Абааҭа

Гагра НКВД иатәыз ахыбреи аҵакырадгьыли арыцқьара иаҿуп

143
(ирҿыцуп 17:55 19.04.2019)
37-тәи ашықәсқәа раан Гагра Абааҭатәи абахҭа ҳәа изышьҭаз НКВД иатәыз ахыбреи аҵакырадгьыли арыцқьара иаҿуп, анаҩс ари аҭыԥ амузеи алхразы.

АҞӘА, мшаԥы 21 - Sputnik, Саида Жьиԥҳа. 37-тәи ашықәсқәа раан Сталини Бериеи рполитика хәашь иахырҟьаны НКВД анапаҿы иҟаз Гагра ақалақь Абааҭатәи абахҭа ҳәа изышьҭаз аҟны идырҳәацәоз, анаҩс харада ахара зыдҵаны идырӡуаз, акьырҭрақәа иҭарблыз, иршьыз ҳауаажәлар рхаҭарнакцәа ргәалашәара анаунагӡатәразы ари аҭыԥ амузеи алххоит. Иахьазы 80 шықәса инарзынаԥшуа ауаҩы инапы зкьымсыцыз ахыбреи аҵакырадгьыли арыцқьара иаҿуп.

© Foto / Саида Жиба
Абааҭатәи абахҭа

Аспециалистцәа имҩаԥыргахьоу аҭҵаарақәа иаадырԥшхьеит акурорт Гагра ашьаҭаркҩы апринц Ольденбургтәи имазара иахәҭакыз ахыбра аиҭашьақәыргылара шаԥсам. Аха аобиект иааизакны аихатәы еибаркыра ачаԥареи, аихац змоу аԥенџьырқәа аҭаны, асаркьа аҭасареи, ахыб акыц ақәҵареи алшоит. Абааҭатәи абахҭа аҵакырадгьыл 35 шәкырак аанда акәыршаны, хаҳәла ичаԥаны, аамҭала ишбахҭаз еилукааратәы хыхьла амӷтә цәаҳәа алашьҭреи ргәы иҭоуп. Абри зегьы арбоуп аиҭашьақәыргалараан изықәныҟәо архитектор Игорь Смыр ипроект аҟны.

2012 шықәсазы, Абааҭатәи абахҭа ахьчареи амузеи алхреи рзы иаԥҵан акомиссиа ҷыда. Уи иалахәу Гагра араион абыргцәа Рхеилак ахантәаҩы, Аԥсны Афырхаҵа Рудольф Алшәындба ҷыдала араҟа имҩаԥысуа аусурақәа хылаԥшра риҭоит.

© Foto / Саида Жиба
Рудольф Алшәындбеи Белла Барцыцԥҳаи

"Ишыжәбо еиԥш, иахьазы ахыбра ахыжәжәарақәа роуп иаанхаз, аха ҳара уи кьыс амҭакәа, иавҵиааз аҵлақәеи, амыӷқәеи рҟнытә ирыцқьаны, агәамсам ықәганы, аҵакырадгьыл аиҿкаара ҳалагеит. Ҳҭоурых зҳәо аҭыԥ уажәраанӡагьы амузеи алхзар акәын, аха акыр аамҭа ҳацәцазаргьы, ҳазлагаз аҵыхәанӡа инаҳагӡоит", - иҳәоит Рудольф Алшәындба.

Абааҭатәи абахҭа амузеи алхра уахи-ҽни згәы иҵхо, ҵыԥх 37-тәи ашықәсқәа ирылаӡыз ргәалашәара аҳаҭыр азы "Абааҭатәи аццышәқәа" ҳәа хыс измоу ашәҟәы ҭзыжьыз апоетесса Белла Барцыцԥҳа лакәзаргьы, лфырхацәа ахьҭанҵәаз аҭыӡқәа агәалашәаратә обиект ахь ишиасуа лбарц азы лассы-лассы ари аҭыԥ даҭаауеит.

Книга Абаата
© Sputnik / Илона Хварцкия
Белла Барцыцԥҳа лышәҟәы "Абааҭатәи аццышәқәа"

"Аполитикатә репрессиақәа ирылаӡыз ҳгәалаҳаршәарц жьҭаарамзазы арахь ҳанааилоз, аиаша шәасҳәап, ахаҳәгәалқәеи, амаӷқәеи ҳрылагыланы ауп амитингқәа шымҩаԥаагалоз. Уажәшьҭа, анцәа имчала, ахыбреи, аҵакырадгьыли акы иеиԥшхо иалагеит. Иҭабуп ҳәа иасҳәоит хамеигӡарала, аибашьра аинвалид Рудольф Алшәындба, изшьапык шимамгьы, аус хьанҭа дахьадгылоу, ари зегьы ирылшаӡом", - ҳәа азгәалҭоит апоетесса.

Рудольф Алшәындба иаҳзеиҭеиҳәеит, ашәҟәы "Абааҭатәи аццышәқәа" данаԥхьа ашьҭахь, иҭҟәаны иргаз рахь игәаҵаҿы еиҳагьы арыцҳашьареи агәыхьи шцәырҵыз. Белла Барцыц илырцәажәаз, ҳабдуцәа ршьа зхьыршу аҭӡамцқәа рахь ихо иалагеит.

Убри ауп, инапаҿы аԥара шыҟамызгьы, уалла иганы, иеиҭамҵуаз аус ахы шаиркыз.

"Шықәсқәак раԥхьа амарафон мҩаԥганы 250 нызқь еизаҳгахьан, амузеи аԥҵаразы. Аха, Гагра-Банк ауадаҩрақәа аназцәырҵ, аԥара ҳзамымхит. Анаҩс ҳауадаҩрақәа еилкааны атәыла анапхгара ҳацхрааит. Убас Абааҭатәи абахҭа азааигәара аԥсшьарҭа ҭыԥ зыргылаз аԥшәма Валери Папба 300 нызқь ҳаиҭеит, еиҭа 100 нызқь ҳазыԥшуп иара иҟнытә", - инаҵишьит Рудольф Алшәындба.

"Сыԥсы ҭоуп, хар сымам": салам шәҟәык аҭоурых>>

Амузеи шьаҭанкыла аиҿкааразы арҭ аԥарақәа, хымԥада, иазхом, убри инамаданы, акомиссиа алахәцәа аҳәара ҟарҵоит абизнесуааи, анаплакыҩцәеи рахь, 37-тәи ашықәсқәа ирылаӡаз ргәалашәара ахьӡала иаԥшьыргаз аус адгылара арҭарц.

143

Хымԥадатәи амедицинатә ԥгаԥса афонд "Аԥсныфармациа" аҿаԥхьа быжь-миллионк ақәуп

1
(ирҿыцуп 16:43 02.06.2020)
Хымԥадатәи амедицинатә ԥгаԥса афонд "Аԥсныфармациаҟны" амедицинатә усҳәарҭақәа рзы иаанахәоит акьыбачырақәа разԥхьагәаҭаразы ахәшәқәа.

АҞӘА, рашәара 2 - Sputnik. Аԥсны Хымԥадатәи амедицинатә ԥгаԥса Афонд АУН "Аԥсныфармациа" аҿаԥхьа быжь-миллионк ауал ақәуп аҵыхәтәантәи амзақәа рыҩнуҵҟала ҳәа аԥыза-министр Александр Анқәаб иалҳәеит реиԥылараан Афонд ахантәаҩы Валентина Жьиԥҳа.

Афонд аԥаразхара ахьамам акьыбачымазара змоу хәшәыла реиқәыршәаразы ауснагӡатәқәа акыр ишьақәнаҟьоит ҳәа азгәалҭеит Жьиԥҳа. Аԥкырақәа раамҭазы аҵыхәтәантәи амзақәа раан Афонд ахь ахыԥхьаӡалақәа акыр илаҟәит.

Жьиԥҳа лажәақәа рыла, 2020 шықәса аԥхьатәи хәымз рыҩнуҵҟа Афонд ахь инеиз 10 миллионки 121 нызқьмааҭ роуп, планла 17 миллиони 500 нызқь мааҭ иахьазыԥшыз.

Убас мшаԥымзазы Афонд иаиуит миллионки 847 нызқь мааҭ, лаҵарамзазы – ҩ-миллион мааҭ.

Аԥыза-министр Александр Анқәаб Афонд анапхгара рнапы ианиҵеит "Аԥсныфармациа" ауал ашәара аграфик аздырхиарц акьыбачымазара змоу ишахәҭоу ала реиқәыршәара апрограмма аус аруразы.

Иара убас шәаԥхьар ҟалоит:

1
Сира Авидзба

Аҩӡԥҳа акультура аҳәынҭқарратә ҵараиурҭа онлаин аусуразы: макьана ҳазхиамзар ҟалап

4
(ирҿыцуп 14:56 02.06.2020)
Аҟәатәи аҳәынҭқарратә акультуратә ҵараиурҭа аиҳабы Сира Аҩӡԥҳа арадио Sputnik аефир аҟны еиҭалҳәеит ачымазара ҿкы аламырҵәаразы атәылаҟны иалагалаз аԥкрақәа рҵарауирҭа аусура ишаныԥшыз атәы.
Ҳазлацәажәаша ҳамоуп: Аҩӡԥҳа Акультура аҳәынҭқарратә ҵараиурҭа аусура иазкны

"Уажәшьҭа хымз иназынаԥшуа аҵара аангыланы иҟоуп, егьырҭ аҵараиурҭақәа рҟны еиԥш. Излаҳалшоз ала онлаин аҵара аԥшьаҳгеит, аха уи жәлар ринструменқәа, ахореографиа рҟны аума даара иуадаҩуп. Ақыҭақәа рҟынтәи иааз ҳастудентцәа ишахәҭоу техникала еиқәшәам ыҟоуп, уи алҵшәа даара имаҷуп, ус еиԥш аҵара макьаназы ҳазыҟаҵамзар ҟалап", - лҳәеит Аҩӡԥҳа.

Лара адырра ҟалҵеит Акультура аминистрраҟны аилацәажәара шымҩаԥырго аҵарашықәс ахыркәшара инадҳәаланы.

"Актәи, аҩбатәи акурсқәа ирымаз ахәшьарақәа рыла азеиԥш хәшьара рыҭаны, егьырҭ аушьҭымҭацәа рԥышәарақәа излауала еиҿкааны абри амза иалагӡаны имҩаԥаҳгарц, иалҳаргап ҳәа ауп", -лҳәеит лара.

Убри аан иазгәалҭеит аҵараиурҭа астудентцәа изхысраны иҟаз апрограмма ахарҭәаара шыуадаҩхо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

4