Афонд Ашана

Астудиа "Ассоль" афонд "Ашана" зхылаԥшуа ахәыҷқәа аспектакль рзықәнаргылоит

39
(ирҿыцуп 11:18 14.05.2019)
Астудиа "Ассоль" афонд "Ашана" хылаԥшра знаҭо ахәыҷқәа рзы иқәнаргыло аспектакль иаанашьҭуа аԥара ДЦП змоу ахәыҷқәа хҩык рыхәышәтәра иазынархахоит.

АҞӘА, лаҵара 14 - Sputnik, Асмаҭ Ҵәыџьԥҳа. Атеатртә студиа "Ассоль" агәыҳалалратә спектакль "Оскар и Розовая Дама. 14 писем к Богу" лаҵара 15 рзы Аԥсуа драматә театр аҿы иқәдыргылоит ҳәа Sputnik иазеиҭалҳәеит афонд адиректор Мактина Џьынџьалԥҳа.

Астудиа "Ассоль" актиорцәа 12 - 16 шықәса рхыҵуеит. Астудиа анапхгаҩы Владлена Широкова лажәақәа рыла, аспектакль аԥсҭазаара уазнархәыцуеит.

"Насыԥла иҭәу аԥсҭазаара зхызгар зҭаху аҷкәын чымазаҩ изкуп аспектакль аҭоурых. Араҟа ирылацәажәоуп ақәыԥшцәа еиуеиԥшым рызҵаарақәа ирызку атемақәа. Аспектакль цәаҳәа ҟаԥшьны иагәылсуа: аҳаҭыреиқәҵара, абзиеибабара роуп", - лҳәоит лара.

Аспектакль ахь абилеҭ – 200 мааҭ иаԥсоуп. Астудиа "Ассоль" афонд "Ашана" хылаԥшра знаҭо ахәыҷқәа рзы иқәнаргыло аспектакль иаанашьҭуа аԥара азырхахоит ДЦП змоу ахәыҷқәа хҩык: Николь Хачатуриан, Наала Аҩӡыԥҳа, Николь Аргәынԥҳа рыхәышәтәра.

Арухаа агәыҳалалратә концерт азы: иаҳҿыԥшны ахәыҷқәа ацхыраара рызҭо ҟалар ҳҭахуп>>

"Ари ахәыҷтәы спектакль аҵак ду амоуп. Уахь инеиуа дшахьымхәуа агәра аагоит. Ҳгәыӷуеит аспектакль анымҩаԥсуа амш аҽны ауаа рацәаҩхап ҳәа", - лҳәоит лара.

Атеатртә студиа "Ассоль" агәыҳалалратә спектакль "Оскар и Розовая Дама. 14 писем к Богу" лаҵара 15 асааҭ 15:00 рзы Аԥсуа драматә театр аҿы идырбахоит.

 

39

Аршба Тҟәарчал АҶА аҟәша аусура иазкны: ҳмашьынақәа еснагь аҭыҵра иазыхиоуп

5
(ирҿыцуп 19:39 05.08.2020)
Тҟәарчал араион аҿы иҟоу АҶА аҟәша аиҳабы Едуард Аршба арадио Sputnik Аԥсны аефир аҿы еиҭеиҳәеит амцарцәаратә ҟәшаҿы аусура шеиҿкаау, насгьы ауааԥысра рҟнытә ироуа азыҳәақәа ртәы.
Раионк аԥсҭазаараҟынтә: Аршба Тҟәарчал АҶА аҟәша аусура иазкны

"Тҟәарчал иаҵанакуа абылраҽацәыхьчаратә маҵзура еиқәшәоуп 32-ҩык аусзуҩцәа рыла, амцарцәагатә машьынақәа ракәзар, ҩба ҳамоуп. Амашьынакәа еиқәшәоуп, дара еснагь аҭыҵра иазыхианы игылоуп. Ашьыжь аусура иааиз амацарцәаҩцәа амашьынақәа гәарҭоит. Мышкы аус руеит быжьҩык, урҭ рахьынтә иҟоуп амцарцәаҩцәа, аҟарул аиҳабы, амашьынарныҟәцаҩ, аҭел иаҿатәоу. Амцарцәарақәа рыдагьы иҟоуп аҭагылазаашьақәа аҭыҵра анҳақәшәо ақалақь аҭахрақәа рзы. Иара уи адагьы ауааԥсыра рырахә-рышәахә џьара машәырк ахьзаргьы ианаҳзасуа ыҟоуп. Егьырҭ араионқәа рҿы џьа машәырк ҟалазаргьы, Тҟәарчалтәи амцарцәаратә ҟәша ацхырааразы иҭыҵуеит. Ус, Гал аӡхыҵра аныҟаз ауааԥысра ацхыраара рыҭаразы ааԥхьара ҳаман", - ҳәа еиҭеиҳәеит Аршба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5

Акоронавирустә хҭыс ҿыцқәа ҩба аарԥшуп Аԥсны

15
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

15
Атемақәа:
Ачымазара ҿкы – акоронавирус Аԥсни адунеи аҿи: иалкаау

Игәышьҭыхгоу аланарԥшыра: ансамбль "Кавказ" аконцерт шымҩаԥысыз

0
(ирҿыцуп 20:47 05.08.2020)
Кандид Ҭарба ихьӡ зху жәлар рыкәашаратә ансамбль "Кавказ" аконцерт мҩаԥысит Аԥснытәи аҳәынҭқарратә филармониаҟны нанҳәа 4 рзы. Ихамышҭыхәу аконцерт аимгеимцарақәа шәыдаагалоит Sputnik афотолентаҿы.

Ҳазҭоу ашықәс жьҭаарамзазы иазгәаҭоуп Аԥсны аҩныҵҟа хәыда-ԥсада ансамбль "Кавказ" агастрольқәа рымҩаԥгара.

Аконцерт иазку ажәабжь шәаԥхьар ҟалоит абра:

0
  • © Sputnik / Томас Тхайцук

    Нанҳәа 4 рзы Аԥснытәи аҳәынҭқарратә филармониаҟны имҩаԥысит акарантиншьҭахьтәи аамҭазы ансамбль "Кавказ" раԥхьатәи аконцерт.

  • © Sputnik / Марианна Кубрава

    Адаул асыҩцәа ахәаԥшцәа дыршанхон, рнапы аусушьа, рыццакыратә елементқәа убла хыркуан.

  • © Sputnik / Томас Тхайцук

    Ансамбль асахьаркыратә напхгаҩы Арвелод Ҭарба ишиҳәаз ала, апрограмма иалаз акәашарақәа аҿыцрақәа рылагалан.

  • © Sputnik / Марианна Кубрава

    Аконцерт рбарц иаҭааит ахәаԥшцәа рацәаҩны, аԥсшьаҩцәагьы уахь иналаҵаны.

  • © Sputnik / Томас Тхайцук

    Акәашацәа рҟазара уаршанхо иҟан.

  • © Sputnik / Томас Тхайцук

    Аԥсуа жәлар рыкәашарақәа егьырҭ ажәларқәа излареиԥшым рхатәы ҟазшьа, рхатәы ритм, рхатәы еиҿкаашьа рымоуп.

  • © Sputnik / Томас Тхайцук

    Иқәԥраауа асцена иқәлаз акәашацәа улаԥш рхьымӡо игьежьуан, ишьацәхартәуан.

  • © Sputnik / Томас Тхайцук

    Аконцерт арыцхә машәыршақә иалхымызт: абри аҽны 26 шықәса раԥхьа имҩаԥысит "Кавказ" раԥхьаӡатәи арепетициа.

  • © Sputnik / Марианна Кубрава

    Аконцерт аҟны аныҳәатә гәалаҟазаара аԥҵан.

  • © Sputnik / Томас Тхайцук

    Ахәаԥшцәа рнапеинҟьабжьқәа еихсыӷьуамызт.

  • © Sputnik / Марианна Кубрава

    "Изларылшои абас ахәмарра, уамашәа избоит!" - лҳәеит аҳәаанырцәынтә ҳтәыла иаҭааз ируаӡәку аконцерт ахәаԥшҩы.

  • © Sputnik / Томас Тхайцук

    Жәлар рыкәашаратә ансамбль "Кавказ" Кандид Ҭарба ихьӡ ахырҵеит 2017 шықәсазы.

  • © Sputnik / Томас Тхайцук

    Аҵыхәтәантәи акәашара ашьҭахь ахәаԥшцәа рахь дцәырҵит ансамбль асахьаркыратә напхгаҩы, уи адиректор, "Ахьӡ-Аԥша" аорден 3-тәи аҩаӡара занашьоу, Аԥсны жәлар рартист Арвелод Ҭарба.