Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа

Саида Гәынба лгәашәара иазку атлетика лас азы аицлабра аатит Аҟәа

43
(ирҿыцуп 12:03 20.04.2019)
Саида Гәынба лгәашәара иазку атлетика лас азы аицлабра иалахәуп 150-ҩык инарзынаԥшуа аспортсменцәа.

АҞӘА, мшаԥы 20 – Sputnik, Бадраҟ Аҩӡба. Асабша, мшаԥы 20 рзы Аҟәа иаатит Аолимпиатә хәмаррақәа рҟны араӡны медал занашьоу Саида Гәынԥҳа лгәашәара иазку атлетика лас азы аицлабра аатит.

Уи иалахәуп 2003-2005 шықәсқәа рзы, 2002 шықәсазы, иара убас еиҳабугьы аҿарацәа. Атурнир апрограмма иалоуп - аихампыл аршәра, аԥса аршәра, 100, 400, 1 500 метра аҩра.

Амшцәгьа хьаас имкыкәа, ари аицлабра рҽаладырхәырц иааит 150 инарзынаԥшуа аспортсменцәа ҿарацәа. Тҟәарчал, Гагра, Гәдоуҭа, Аҟәа араионқәа, иара убас ҵараиурҭақәак рхаҭарнакцәа арҭ аспорт хкқәа рҟны рхы ԥыршәоит. Атурнир ҩымш ицоит, алҵшәақәа еихыршьалоит мшаԥы 21 рзы.

  • Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    © Sputnik / Бадрак Авидзба
  • Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    © Sputnik / Бадрак Авидзба
  • Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа
    © Sputnik / Бадрак Авидзба
1 / 3
© Sputnik / Бадрак Авидзба
Саида Гәынба лгәашәара иазку атлетика лас азы аицлабра, мшаԥы 20, 2019 шықәса, Аҟәа

Жәларбжьаратәи акласс аспорт азҟаза, 1980 шықәсазы Москва имҩаԥысуаз ХХII Аолимпиатә хәмаррақәа рҟны араӡны медал иаԥсахахьаз Саида Қәанас-иԥҳа Гәынба диит Пицунда 1959 шықәса нанҳәа 30 рзы.

Атлетика лас ахь лшьапы еихылгеит 1974 шықәсазы. Азыҟаҵаҩцәас илыман Михаил Каракеиани Илиа Гигаурии. Асовет еидгыла еизгоу акоманда далалеит 1977 шықәсазы.

Саида Гәынԥҳа Аолимпиатә хәмаррақәа рҟны аҩбатәи аҭыԥ злалгаз лылҵшәа 67,76 метрак ыҟоуп. Актәи аҭыԥ усҟан иаанылкылеит Куба ахаҭарнак Мариа Каридад Колон.

Кандидат в члены сборной олимпийской команды СССР по легкой атлетике Саида Гунба (метание копья
© Sputnik / Юрий Сомов
Саида Гәынба аԥса анлыршәуаз

Аԥса аршәраҟны лхатә рекорд 68,28 метра ыҟоуп, уи шьақәлыргылеит 1980 шықәсазы.

Саида Гәынԥҳа иланашьоуп "Аҳаҭыр адырга" аорден, Аԥсны аспорт аҿиаразы иҟалҵаз алагалазы "Ахьӡ-аԥша" аорден III аҩаӡара.

43