Раԥхьаӡа акәны Владислав Арӡынба игәалашәарақәа рышәҟәы ӡырган

56
(ирҿыцуп 09:55 15.05.2019)
Аԥсны раԥхьатәи ахада Владислав Арӡынба диит лаҵара 14 1945 шықәса рзы.

АҞӘА, лаҵара 15 – Sputnik, Сариа Кәарацхьиаԥҳа. Раԥхьаӡа акәны Владислав Арӡынба игәалашәарақәа рышәҟәы "Сыԥсҭазаара" ӡырган ииарамш аҽны.

Владислав Арӡынба еиҭагаҩыс аус ицызуаз Анна Керопиан лажәақәа рыла ашәҟәы аус адулара хацыркын 2005 шықәса рзы. Усҟан автор ихаҭа игәалашәарақәа лзеиҭеиҳәон, лара илкьыԥхьуан.

"Усҟан агәамбзиара шьҭиххьан. Ус шакәызгьы имчқәа еизыркәкәаны икабинет ахь днеиуан – аусурагь ҳалагон. Даара аинтерес рыман иара мацара иидыруаз ахҭысқәа. Игәалашәарақәа диаргон дызлацәажәоз аамҭақәа рахь. Уигьы азмырхакәа адокументқәа еиҿҳарԥшуан, АИХ рҟынтәи аинформациа ахархәара аҳҭон" ҳәа еиҭалҳәоит Анна Керопиан.

© Foto / Алексей Тихомиров
Раԥхьаӡа акәны Владислав Арӡынба игәалашәарақәа рышәҟәы ӡырган

Лара лажәақәа рыла Арӡынба ибзианы еиликаауан иаамҭа шкьаҿхахьаз. "Сыԥсҭазаара" убасеиԥш еиҿкаан – ианааҭаххалак ихуркәшартә еиԥш.

Ҳашыг: Владислав Арӡынба еснагь ахьӡи ахьымӡӷи дрызхәыцуан

"Ашәҟәы ахқәа рыла еихшан. Владислав иҳәалон: "Ушьҭахьҟа уанхьаԥшуа иулшаз шмаҷым убоит. Иара убасгьы иубоит иҟауҵашагьы шмаҷым. Зегь еизурҳаргьы ауеит, иауеит ихыдаутәыргьы. Уи зегьы знапы иану унаҩс иааиуа рыхшыҩи рыламысцқьареи роуп" ҳәа. Абри иацуҵараны иҟоузеи? Акгьы. Бродски иажәақәа заҵәык ацуҵар аур ҟалап: "Аидеалқәа рзы зхы зҭиуа ауаҩԥсы дыҟанаҵы ауп урҭ аидеалқәагьы рыԥсы анҭоу". Владислав Григори-иԥа иԥсҭазаара зегьы иидеалқәа ирзикит", - ҳәа лҳәоит лара.

Владислав Арӡынба аибашьра ашьҭахь игәҭеикит игәалашәарақәа азирхиарц. Абри атәы иҩыза, агазеҭ "Республика Абхазия" аредактор Витали Чамагәуа изеиҭеиҳәеит.

"90-тәи ашықәсқәа рынҵәамҭазы Асҭамыр Ҭаниеи сареи ҳнеиԥхьеит, амемуарқәа аус рыдулара ҳадигалеит. Ҳәарада уи ҳақәшаҳаҭхеит. Аха сара цқьа исзеилкаауамызт абри аус аҿы Владислав ҳашицхраашаз. Ҳаицәажәара ашьҭахь аус шьақәхашәа иаанхеит, избанзар иара даара деилахан", - ҳәа еиҭеиҳәоит Чамагәуа.

Аԥсны раԥхьатәи ахада Владислав Арӡынба диит лаҵара 14 1945 шықәса рзы.

Иԥсҭазаара далҵит хәажәкыра 4 2010 шықәса рзы.

© Foto / Алексей Тихомиров
Раԥхьаӡа акәны Владислав Арӡынба игәалашәарақәа рышәҟәы ӡырган
56

Бжьаниа: Аԥсны имҵарсыз ауаа роушьҭразы ацәгьоуцәа миллиардк инацны иазыҳәахьеит

11
(ирҿыцуп 21:06 05.06.2020)
Аԥсны ахада Аслан Бжьаниа абизнес ахаҭранкцәеи амчратә усбарҭақәа уажәтәии уаанӡатәии реиҳабацәеи дырԥылеит.

АҞӘА, рашәара 5 - Sputnik. Аԥсны ахада Аслан Бжьаниа атәыла анаплакыҩцәеи амчратә усбарҭақәа рхаҭарнакцәеи рԥылараан адырра ҟаиҵеит Аԥсны ауаа мҵазырсуаз ацәгьоуцәа шасыс иргаз роужьразы иааидкыланы миллиард мааҭ инареиҳаны ишазыҳәоз, абри атәы аанацҳауеит ахада ипресс-маҵзура

Аиԥылараан Бжьаниа иҳәеит ауаажәлари аҳәынҭқарреи ацәгьоурақәа рацәыхьчаразы уаанӡа иаҳамбацыз ашьаҿақәа рынагӡаразы аамҭа шааиз.

"Ацәгьоурақәа уаҩы ишимбац ирызҳаит, ари апроблема аӡбаразы ҳамчқәа зегь еидаҳҵароуп. Абри аус аҟны даара ҳшәықәгәыӷуеит", - иҳәеит Аслан Бжьаниа, анаплакыҩцәа рахь ихы нарханы.

Убри аан ахада иазгәеиҭеит атәыла аиҳабыра ибзианы ишеилнакаауа абизнес ала мацара апроблемақәа зегьы рыӡбара шалымшо.

Бжьаниа иҳәеит зегьы раԥхьа игылоу азакәанқәа рықәныҟәареи ауааԥсыра ршәарҭадара алыршареи шракәу.

"Аҳәынҭқарра, раԥхьаӡа иргыланы, уи азин ауп", - иҳәеит ахада. 

Аслан Бжьаниа: Аԥснынтәи Қырҭтәылаҟа миллиард мааҭла зыхә тәо аалыҵ цоит>>

Атәыла ахада дырзааҭгылеит абизнесгьы злахәхар алшо игәҭакқәак ҳәа аанацҳауеит апресс-маҵзура. 

Бжьаниа иара убасгьы ауааԥсыра рымҵарсрақәа рзы иҟоу астатистика азеиԥш хыԥхьаӡарақәа ааигеит.

"Ҷыдала иаагозар, азинхьчаратә усбарҭақәа иҟарҵаз аинформациала, имҵадырсыз Аԥсны Аҳәынҭқарра атәылауаа 53-ҩык роушьҭразы ацәгьоуцәа ззыҳәаз аԥара иартәоит миллиард мааҭк инацны, урҭ рахьтә иршәаз 200 миллион мааҭ инареиҳауп", - ҳәа иарбоу ахада исаит аҟны иӡыргоу адырраҭараҟны.

Атәыла ахада иара убасгьы анаплакыҩцәа ҭабуп ҳәа реиҳәеит апандемиа аамҭазы Аԥсны атәылауаа ирзыҟарҵаз ацхырааразы.

"Ҳара зегьы ҳзы, ҷыдала сара схаҭа сызгьы, даара игәышьҭыхгахеит шәара шәаӡәыкны ҳзеиԥш проблема шәахьахаҵгылаз. Акоронавирус азҵаара даара иуадаҩуп, хымԥада, уи ахҟьаԥҟьақәа анырра бааԥс ҟарымҵар алшом. Аха, Анцәа имч ала, ҳара ари аҭагылазаашьа алҵшьа ҳақәшәоит", - иҳәеит Бжьаниа.

Иара убас шәаԥхьар ҟалоит:

11
Тенгиз Сабуа

Сабуа еиҭеиҳәеит Гәылрыԥшьи Очамчыреи амшынҭаларазы аԥҟарақәа ргәаҭара иаадырԥшыз

6
Аԥсны Аҭагылазаашьа ҷыдақәа рзы аминистрра иаҵанакуа Зышәагаа маҷу аӷбақәа рзы аҳәынҭинспекциа аиҳабы Ҭенгиз Сабуа арадио Sputnik аефир аҟны еиҭеиҳәеит амшынҭаларазы ашәарҭадара аԥҟарақәа рынагӡашьа араионқәа рҟны ишгәарҭоз, уи алҵшәақәа ртәы.

 

Сабуа еиҭеиҳәеит Гәылрыԥшьи Очамчыреи амшынҭаларазы аԥҟарақәа ргәаҭара иаадырԥшыз

Рашәара 5 инаркны Аԥсны официалла амшын аҟны аҽыкәабара аамҭа аартуп. Ҳтәыла ақалақьқәеи араионқәеи рхадарақәа амшын аҟны аҽыкәабараан ашәарҭадара алзыршо аусқәа рынагӡара рнапы иануп.

"Иахьа ҳаҟан Гәылрыԥшьи Очамчыреи араионқәа рҟны. Гәылрыԥшь араион аҟны ирҳәеит рбиуџьет иаҵанакуа аԥара амшын аԥшаҳәаҟны изыхәҭоу аԥҟарақәа ишрыхҭнырымҵо, сынтәа акгьы рзеиҿкаауам ҳәа. Ҳара акт ҳҩит сынтәала Гәылрыԥшь араион амшын аԥшаҳәа азыҟаҵам ҳәа, уи ҳминистр иаҳҭоит, ажәахә ҟаиҵоит аҳәынҭқарра ахада иҟны. Очамчыра арион аҟны иҳаҳәеит аамҭа раҳҭарц иаҭаху аԥҟарақәа рынагӡаразы. Еилаҳкаауеит ауадаҩрақәа шыҟоу, ишахәҭоу ԥарала ишеиқәшәам, убри аҟынтә даҽа жәамш раҳҭеит. Ашәахьа инаркны ҳалагоит Афон ҿыц, Гәдоуҭа, Пицунда, Гагра амшын аԥшаҳәа аҭагылазаашьа агәаҭара", - иҳәеит Сабуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

6