17 – Sputnik. Очамчыреи Тҟәарчали араионқәа рҿы тоннак аҟынӡа амармалташь пты еизыргеит ҳәа радио Sputnik Аԥсны иазеиҭеиҳәеит амармлташь пты адкыларазы аусутә гәыԥ ахантәаҩы Артуш Сарибекиан.

"Иацы Очамчыра иҳадаҳкылон, иахаьа – Тҟәарчал. Очамчыра еизыргеит 505 кьыла амармалташь пты, Тҟәарчал – 446 кьыла", - ҳәа еиҭеиҳәеит Сарибекиан.

Иааиуа амшқәа рзы апты рыдыркылоит Гәылрыԥшьи Аҟәеи рраионқәа рҿы. Сарибекиан иара убасгьы иазгәеиҭеит Аԥсны мрагыларатәи ахәҭа ауааԥсыра мраҭашәаратәи ахәҭа ауааԥсыра ирыдкыланы еиҳа румҭа маҷуп абри аганахь ала ҳәа.

2018 шықәса иалагӡаны иааидкыланы хә-тоннак рҟынӡа апты еизган. 2019 шықәса рзы Сарибекиан иазыԥхьагәаҭарала х-тоннак рҟынӡа апты еизгахоит. Уажәшьҭа аптеизгара иалагоит ҭагалан.

Жәабран 27 рзы Аԥсны аԥыза-министр Валери Бганба инапы аҵеиҩит амармалташь пты иаҿагыло ауснагӡатәқәа рымҩаԥгаразы Аусԥҟа.

Аусԥҟа инақәыршәаны Ақыҭанхамҩа аминистрра анапы ианҵан аусутә гәыԥ аиҿкаара ауснагӡатәқәа рымҩаԥгареи ауааԥсыра аԥара рызшәареи рзы.

Кьылак амармалташь пты зықьмааҭ иаԥсоуп.

Ҵәыџьба еиҭеиҳәеит Гал еиҿкаау апты адкыларҭатә ҭыԥқәа рахь инеирц зылшо

 

23