Анефт

Аԥсны анефт аҵхра азҵаарақәа рзы апарламенттә комиссиа аусура иацҵоуп

61
Аԥсны иахьаҵанакуа арацәаӡритә аӡа аҵхра азҵаарақәа рзы Апарламент аҿы акомиссиа аԥҵан хәажәкыра 20, 2019 шықәсазы.

АҞӘА, мшаԥы 22 – Sputnik, Бадри Есиава. Аԥсны анефт аҵхра азҵаарақәа рзы апарламенттә комиссиа аусура даҽа мызкы ҳәа иацҵоуп, абри атәы еиҭеиҳәеит Жәлар Реизара адепутат Асҭамыр Ҭарба ашәахьа, мшаԥы 22 рзы.

"Акомиссиа аусура аҿҳәарақәа ирыцаҳҵар акәхеит, избанзар ари аус знапы иану аусбарҭақәа рахь инаҳашьҭқәаз азыҳәақәа рҭак ҳмоуӡацт. Макьана иҟаҵәҟьоу аҭагылазаашьа зеиԥшроу еилыкка иҳаздырӡом", - иҳәеит Ҭарба.

Аԥсны иахьаҵанакуа арацәаӡритә аӡа аҵхра азҵаарақәа рзы акомиссиа аԥҵан Апарламент аҿы хәажәкыра 20, 2019 шықәсазы.

Уи иалалеит Жәлар Реизара адепутатцәа 12-ҩык, хантәаҩыс дарҭеит уи азҵаара зусхәаԥштә иалоу Апарламент аилак анапхгаҩы адепутат Асҭамыр Ҭарба.

Уаанӡа иҟаз адыррақәа рыла, ари акомиссиа аусура хнаркәшар акәын уи азы ақәҵара анрыдыркыла амш инаркны мызкы иҭагӡаны.

Аԥсны аиҳабыра лаҵарамза 2014 шықәсазы аилахәыра "АԥсныОил" Очамчыреи, Тҟәарчали, Гали рраионқәеи Аԥсны Амшын еиқәа аԥшаҳәа мрагыларатәи ахәҭаҟни арацәаӡриқәа ргеологиатә ҭҵаареи, рыԥшаареи, рыҵхреи рзы азин арҭеит. 2018 шықәса хәажәкырамзазы "АԥсныОил" ари аиқәшаҳаҭра аусура иацырҵеит, избанзар уа иарбаз аҿҳәарақәа ирҭагӡаны иазԥхьагәаҭаны ирымаз ауснагӡатәқәа ирхьымӡаӡеит.

61

Хымԥадатәи амедицинатә ԥгаԥса афонд "Аԥсныфармациа" аҿаԥхьа быжь-миллионк ақәуп

3
(ирҿыцуп 16:43 02.06.2020)
Хымԥадатәи амедицинатә ԥгаԥса афонд "Аԥсныфармациаҟны" амедицинатә усҳәарҭақәа рзы иаанахәоит акьыбачырақәа разԥхьагәаҭаразы ахәшәқәа.

АҞӘА, рашәара 2 - Sputnik. Аԥсны Хымԥадатәи амедицинатә ԥгаԥса Афонд АУН "Аԥсныфармациа" аҿаԥхьа быжь-миллионк ауал ақәуп аҵыхәтәантәи амзақәа рыҩнуҵҟала ҳәа аԥыза-министр Александр Анқәаб иалҳәеит реиԥылараан Афонд ахантәаҩы Валентина Жьиԥҳа.

Афонд аԥаразхара ахьамам акьыбачымазара змоу хәшәыла реиқәыршәаразы ауснагӡатәқәа акыр ишьақәнаҟьоит ҳәа азгәалҭеит Жьиԥҳа. Аԥкырақәа раамҭазы аҵыхәтәантәи амзақәа раан Афонд ахь ахыԥхьаӡалақәа акыр илаҟәит.

Жьиԥҳа лажәақәа рыла, 2020 шықәса аԥхьатәи хәымз рыҩнуҵҟа Афонд ахь инеиз 10 миллионки 121 нызқьмааҭ роуп, планла 17 миллиони 500 нызқь мааҭ иахьазыԥшыз.

Убас мшаԥымзазы Афонд иаиуит миллионки 847 нызқь мааҭ, лаҵарамзазы – ҩ-миллион мааҭ.

Аԥыза-министр Александр Анқәаб Афонд анапхгара рнапы ианиҵеит "Аԥсныфармациа" ауал ашәара аграфик аздырхиарц акьыбачымазара змоу ишахәҭоу ала реиқәыршәара апрограмма аус аруразы.

Иара убас шәаԥхьар ҟалоит:

3
Сира Авидзба

Аҩӡԥҳа акультура аҳәынҭқарратә ҵараиурҭа онлаин аусуразы: макьана ҳазхиамзар ҟалап

4
(ирҿыцуп 14:56 02.06.2020)
Аҟәатәи аҳәынҭқарратә акультуратә ҵараиурҭа аиҳабы Сира Аҩӡԥҳа арадио Sputnik аефир аҟны еиҭалҳәеит ачымазара ҿкы аламырҵәаразы атәылаҟны иалагалаз аԥкрақәа рҵарауирҭа аусура ишаныԥшыз атәы.
Ҳазлацәажәаша ҳамоуп: Аҩӡԥҳа Акультура аҳәынҭқарратә ҵараиурҭа аусура иазкны

"Уажәшьҭа хымз иназынаԥшуа аҵара аангыланы иҟоуп, егьырҭ аҵараиурҭақәа рҟны еиԥш. Излаҳалшоз ала онлаин аҵара аԥшьаҳгеит, аха уи жәлар ринструменқәа, ахореографиа рҟны аума даара иуадаҩуп. Ақыҭақәа рҟынтәи иааз ҳастудентцәа ишахәҭоу техникала еиқәшәам ыҟоуп, уи алҵшәа даара имаҷуп, ус еиԥш аҵара макьаназы ҳазыҟаҵамзар ҟалап", - лҳәеит Аҩӡԥҳа.

Лара адырра ҟалҵеит Акультура аминистрраҟны аилацәажәара шымҩаԥырго аҵарашықәс ахыркәшара инадҳәаланы.

"Актәи, аҩбатәи акурсқәа ирымаз ахәшьарақәа рыла азеиԥш хәшьара рыҭаны, егьырҭ аушьҭымҭацәа рԥышәарақәа излауала еиҿкааны абри амза иалагӡаны имҩаԥаҳгарц, иалҳаргап ҳәа ауп", -лҳәеит лара.

Убри аан иазгәалҭеит аҵараиурҭа астудентцәа изхысраны иҟаз апрограмма ахарҭәаара шыуадаҩхо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

4