Ҭимур Ҭаниа икиносахьа Спасибо Деду за Победу урыстәылатәи акинотеатрқәа рҟны ицоит

Ҭимур Ҭаниа икиносахьа "Сабду, аиааиразы иҭабуп" урыстәылатәи акинотеатрқәа рҟны ицоит

48
(ирҿыцуп 10:32 02.05.2019)
Акомедиа-патриоттә кино "Сабду, аиааиразы иҭабуп" ("Спасибо деду за победу") аԥсуа режиссиор Ҭимур Ҭаниа аҭыхра далагеит 2016 шықәса рзы.

АҞӘА, лаҵара 2 – Sputnik, Бадри Есиава. Аԥсуа режиссиор Ҭимур Ҭаниа ифильм "Спасибо деду за победу" урыстәылатәи акинотеатрқәа рҟны ицо иалагеит лаҵара 1 инаркны. Абри атәы Sputnik акорреспондент изеиҭеиҳәеит арежиссиор ихаҭа.

"Афильм Урыстәыла акинотеатрқәа рҿы ирышьҭуа иалагеит лаҵара 1 инаркны. Иахьа, ашьыжь актәи асеанс дырбан. Ҳара афильм Аԥсны, Аҟәа, Аурыс театр аҿы дырбара ҳагәҭакуп", - ҳәа иҳәеит Ҭаниа.

Ҭаниа иҳәеит аԥхьарбара Москва, акинотеатр "Октябрь" аҿы имҩаԥысит мшаԥы 30 рзы ҳәа.

"Асасцәа рацәан. Иҟан Аԥсны акультура аминистрра, Урыстәыла иҟоу аԥсуа диаспора рхаҭарнакцәа, ателеканалқәа СТС, ТНТ рҟынтәи ауаа. Ахәаԥшыҩцәа ражәақәа рыла афильм агәахәара рнаҭеит", - ҳәа иҳәоит Ҭаниа.

Арежиссиор иҳәеит игәаҳәара шынаӡаз, акиносахьа "Спасибо деду за победу" аекран ду ахь иахьцәырҵыз.

Акомедиа-патриоттә кино аҭыхра хацыркын 2016 шықәса рзы акиностудиа RSS Production аҟны, Урыстәылатәи Афедерациа акультура аминистрра иҟанаҵаз адгыларала.

Афильм аҟны арольқәа нарыгӡон актиорцәа: Кьасоу Ҳагба, Софа Агәмааԥҳа, Адгәыр Малиа, акоманда КВН "Нарты из Абхазии" алахәылацәа.

 

48

COVID-19 рзықәыргылоуп даҽа жәҩык Аԥсны ауааԥсыра

20
(ирҿыцуп 20:02 10.08.2020)
Апандемиа ҟалеижьҭеи Аԥсны ачымазара здырбалахьоу рхыԥхьаӡара 143-ҩык ыҟоуп. Урҭ рахьтә 45-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 10 - Sputnik. Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 55-ҩык ауааԥсыра, адиагноз COVID - 19 рзықәыргылоуп жәҩык ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 36-ҩык апациентцәа. Згәабзиара ҭышәынтәалаз апациентцәа быжьҩык ахәышәтәырҭа илыҩҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц: асоциалтә дистанциа укызароуп, унапқәа сапынла лассы-лассы иӡәӡәалатәуп, еиҳаракгьы адәахьынтә аҩны уанааилак ашьҭахь.

Аԥсны агәабзиарахьчара аминистрра аҭел ҷыда:

  • Аҟәа 925 – 10 – 06; 995 – 02 – 07; 935 – 30 – 71
  • Очамчыра 925 -10 – 09
  • Тҟәарчал 925 -10 – 03
  • Гал 925 -10 – 07
  • Гагра 925 -10 – 05
  • Гудоуҭа 925 -10 – 02
  • Агуӡера 925 -10 – 04

Акоронавирус иадҳәалоу ажәабжьқәа зегьы шәрыԥхьар ҟалоит абра>>

20
Атемақәа:
Ачымазара ҿкы – акоронавирус Аԥсни адунеи аҿи: иалкаау
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

12
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

12
Семен Пегов

Минск иаанкылаз урыстәылатәи ажурналист Семион Пегов доушьҭуп

4
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

4