Ашьапылампылтә хәыҷтәы команда Афон

Афон ҿыц ашьапылампыласыҩцәа Санкт-Петербургтәи атурнир иалахәхоит

34
(ирҿыцуп 15:40 25.04.2019)
Ашьапылампыл азы ахәыҷтәы турнир "JUNIOR FOOTBALLER CUP" мҩаԥысраны иҟоуп Санкт-Петербург, лаҵара 9 -12 рзы.

АҞӘА, мшаԥы 25 – Sputnik, Бадраҟ Аҩӡба. Акомандақәа "Афон-1" (2008 шықәса рзы ииз – аред.) "Афон-2" (2009 шықәса рзы ииз – аред.) ашьапылампыл азы ахәыҷтәы турнир "JUNIOR FOOTBALLER CUP" иалахәхоит иҳәеит Sputnik аинтервиу азҭаз азыҟаҵаҩ хада Армен Капикиан.

Коӷониа еиҭеиҳәеит ашьапылымпыл азы Европатәи Академиа раԥхьатәи ааӡамҭацәа шаиуз>>

"Ҳара ҩынтәуп ари атурнир ҳҽалаҳархәуеижьҭеи. Ҵыԥх ахәбатәи аҭыԥ аанаҳкылеит. Сынтәа ԥшьгәыԥк еиҿкаахоит. Гәыԥцыԥхьаӡа ԥшьба-ԥшьба команда алахәхоит", - иҳәеит иара. Атурнир мҩаԥысуеит астадион "Динамо" аҿы.

Санкт-Петербург атурниртә еиԥыларақәа рыдагьы иазԥхьагәаҭоуп ашьапылампылтә академиа "Зенит" ахәмарыҩцәа рыцықәгылара.

"Уи адагьы, ҳара ҳнарыԥхьеит "Зенити" ЦСКАи рыбжьара ахәмаррахь. Уи мҩаԥысуеит лаҵара 12 рзы. "Зенит" акоманда ирҭахуп ҳара ахәмарра аԥхьа аҽазыҟаҵарақәа рахь ҳнеирц, ашьапылампыласыҩцәеи ҳареи ҳаибадырырц", - иҳәоит Капикиан.

"JUNIOR FOOTBALLER CUP" – Урыстәыла зегь иреиҳау хәыҷтәы жәларбжьаратә турнируп. Иалахәуп атәылақәа 10 рҟынтәи 120 рҟынӡа команда.

Ашьапылампыл азы ахәыҷтәы турнир "JUNIOR FOOTBALLER CUP" мҩаԥысраны иҟоуп Санкт-Петербург, лаҵара 9-12 рзы.

34