Рашь Хәытаба ихьӡ зху атурнир аатит Аҟәа

Рашь Хәытаба ихьӡ зху атурнир аатит Аҟәа

59
(ирҿыцуп 15:51 04.05.2019)
Атурнир иалахәуп Аԥсны араионқәа зегьы рҟынтәи аспортсменцәа, иара убасгьы Краснодартәи атәылаҿацәи Ареспублика Адыгеиеи рхаҭарнакцәа.

АҞӘА, лаҵара 4 – Sputnik, Бадраҟ Аҩӡба. Жәларбжьаратәи акласс аспорт азҟаза, СССР ачемпион, Европа ачемпион Рашь Хәытаба ихьӡ зху Зых иақәиҭу ақәԥаразы XXVI Жәларбжьаратәи атурнир аатит Аҟәа, ареспубликатә спорттә школ аҟны.

  • Рашь Хәытаба ихьӡ зху атурнир аатит Аҟәа
    Рашь Хәытаба ихьӡ зху атурнир аатит Аҟәа
    © Sputnik / Томас Тхайцук
  • Рашь Хәытаба ихьӡ зху атурнир аатит Аҟәа
    Рашь Хәытаба ихьӡ зху атурнир аатит Аҟәа
    © Sputnik / Томас Тхайцук
  • Рашь Хәытаба ихьӡ зху атурнир аатит Аҟәа
    Рашь Хәытаба ихьӡ зху атурнир аатит Аҟәа
    © Sputnik / Томас Тхайцук
1 / 3
© Sputnik / Томас Тхайцук
Рашь Хәытаба ихьӡ зху атурнир аатит Аҟәа

Алахәылацәеи асасцәеи аԥсшәа реиҳәеит Аԥсны ахада Рауль Ҳаџьымба. Иара иазгәеиҭеит асеиԥш иҟоу аиндаҭлара традициак аҳасабала ишымҩаԥысуа.

"Ҳара ҳзы акраҵанакуеит асеиԥш иҟоу ауснагӡатәқәа рымҩаԥгара егьырҭ аспортхкқәа рҟынгьы. Ҳара иаҳҭахуп атәылаҿ аспорт еизҳазыӷьаларц, аҿар рхы аладырхәларц. Аҳәынҭқарра иалшо зегь ҟанаҵоит атәылаҿы аспорт аҿиара аиурц", - иҳәеит атәыла ахада.

Иара иазгәеиҭеит азал дуқәа ыҟазҭгьы шшьахәыз, иҳәеит агәра шиго аԥсуа спорт аԥеиԥш ду шазыԥшу азы.

Зых иақәиҭу ақәԥараз Европа ачемпионат аԥснытәи аспортсмен далахәхоит>>

Ахада иҭабуп ҳәа реиҳәеит атурнир алахәылацәа, иагьырзеиӷьеишьеит ақәҿиарақәа.

"Иаҵахо ҳәа аӡәгьы дҟалом", - иҳәеит иара.

Турнир по вольной борьбе имени Раша Хутаба в Сухуме
© Sputnik / Томас Тхайцук
Рашь Хәытаба ихьӡ зху атурнир аҟны аԥхьахәқәа

Абри ашьҭахь ажәа ирҭеит Жәларбжьаратәи акласс аспорт азҟаза, СССР ачемпион, Европа ачемпион Рашь Хәытаба.

"Сара атурнир алахәылацәа зегьы иҭабуп ҳәа шәасҳәарц сҭахуп. Ҳара зегьы ибзианы иаҳгәалашәоит раԥхьатәи атурнирқәа дышрылахәыз Аԥсны раԥхьатәи ахада – Владислав Арӡынба, Кавказ зегь аҟынтәи акомандақәа шаауаз. Ишәзеиӷьасшьар сҭахуп агәабзиара, анасыԥ", - иҳәеит Хәытаба.

Рауль Ҳаџьымба идикылеит Ақәԥаразы Урыстәыла аолимпиатә еидгыла алахәылаҩцәа>>

Аҳаҭыртә сасык иаҳасаб ала атурнир ихы алаирхәуеит зых иақәиҭу ақәԥара аусхк аҟны адунеи аҿы еицырдыруа, Аолимпиатә хәмаррақәа хынтә ирчемпионхахьоу, фынтә Европа иачемпионхахьоу, ԥшьынтә Урыстәыла иачемпионхахьоу, Урыстәыла аспорт азҟаза Буваисар Саитиев.

"Сара даара агәахәара снаҭоит Аԥсны раԥхьаӡа акәны сахьаҭааз. Иҭабуп ҳәа ахысҳәаауеит сҩыза, сашьа Баграт Хәытаба (Аԥсны аспорт азы аилак ахантәаҩы – аред.) исиҭаз ааԥхьара. Акрааҵуан шәреспублика саҭаар сҭахижьҭеи", - иҳәоит Саитиев.

Бувайсар Сайтиев
© Sputnik / Томас Тхайцук
Рашь Хәытаба ихьӡ зху атурнир асас Буваисар Саитиев

Аиндаҭларақәа рыӡбаҩ хада Виктор Козлиаков еиҭеиҳәеит сынтәа атурнир ишалахәу Аԥсны араионқәа зегьы рҟынтәи аспортсменцәа, иара убасгьы Краснодартәи атәылаҿацәи Ареспублика Адыгеиеи рҟынтәи.

Аԥснытәи аспортсменцәа зых иақәиҭу ақәԥараз Урыстәыла ачемпионат ахь инеит>>

"Аицлабрақәа ирылахәхоит 2000 - 2003 шықәсқәа рзы ииз арԥарацәа", - иҳәеит иара.

Жәларбжьаратәи акласс аспорт азҟаза, СССР ачемпион, Европа ачемпион Рашь Хәытаба ихьӡ зху зых иақәиҭу ақәԥаразы XXVI Жәларбжьаратәи атурнир хыркәшахоит лаҵара 5 рзы.

 

59

Аԥсны азакәанԥҵара анагӡашьа ахылаԥшразы аусбарҭа аиҳабы дарҭеит

0
(ирҿыцуп 09:32 30.05.2020)
Алексеи Аҩардан Арратә прокурор ихаҭыԥуаҩыс дахьыҟаз аҟынтәи ихы дақәиҭтәны аҽа усурак ахь диагоуп.

АҞӘА, лаҵара 30 - Sputnik. Аԥсны азакәанԥҵара анагӡашьа ахылаԥшразы аусбарҭа аиҳабыс дарҭеит Алексеи Аҩардан ҳәа аанацҳауеит Апрокуратура хада асаит.

Абри азы аусдҵа инапы аҵаиҩит Апрокурор хада Адгәыр Агрба лаҵара 28 рзы.

Алексеи Аҩардан диит жьҭаара 29, 1977 шықәса рзы Аҟәа. Ашколи аинститути дрылгеит Макеевка, Украина.

Апрокуратура аусбарҭақәа рҟны аус иуеит 2001 шықәса раахыс. Аԥхьа аусҭҵаара еиҳабыс, нас – аҵак ҷыдатә усҭҵааҩыс.

2007 шықәса рзы Аԥсны Арратә прокурор ицхырааҩ хадас дҟаҵан, 2019 шықәса рзы – арратә прокурор ихаҭыԥуаҩыс.

Иара убас шәаԥхьар ҟалоит:

0
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

34
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

34