архивтә фото

Гагра араион аҿы ахаҵа иԥҳәыс дишьит

173
(ирҿыцуп 14:57 07.05.2019)
Гагра араион Ԥсахара ақыҭан лаҵара 7 ауха ауаҩшьра ҟалеит.

АҞӘА, лаҵара 7 - Sputnik. Гагра араион апрокуратура ашьаус хацнаркит Аԥсны атәылауаҩ Лиудмила Иван-иԥҳа Лазԥҳа, 1962 шықәса рзы ииз лышьра аганахь ала. Абри атәы аанацҳауеит аусбарҭа аофициалтә саит.

Аҭыԥ ахь инеиз аоператив-усҭҵааратә гәыԥ ишьақәнаргылеит Лиудмила Иван-иԥҳа Лазԥҳа дызшьыз лхаҵа, Гәдоуҭа араион Мгәыӡырхәа ақыҭан 1949 шықәса рзы ииз Радион Шота-иԥа Дбар шиакәыз. Дбар ауаҩшьра аныҟаиҵа ашьҭахь амилициа адырра риҭеит ацхыраара ласгьы даԥхьеит.

Аҭыԥ аҿы ирбеит Калашников иавтомат иатәу 11- хы.

Ашьаусҭҵаара Гагра араион апрокуратура имҩаԥнагоит. Радион Дбар даанкылоуп.

 

173