Беслан Аджинджал

Аџьынџьал: ConIFA-2019 Аԥснытәи акоманда аилазаара ҿыц ала иалахәхоит

43
(ирҿыцуп 09:45 16.05.2019)
Sputnik Аԥсны амультимедиатә пресс-центр аҿы имҩаԥысит Аԥсны еизгоу ашьапылампылтә команда ConIFA-2019 алахәхара иазку апресс-конференциа.

АҞӘА, лаҵара 16 – Sputnik, Асмаҭ Ҵәыџьԥҳа. Аԥснытәи акоманда ачемпионат иалахәхоит еилазаара ҿыцла, аҿар рацәоуп, иҳәеит Аԥсны еизгоу ашьапылампылтә команда ConIFA-2019 алахәхара иазку апресс-конференциаҿ акоманда азыҟаҵаҩ хада Беслан Аџьынџьал.

"Уажәы ашьапылампыл ихәмаруа аҿар рацәоуп. Урҭ уиаҟара рыхьӡ ауаа ирылаҵәаны иҟамзаргьы аҟыбаҩ ҷыда злоу роуп. Даара сгәыӷуеит ачемпионат аҿы иахьынӡахәҭоу ибзианы рхы аадырԥшып ҳәа", - иҳәеит азыҟаҵаҩ.

Ашьапылампыл азы Европа ачемпионат ConIFA-2019 мҩаԥгахоит Арцах рашәара 1-9 рзы. Уажәы аԥснытәи аспортсменцәа аҽазыҟаҵарақәа мҩаԥыргоит мышкахь ҩынтә, астадион "Динамо" аҿы. Азыҟаҵаҩ дгәыӷуеит Урыстәыла ихәмаруа ҳаспортсменцәагьы ачемпионат иалахәхап ҳәа. Уажәы акоманда иҽалаирхәит аклуб "Олимп"ахәмарыҩ – Леон Ҭаниа.

"Ҳџьынџьуаа зегьы ирымам алшара аԥсныҟа иааны ахәмарра ахалархәра. Аклубқәа иоурышьҭуам", - ҳәа иҳәеит иара.

Рашәара ҩба рзы Аԥснытәи акомандеи Ницца акомандеи еицыхәмарраны иҟоуп.

"Ниццатәи акоманда иӷәӷәоу команданы иршьоит. Иара убасгьы ишәарҭоу команданы ишьоуп Мраҭашәаратәи Ермантәылеи Паданиеи ркомандақәа. Ҳкомандагьы иӷәӷәақәоу рахь иаҵаркуп. Иҳалшо зегь ҟаҳҵоит аиааииҩцәа ҳрылашәарц азы", - ҳәа иҳәеит иара.

Ашьапылампыл азы Европа ачемпионат ConIFA-2019 мҩаԥгахоит Арцах.

 

43
Атемақәа:
ConIFA- 2019 (36)
Сира Авидзба

Аҩӡԥҳа акультура аҳәынҭқарратә ҵараиурҭа онлаин аусуразы: макьана ҳазхиамзар ҟалап

2
(ирҿыцуп 14:56 02.06.2020)
Аҟәатәи аҳәынҭқарратә акультуратә ҵараиурҭа аиҳабы Сира Аҩӡԥҳа арадио Sputnik аефир аҟны еиҭалҳәеит ачымазара ҿкы аламырҵәаразы атәылаҟны иалагалаз аԥкрақәа рҵарауирҭа аусура ишаныԥшыз атәы.
Ҳазлацәажәаша ҳамоуп: Аҩӡԥҳа Акультура аҳәынҭқарратә ҵараиурҭа аусура иазкны

"Уажәшьҭа хымз иназынаԥшуа аҵара аангыланы иҟоуп, егьырҭ аҵараиурҭақәа рҟны еиԥш. Излаҳалшоз ала онлаин аҵара аԥшьаҳгеит, аха уи жәлар ринструменқәа, ахореографиа рҟны аума даара иуадаҩуп. Ақыҭақәа рҟынтәи иааз ҳастудентцәа ишахәҭоу техникала еиқәшәам ыҟоуп, уи алҵшәа даара имаҷуп, ус еиԥш аҵара макьаназы ҳазыҟаҵамзар ҟалап", - лҳәеит Аҩӡԥҳа.

Лара адырра ҟалҵеит Акультура аминистрраҟны аилацәажәара шымҩаԥырго аҵарашықәс ахыркәшара инадҳәаланы.

"Актәи, аҩбатәи акурсқәа ирымаз ахәшьарақәа рыла азеиԥш хәшьара рыҭаны, егьырҭ аушьҭымҭацәа рԥышәарақәа излауала еиҿкааны абри амза иалагӡаны имҩаԥаҳгарц, иалҳаргап ҳәа ауп", -лҳәеит лара.

Убри аан иазгәалҭеит аҵараиурҭа астудентцәа изхысраны иҟаз апрограмма ахарҭәаара шыуадаҩхо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

2
Архивное фото.

Аҩнтәы рбаандаҩра арежим еилеигеит: Аҟәа ихысны ибналоз рахьтә аӡәы деиҭаанкылоуп

13
2020 шықәса хәажәкыра 16 рзы амилициаа хысрала ирцәыбналарц зҽазызшәаз ԥшьҩык ауааԥсыра аанкылан.

АҞӘА, рашәара 2 - Sputnik. Амчра ахаҭарнак иԥсҭазаареи игәабзиареи ашәарҭара иҭеиргылеит ҳәа 20 уахи-ҽни даанкылоуп Гарри Аҩӡба. Абри атәы аанацҳауеит Апрокуратура хада асаит.

Лаҵара 14 рзы Аҟәатәи ақалақьтә ӡбарҭа Аҩӡба аҩнтәы рбаандаҩра иқәнаҵеит. Лаҵара 30 рзы иара ари ақәҵара еилеигеит. Аҟәа, Коӷониа имҩаҟынтәи даанкыланы азинхьчаҩцәа Аҩнуҵҟатәи аусқәа русбарҭахь днаргеит.

Заанаҵтәи аусҭҵаара аусбарҭа аҳәара ҟанаҵеит Аҩӡба ԥхынгәы 17 рҟынӡа, аусҭҵаара хыркәшахаанӡа дҭакызарц, аха Аҟәатәи ақалақьтә ӡбарҭа уи 20 уахи-ҽни дынкылазарц аӡбара аднакылеит.

Аусҭҵаара адыррақәа рыла, хәажәкыра 16 асааҭ 02:00 рзеиԥш амилициа аусзуҩцәа рҽазыршәеит иццакцәаны ицоз автомашьына аанкылара. Амашьына анаанымгыла, амилициа аусзуҩцәа уи аанкыларазы иашьҭалеит, ацәгьоуцәа руаӡәк аҳауахь ахысра далагеит.

Хәажәкыра 17, 2020 шықәса рзы Аҟәа араион апрокуратура Гарри Аҩӡба иганахьала ашьаус хацнаркит.

Аҩӡба данааныркылоз иаанкылан иара убасгьы Мизан Зыхәба, Аинар Зыхәба, Аслан Зыхәба.

Хәажәкыра 30, 2020 шықәса рзы Иреиҳаӡоу аӡбарҭа ашьаусқәа рзы Ахашшааратә коллегиа Мизан Зыхәба идукат ихашшааратә зыҳәа иахәаԥшны иара аӡбарҭа азал аҟынтәи ихы дақәиҭыртәит.

Иара убас шәаԥхьар ҟалоит:

13
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

2
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

2