Агәамсамкаԥсарҭа

Аԥсны Апарламент Гәылрыԥшь араион аҿы аполигон аргылара иақәшаҳаҭхеит

53
Ацрыҵ кьакьақәа аусеиҭарыдуларатә полигон Гәылрыԥшь араион Кациқыҭ аҳаблаҿ аргылараз адгьыл ҭыԥ алырхит. Адгьылҭыԥ аҵакыра 36 гектар иҟоуп.

АҞӘА, мшаԥы 22 – Sputnik, Бадри Есиава. Аԥсны Апарламент Гәылрыԥшь араион, Кациқыҭ аҳаблаҿ адгьылҭыԥ акатегориа аԥсахит.

"Ҳара Гәылрыԥшь араион Кациқыҭ аҳаблаҿ адгьылҭыԥ акатегориа ҳаԥсахит. Акатегориа "ақыҭанхамҩатә ҵакы змоу адгьылҭыԥ" "ааглыхра, атранспорт, аимадара, атәылахьчара уҳәа ахықәк ҷыда змоу адгьылқәа" ҳәа акатегориахь иаҵаҳаркит, ацрыҵ кьакьақәа рполигон аԥҵаразы", - иҳәеит Апарламент адепутат Асҭамыр Ҭарба.

Иара иазгәеиҭеит аӡбамҭа рыдыркылаанӡа апрофильтә еилакы алахәылацәа аҭыԥ аҿы инеины, ари адгьылҭыԥ шгәарҭаз.

Аԥсны аиҳабыра абзазаратә црыҵ кьакьақәа аусеиҭарыдуларатә полигон Гәылрыԥшь араион Кациқыҭ аҳаблаҿ аргылараз адгьыл ҭыԥ алырхит 2019 шықәса, хәажәкырамзазы. Адгьылҭыԥ аҵакыра 36 гектар иҟоуп. Аполигон ҿыц аргылара иазоужьхоит 120 миллион мааҭ. Урҭ аԥарақәа 2020-2022 шықәсқәа рызтәи Аинвестициатә программа иаҵанакуеит.

2018 шықәса ԥхынҷкәынмзазы Аҟәа ақалақь Алашарбага араион ауааԥсыра еизеит Аҟәатәи ашкол №12 аҿаԥхьа, дҵаны иқәдыргылеит абри аҭыԥ инаркны хышәҟа метра ахьыбжьоу иҟоу агәамсамкаԥсарҭа адыркразы.

Уаанӡа ауааԥсыра рынхара рацәак иаԥырхаганы иҟамызт агәамсамкаԥсарҭа, аха уажәы иара аҽарҭбааит, 60 гектар рҟынӡа аҵанакуеит. Ааигәа-сигәа инхо ауаа рыбзазаратә ҭагылазаашьа аруадаҩуеит. Дара ирҳәеит ишеиԥырымҵуа, атәыла ахада абри азҵаара иӡбаанӡа.

Акциа ҩымш ицон. Ауаа ҷаԥшьон, амашьынақәа рмышьҭразы.

Аԥсны ахада Рауль Ҳаџьымба ари апроблема аӡбаразы ԥхынҷкәын 4 рзы Аусԥҟа инапы аҵаиҩит.

2019 шықәса, хәажәкырамзазы Алашарбага араион ауааԥсыра ҿҳәарадатәи акциа хацдыркит агәамсамкаԥсарҭа аркразы. Еизаз аполигон ахь инеиуаз амҩа ркит.

Хәажәкырамзазы атәыла аиҳабыра аполигон аргыларазы 36 гектар адгьыл алыркааит Гәылрыԥшь араион аҿы.

Мшаԥы 4 рзы аԥыза-министр Валери Бганба абрифинг аҿы ирылеиҳәеит аполигон ҿыц ргылахоит ҳәа. Аргыларақәа ирылагоит лаҵарамзазы. Аԥаразоужьра мҩаԥгахоит Аинвестициатә программа аҳәаақәа ирҭагӡаны.

Мшаԥы 12 2019 шықәса рзы Аҟәа ахада Адгәыр Ҳаразиеи Гал араион ахада Ҭемыр Надараиеи аиқәшаҳаҭра рнапы аҵарҩит.

Аиқәшаҳаҭра инақәыршәаны, аҳҭнықалақь абзазаратә црыҵқәа Гәылрыԥшь араион аҿы аполигон дыргылаанӡа Гал араион ахь иргалоит.

 

53

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

5
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

5

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

3
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

3