Баграт Шьынқәбеи ахаҩ еиҩсеи

Баграт Шьынқәба: ажәлар рыбзиабара иаԥсахаз

87
(ирҿыцуп 14:49 12.05.2019)
Иахьа, лаҵара 12 рзы Аԥсны жәлар рпоет Баграт Шьынқәба диижьҭеи 102 шықәса ҵит. Ашәҟәыҩҩы аԥсуа литератураҿ адагьы, Кавказ жәлар рлитератураҿы, иара иааидкыланы адунеитә литератураҿы хәы змаӡам алагала ҟаиҵеит.

Sputnik

XX ашәышықәса аԥсуа поезиа ианаҭеит зеӷьҭаӡам апоетцәа, аха урҭ ирылукаауа еҵәоушәа ишеишеиуеит: Дырмит Гәлиа, Иуа Коӷониа, Баграт Шьынқәба, Таиф Аџьба уҳәа аӡәырҩы.  

Аԥсуа шәҟәыҩҩцәеи акритикцәеи, иара убас уи ирҿиара абзиабаҩцәеи аӡәырҩы Баграт Шьынқәба аԥсуа поезиа европатәи аклассикатә жәеинрааларҿиара аҩаӡара аҟынӡа ихеигалеит ҳәа ирыԥхьаӡоит. Машәырны иҟамлаӡеит Кавказ иреиӷьу апоетцәа рхаҭарнак ҳәа 1970 шықәса рзы Венгриа имҩаԥысуаз Европатәи апоетцәа рфорум дзалахәхаз.

  • Дырмит Гәлиеи Баграт Шьынқәбеи
    Дырмит Гәлиеи Баграт Шьынқәбеи
    © Фото : из архива музея им. Баграта Шинкуба
  • Баграт Шьынқәба Ҷлоу ақыҭа иҩны ашҭаҿы
    Баграт Шьынқәба Ҷлоу ақыҭа иҩны ашҭаҿы
    © Фото : из архива музея им. Баграта Шинкуба
  • Гьаргь Гәлиа, Баграт Шьынқәба, Александр Твардовски, иԥа Жора, Константин Симонов аԥацхаҿы, Агәыдзератәи идачаҟны ианыҟаз.
    Гьаргь Гәлиа, Баграт Шьынқәба, Александр Твардовски, иԥа Жора, Константин Симонов аԥацхаҿы, Агәыдзератәи идачаҟны ианыҟаз.
    © Фото : Татьяна Гулия
  • Баграт Шьынқәба иҩызцәа апоетцәеи ашәҟәыҩҩцәеи рыбжьара: Шьалодиа Аџьынџьал, Гьаргь Гәыблиа, Иван Ҭарба, Нели Ҭарԥҳа, Кәымф Ломиа, Шьалуа Ҵәыџьба.
    Баграт Шьынқәба иҩызцәа апоетцәеи ашәҟәыҩҩцәеи рыбжьара: Шьалодиа Аџьынџьал, Гьаргь Гәыблиа, Иван Ҭарба, Нели Ҭарԥҳа, Кәымф Ломиа, Шьалуа Ҵәыџьба.
    © Фото : из архива семьи Аджинджал
  • Баграт Шьынқәбеи Расул Гамзатови, 80-тәи ашықәсқәа
    Баграт Шьынқәбеи Расул Гамзатови, 80-тәи ашықәсқәа
    © Фото : из архива музея им. Баграта Шинкуба
  • Баграт Шьынқәбеи, Никита Хрушьчови, Фидель Кастрои Гәдоуҭа араион Дәрыԥшь ақыҭан
    Баграт Шьынқәбеи, Никита Хрушьчови, Фидель Кастрои Гәдоуҭа араион Дәрыԥшь ақыҭан
    © Фото : из архива музея им. Баграта Шинкуба
1 / 6
© Фото : из архива музея им. Баграта Шинкуба
Дырмит Гәлиеи Баграт Шьынқәбеи

Баграт Шьынқәба раԥхьаӡатәи иажәеинраалақәа инадыркны ишәхьоу поетны ихы ааирԥшит. Акыр дышқәыԥшыз иара иаԥиҵоит абасеиԥш иҟоу ашедеврқәа: "Амҳаџьыр ашәа", "Шьардаамҭа".

Ажәеинраалақәа реиԥш аԥсуа поезиа ахьтәы фонд иалалеит Шьынқәба еиҭеигаз Пушкин, Русҭавели, Бараҭашвили, Гете, Геине, Баирон, Мицкевич, Шандор Петефи уҳәа рырҿиамҭақәа.

Автор иепикатә романқәа ракәзаргьы аԥсуа литература иаҵәатәы шьаҟаны иазыҟалеит.

Ашәҟәыҩҩы инарҭбааны деицырдыруа дҟарҵеит ироманқәа "Ацынҵәарах", "Ахаҳә еиҩса". "Ацынҵәарах" еиҭагоуп адунеи алитературатә бызшәақәа жәпакы рахь: аурыс, англыз, анемец, аҭырқәшәа уҳәа ирацәаны.

Ахәшьара уадаҩуп Баграт Шьынқәба аԥсуа фольклор, аԥсуа ҭҵаарадырра, амилаҭтә театр реиқәырхаразы илшарагьы.

"Баграт Уасил-иԥа 50 шықәса инарзынаԥшуа ауаажәларратә усура инапы алакын. 1940-тәи ашықәсқәа рынҵәамҭазы иара аполитикатәи ауаажәларратәи усурахь днеиит. 1947 шықәса рзы Баграт Шьынқәбеи иҩызцәа Константин Шьаҟрыли Гьаргь Ӡиӡариеи атәыла апартиатә напхгарахь аԥсуаа рышәҟәы нарышьҭит", — еиҭеиҳәоит ҳзыҽцәажәаз Аԥсны жәлар рпоет, ашәҟәыҩҩы Мушьни Лашәриа.

1958-1978 шықәсқәа рзы Баграт Шьынқәба илшоз зегь ҟаиҵон Аԥсны алитературеи аҟазареи рырҿиаразы.

Мушьни Лашәриа иажәақәа рыла, Баграт Шьынқәба ишәҟәқәа аԥсуа ҩнқәа зегьы рҟны аԥшәымара руеит, иахьыҟам ыҟам шамахамзар.

Џьынџьалԥҳа: Шьынқәба ихьӡала ауада аартреи астипендиа аԥҵареи алыршоуп>>

Баграт Шьынқәба иналукааша аԥсуа поет, апрозаик, алингвист, афольклорист, ауаажәларратәи аҳәынҭқарратәи усзуҩ, Аԥсны жәлар рпоет, Ҟабарда-Балкариа жәлар рышәҟәыҩҩы, Дырмит Гәлиа ихьӡ зху аҳәынҭқарратә премиа алауреат, аорден "Ахьӡ-Аԥша" I аҩаӡара занашьоу иԥсҭазаара далҵит 2004 шықәса рзы.

Баграт Шьынқәба ирҿиара амҽхак даара иҭбаауп, уи азхәыцра, аилкаара, ахцәажәара, аҽагәылахалара насыԥуп, уи иажәеинраалақәа ирыԥхьо дарбазаалак лымкаала иара изкушәа имԥхьаӡар залшом шамахамзар, убасҟак имарианы, убасҟак ауаҩы ицәаныррақәа дырны, иизааигәаны раарԥшышьа дақәшәаны иҩуеит. Убас ала урҭ ирыԥхьо дрытҟәоит.

Баграт Уасил-иԥа ирҿиара азҿлымҳара шамац шеишықәса иамазаауеит аԥхьаҩцәа рыбжьара.

Баграт Шьынқәба иналукааша аԥсуа поет, апрозаик, алингвист, афольклорист, ауаажәларратәи аҳәынҭқарратәи усзуҩ, Аԥсны жәлар рпоет, Ҟабарда-Балкариа жәлар рышәҟәыҩҩы, Дырмит Гәлиа ихьӡ зху аҳәынҭқарратә премиа алауреат, аорден "Ахьӡ-Аԥша" I аҩаӡара занашьоу иԥсҭазаара далҵит 2004 шықәса рзы.

87

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8