Аԥснынтәи аԥшьаныҟәаҩцәа Алԥха мца аагаразы Иерусалимҟа идәықәлеит

Аԥснынтәи аԥшьаныҟәаҩцәа Алԥха мца аагаразы Иерусалимҟа идәықәлеит

69
Адунеи аиашахаҵаҩцәа зегьы Амшаԥныҳәа иаԥылоит мшаԥымза 28 рзы.

АҞӘА, мшаԥы 21 – Sputnik, Бадри Есиава. Аԥснытәи аԥшьаныҟәаҩцәа Иерусалимҟа идәықәлеит Алԥха мца аагаразы, абри атәы Sputnik акорреспондент изеиҭеиҳәеит Иԥшьоу апостол Симон Канатәии ақьырсианра иахыршьааз Иԥшьоу Евстави Аԥсилтәии рыхьӡ зху адоуҳатә фонд ахантәаҩы ихаҭыԥуаҩ Леван Адлеиба амҽыша, мшаԥы 21 рзы.

"Ԥсоу аҳәаа ҳахысхьеит. Аԥснынтәи Иԥшьоу Адгьыл ахь идәықәлеит 50-ҩык рҟынӡа ауаа. Иааиуа асабшазы Алԥха мца лбаараны иҟоуп Анцәа икәыба ауахәамаҟны. Хышықәса рыҩнуҵҟа ишыҟаҳҵалац еиԥш, уажәгьы Алԥха мца аҟәых Аԥснытәи акафедралтә уахәамахь ачартертә ареис ала иааҳашьҭырц ҳгәы иҭоуп Амшаԥныҳәа иазку амаҵзура аламҭалаз", - иҳәеит Адлеиба.

Иара убасгьы, иара иажәақәа рыла, Аԥснынтәи аделегациа ргәы иҭоуп Иерусалим егьырҭ аҭыԥ ԥшьақәа рҭаара.

Аԥсуа ԥшьаныҟәаҩцәа Иаса Қьырса аҵыхәтәантәи имҩа ианысит

Аԥсуаа аҭыԥ ԥшьахьы рцара аус еиҿнакааит Иԥшьоу апостол Симон Кананити ақьырсианра иахыршьааз Иԥшьоу Евстави Аԥсилтәии рыхьӡ зху адоуҳатә фонд, афинанстә цхыраара риҭеит амеценат Беслан Ешба.

69

Хымԥадатәи амедицинатә ԥгаԥса афонд "Аԥсныфармациа" аҿаԥхьа быжь-миллионк ақәуп

2
(ирҿыцуп 16:43 02.06.2020)
Хымԥадатәи амедицинатә ԥгаԥса афонд "Аԥсныфармациаҟны" амедицинатә усҳәарҭақәа рзы иаанахәоит акьыбачырақәа разԥхьагәаҭаразы ахәшәқәа.

АҞӘА, рашәара 2 - Sputnik. Аԥсны Хымԥадатәи амедицинатә ԥгаԥса Афонд АУН "Аԥсныфармациа" аҿаԥхьа быжь-миллионк ауал ақәуп аҵыхәтәантәи амзақәа рыҩнуҵҟала ҳәа аԥыза-министр Александр Анқәаб иалҳәеит реиԥылараан Афонд ахантәаҩы Валентина Жьиԥҳа.

Афонд аԥаразхара ахьамам акьыбачымазара змоу хәшәыла реиқәыршәаразы ауснагӡатәқәа акыр ишьақәнаҟьоит ҳәа азгәалҭеит Жьиԥҳа. Аԥкырақәа раамҭазы аҵыхәтәантәи амзақәа раан Афонд ахь ахыԥхьаӡалақәа акыр илаҟәит.

Жьиԥҳа лажәақәа рыла, 2020 шықәса аԥхьатәи хәымз рыҩнуҵҟа Афонд ахь инеиз 10 миллионки 121 нызқьмааҭ роуп, планла 17 миллиони 500 нызқь мааҭ иахьазыԥшыз.

Убас мшаԥымзазы Афонд иаиуит миллионки 847 нызқь мааҭ, лаҵарамзазы – ҩ-миллион мааҭ.

Аԥыза-министр Александр Анқәаб Афонд анапхгара рнапы ианиҵеит "Аԥсныфармациа" ауал ашәара аграфик аздырхиарц акьыбачымазара змоу ишахәҭоу ала реиқәыршәара апрограмма аус аруразы.

Иара убас шәаԥхьар ҟалоит:

2
Сира Авидзба

Аҩӡԥҳа акультура аҳәынҭқарратә ҵараиурҭа онлаин аусуразы: макьана ҳазхиамзар ҟалап

4
(ирҿыцуп 14:56 02.06.2020)
Аҟәатәи аҳәынҭқарратә акультуратә ҵараиурҭа аиҳабы Сира Аҩӡԥҳа арадио Sputnik аефир аҟны еиҭалҳәеит ачымазара ҿкы аламырҵәаразы атәылаҟны иалагалаз аԥкрақәа рҵарауирҭа аусура ишаныԥшыз атәы.
Ҳазлацәажәаша ҳамоуп: Аҩӡԥҳа Акультура аҳәынҭқарратә ҵараиурҭа аусура иазкны

"Уажәшьҭа хымз иназынаԥшуа аҵара аангыланы иҟоуп, егьырҭ аҵараиурҭақәа рҟны еиԥш. Излаҳалшоз ала онлаин аҵара аԥшьаҳгеит, аха уи жәлар ринструменқәа, ахореографиа рҟны аума даара иуадаҩуп. Ақыҭақәа рҟынтәи иааз ҳастудентцәа ишахәҭоу техникала еиқәшәам ыҟоуп, уи алҵшәа даара имаҷуп, ус еиԥш аҵара макьаназы ҳазыҟаҵамзар ҟалап", - лҳәеит Аҩӡԥҳа.

Лара адырра ҟалҵеит Акультура аминистрраҟны аилацәажәара шымҩаԥырго аҵарашықәс ахыркәшара инадҳәаланы.

"Актәи, аҩбатәи акурсқәа ирымаз ахәшьарақәа рыла азеиԥш хәшьара рыҭаны, егьырҭ аушьҭымҭацәа рԥышәарақәа излауала еиҿкааны абри амза иалагӡаны имҩаԥаҳгарц, иалҳаргап ҳәа ауп", -лҳәеит лара.

Убри аан иазгәалҭеит аҵараиурҭа астудентцәа изхысраны иҟаз апрограмма ахарҭәаара шыуадаҩхо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

4