Аԥсны АҶА: ашкол амцаҽацәыхьчаратә дырраҟаҵага амамызт

45
(ирҿыцуп 13:12 02.05.2019)
Иахьа ашьыжь амцакра ахьыҟалаз абжьаратә школ №2 аҟны аҵара рҵоит 1250 –ҩык аҵаҩцәа.

АҞӘА, лаҵара 2 – Sputnik. Ашкол амцаҽацәыхьчаратә дырраҟаҵага амамызт, иара убасгьы амцаҽацәыхьчаратә хьшьтәы ахьшьымызт ҳәа иҳәоит Аҟәа ақалақьи Аҟәа араиони рҟны амцарцәаҩцәа-аиқәырхаҩцәа ргәыԥ аиҳабы Ҭимур Кәыҵниа.

"Ҳара изныкымкәа агәҽанҵара ҟаҳҵахьан арҭ аусқәа нагӡатәуп ҳәа, аха исзымдыруа амзызқәа ирыхҟьаны ҽырҵысы ҟаҵамызт. Ԥшьымзҟа раԥхьа апрокуратура аусзуҩцәеи ҳареи абри ашкол агәаҭара иахҳажьуан", - ҳәа иҳәоит Кәыҵниа.

Ҭимур Кәыҵниа иажәақәа рыла дара агәаҭарақәа рышьҭахь иахәҭоу атәы шәҟәыла ишьақәдыргылоит, уи анагӡара хымԥадазароуп.

Ашкол аҿы амцакра ҟалеит ҳәа адырра ҟаҵан АҶА аҷаԥшьаратә хәҭахьы ашьыжь, асааҭ 6:40 рзы.

"Амцарцәара иалахәын 130-ҩык амцарцәаҩцәеи 14 машьынеи. Иара убасгьы ацхырааразы иаашьҭын урыстәылатәи аҳәаахьчаҩцәа. Очамчыра араион аҟынтәи амашьынақәа хԥа, Гәылрыԥшь араион аҟынтәи машьынак, Гәдоуҭа араион аҟынтәи машьынак амцарцәара иалахәын", - ҳәа радио Sputnik иазеиҭеиҳәеит Аԥсны АҶА аминистр ихаҭыԥуаҩ Саҭбеи Гындиа.

Асааҭ 9:30 рзы амца ырцәан. Уа уажәы акомиссиа аус руеит, амцакра амзыз ашьақәыргыларазы, иҳәеит аминистр ихаҭыԥуаҩ.

Аҟәатәи ашкол №2 ахыбра ргылан 1870 шықәса рзы. Аԥхьанатә аҳәса рпрогимназиа ҳәа акәын ишыҟаз, хылаԥшра алҭон аҳкәажәԥҳәыс Мариа Федор-иԥҳа.

1904 шықәса рзы аҩбатәи аихагыла хагалан. 1909 шықәса рзы аа-класски иҟаз агимназиа ҳәа ахьӡырҵеит, аимператор Александр III иԥҳа, аҳкәажәҭыԥҳа Ксениа Александр-иԥҳа хылаԥшра азылуан.

ХХ ашәышықәса 20-тәи ашықәсқәа рзы Аҟәатәи аҩбатәи абжьаратә школ ҳәа еиҭаркит.

1942 шықәса рзы Александр Сергеи-иԥа Пушкин ихьӡ зху аурыс школ ахьыӡҵахеит. Асовет аамҭақәа раан ашкол азеиԥшҵаратә усҳәарҭаны иҟалеит.

1992-1993 шықәсқәа рызтәи аԥсуа-ақырҭуа еибашьраан ахыбра блит.

2008 шықәса рзы ашкол № 2 Урыстәылатәи Афедерациа афинанстә цхыраарала еиҭашьақәыргылан.

 

45
Атемақәа:
Аҟәатәи ашкол абылра (15)

Ажьырныҳәа-лаҵара рзтәи аҳазалхратә шәарақәа 2019 шықәсазтәи арбагақәа иреиҳауп

3
2020 шықәса ажьырныҳәамза инаркны лаҵарамзанӡа еизгоу аҳазатә шәарақәа 2019 шықәсазтәи арбагақәа иреиҳахеит. Азеиԥш шәарақәа 687 миллион мааҭ ҟалеит.

АҞӘА, рашәара 2 – Sputnik. 2020 шықәса ажьырныҳәамза инаркны лаҵарамзанӡа еизгоу аҳазатә шәарақәа 94% инагӡоуп ҳәа азаарыцҳаит Sputnik Аҳәынҭқарратә ҳазалхратә еилакы аҟынтәи.

"Апандемиа инадҳәаланы аԥкырақәа шалагалазгьы 2020 шықәса ажьырныҳәамза инаркны лаҵарамзанӡа еизго аҳазатә шәарақәа 94% инагӡоуп. Азеиԥш шәарақәа 687 миллион мааҭ ҟалеит" ҳәа азгәарҭеит аусбарҭаҿы.

Ажьырныҳәа-лаҵара рзтәи аҳазалхратә шәарақәа 2019 шықәсазтәи арбагақәа иреиҳауп 85 миллион рыла рҳәеит аилак аҿы.

Лаҵара 12 рзы афинансқәа рминистрреи ашәахтәеизгареи аҳазалхратәи усбарҭақәеи русеицурала лаҵара раԥхьатәи жәамш рзы иалыршахеит 80 миллион мааҭ абиуџьет ахь инеиртә аҟаҵара иҳәеит Владимир Делба аԥыза-министр имҩаԥигаз аилацәажәараан.

Делба иажәақәа рыла, арҭ аԥарақәа иалдыршоит аҭыԥантәи абиуџьетқәа цхыраагӡак аҳасабала абиуџьет усхк аусзуҩцәа руалафахәы аларшәарц рыҭара.

Иара убас шәаԥхьар ҟалоит:

3

Уахыки-ҽнаки рыла Аԥсны акоронавирус азы игәаҭан 56-ҩык ауааԥсыра

14
(ирҿыцуп 20:58 01.06.2020)
Аԥсны Аҳәынҭқарра иахьаҵанакуа акоронавирустә инфекциа зыхьыз ҳәа ҿыц аӡәгьы дшьақәыргылам ииасыз уахыки-ҽнаки рыла.

АҞӘА, рашәара 1 - Sputnik. 50-ҩык инареиҳаны ауааԥсыра гәаҭан акоронавирус рымоу ирымаму ҳәа иҳаҩсыз уахыки-ҽнаки рзы, абри атәы аанацҳауеит Ауааԥсыра акоронавирус рацәыхьчаразы аоперативтә штаб.

"Рашәара 1 азтәи аҭагылазаашьа абас иҟоуп: иҳаҩсыз уахыки-ҽнаки рзы игәаҭан 56-ҩык ранализқәа, урҭ зегьы ршьа акоронавирус шаламыз шьақәыргылан",  - ҳәа аанацҳауеит адырраҭара.

Иахьатәи аамҭазы Гәдоуҭатәи ахәышәтәырҭаҟны ишьҭоуп 3-ҩык апациентцәа, урҭ зегьы ирзышьақәыргылаз акоронавирустә инфекциаҟынтәи ирхәышәтәуеит.

Акоронавирус азы апандемиа ааҟалеижьҭеи Аԥсны иахьаҵанакуа 28-ҩык ари аҿкы чымазара рыхьхьеит. Урҭ рахьтә 23-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәыла Аконституциа ариашарақәа рзы абжьыҭара ҟалоит ԥхынгәы 1 азы

4
(ирҿыцуп 10:21 02.06.2020)
Урыстәылатәи Афедерациа Аконституциахь аԥсахрақәа ралагаларазы абжьыҭара ҟалараны иҟан мшаԥы 22 рзы, аха акоронавирус иахырҟьаны иахыган.

АҞӘА, рашәара 2 - Sputnik. Урыстәыла ахада Владимир Путин аусԥҟа инапы аҵаиҩит Урыстәыла Аконституциа ариашарақәа рзы абжьыҭара ҟалоит ԥхынгәы 1 азы ҳәа. Аусԥҟа атекст кьыԥхьуп Кремль асаит аҿы.

"2020 шықәса ԥхынгәы 1 Аконституциа аԥсахрақәа ралагаларазы абжьыҭира иамшны ишьақәгылазааит", - ҳәа аҳәоит адокумент аҿы.

Аусԥҟаҿ иарбоуп абжьыҭараан ишазхьаԥштәу аепидемиологиатә ҭагылазаашьа, ауааԥсыра рсанитар-епидемиологиатә хьчара.

Ԥхынгәы 1 Урыстәыла иԥсшьарамшхоит.

Иара убас шәаԥхьар ҟалоит:

4