Аркади Џьапуа

Џьапуа Џьаҳашьқьар аныҳәаразы: есаамҭа шықәсык бжьамыжькәа имҩаԥаагоит

103
(ирҿыцуп 18:24 26.04.2019)
Аижәлантәқәа Џьапуаа Амшаԥныҳәазы имҩаԥырго аныҳәара аҵакы атәы арадио Sputnik Аԥсны аефир аҿы еиҭеиҳәеит Аҳәынҭқарратә музеи аиҳабы Аркади Џьапуа.
Џьопуа Џьаҳашьқьар аныҳәаразы: есаамҭа шықәсык бжьамыжькәа имҩапаагоит

"Ҳныҳәара амшаԥныҳәа аҽны изақәшәо атәы ҳаилзыркаауа аӡәгьы дыҟам. Ари амш аҽны ҳажәла ду еизон Ҷлоу ақыҭан, Аимара аҳаблаҿы аныхамҵ ҳәа иахьашьҭоу аҭыԥ аҿы. Уа игылоуп ҳныха, Џьаҳашьқьар ҳәа изышьҭоу. Уи ахатә ҭоурых амоуп. Иара Џьапуаа ҳзы мацара акәым, уа Аимара ақыҭан инхо аижәлантәқәа Асангәлиақәа, Инаԥшьаа, Кәарҷиаа аныха амҵан еиқәшәалон, еиуеиԥшым ахәамаррақәа еицымҩаԥыргон, ачеиџьыка еицырфон. Уи иахьатәи аамҭазы иаанханы иҟоу акоуп. Ари аныҳәара мҩаԥаҳгон Асовет мчра ахаангьы, шықәсык бжьамыжькәа иахьа уажәраанӡа иаагоит. Аныха ахаҭа иахьа Ҷлоу иҳамоу Ҵабал ашьха ашьапыҵәҟьа Адагәа ҳәа изышьҭоу аҿоуп иахьыҟоу. Ажәаатәи ашәышықәса анҵәамҭазы ауаҩшьра ҟалеит, Маршьаниааи Џьапуааи ауашьра рыбжьалеит. Аишьцәа ахьынхоз аҭыԥ ныжьны ицеит, аха аԥхьа Ҷлоу иааит, уи ижәла Аџьапуа ҳәа иҟаиҵеит, аҩбатәи аиашьа Аӡҩыбжьа дааит ижәла Допуа ҳәа иҟаиҵеит, ахԥатәи - Гал арион аҿы Џьабаа ҳәа дынхеит. Дара ааигәанӡагьы аныҳәараан рцәашьхәы аарҭиуан, аныха иамҵаныҳәон. Аԥшьбатәи аиашьа Аҩадатәи Кавказ нхара ҳәа дцеит. Аӡә дыԥсуазаргьы, аижәлантә иҟынтә аӡә даанхап ҳәа еиҿыҵит", - еиҭеиҳәоит Џьапуа.  

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

103
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

34
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

34

Акоронавирус ҳацны: Аԥсны сынтәатәи ааԥын шымҩаԥысыз

3
Уажәшьҭа ҩымз инареиҳаны иҵуеит акоронавирус алаҵәара ашәарҭара ахьыҟоу азы Аԥсны аԥкрақәа алагалоуижьҭеи.

Атәылауаа хәыҷы-хәыҷла аҽыԥхьакра арежим иҵыҵуа иалагеит, аха уеизгьы макьана атеатрқәа рахь изҵом, аконцертқәа изырҭаауам.

Атәылаҿы ауаа рацәа реизгара ҟалом, ачараура ҟалом, аха акаҳуажәырҭақәеи аҽырԥшӡарҭақәеи аартуп.

Аԥсны аиҳабыра аԥкрақәа рашәара 15 рҟынӡа ирнахеит.

Аԥсны апандемиа аамҭазы иаԥсҭазаашьоу атәы шәахәаԥшыр шәылшоит Sputnik авидеонҵамҭаҟны.

3