Ҳандан Папԥҳа

Акәылӡтәы ԥара́: Ҳандан Папԥҳа илырхынҳәыз анапҟазара

70
(ирҿыцуп 13:22 18.05.2019)
Амҳаџьырраан иӡыз акәылӡтәы ԥара́́ атехника ссир ҩышә шықәса инарзынаԥшуа рышьҭахь Аԥсныҟа ишыхынҳәыз атәы ҳзеиҭалҳәоит Асида Кәыҵниаԥҳа.

Sputnik

Аԥсуаа ахаангьы еибашьцәан, еиуеиԥшым абџьар хкы ҟарҵон. Аиҳаракгьы уи знапы алакыз ахацәа ракәын. Аҳәса ракәзар, ацәамаҭәа акәын идырхиоз. Абиԥарала еимырдон амаҭәархиашьа амаӡақәа.

Изделия  Хандан Папба
© Sputnik / Томас Тхайцук
Акәылӡтәы ԥара́: Ҳандан Папԥҳа илырхынҳәыз анапҟазара

Убас, ажәытәра ҵаула иатәны иԥхьаӡоуп акәылӡтәы ԥара́́ (урысшә. - "кольчужное плетение") атехника. Уи азы рхы иадырхәоит миллиметрак аасҭа ижәпам, аметалл иалху арахәыц. Арахәыц еимхәыц-еимхәыц еихадырԥоит, акәылӡгьы ахы алымҟьо иҟалоит.

Аԥсуаа ртрагедиа ду амҳаџьырраан акәылӡатәы ԥара атехника ыӡит Аԥсны. Уи амаӡақәа здыруаз амшын нырцәҟа иагеит.

Кольчужное плетение
© Sputnik / Томас Тхайцук
Акәылӡтәы ԥара́: Ҳандан Папԥҳа илырхынҳәыз анапҟазара

Ҭырқәтәыла шықәсқәак раԥхьа иаартын изҭаху рзы акурсқәа. Уаҟа иддырҵон ақәҵара, аӡахра, асахьаҭыхра. Иара убасгьы иаадыртит акәылӡатәы ԥара атехника аҵаразы акурс.

Ҭырқәтәылатәи ҳџьынџьуаҩ Ҳандан Папԥҳа ишылҳәаз ала, арҭ акурсқәа рыҟны аӡәгьы иҳәом ари атехника Аԥснынтәи ишнанагаз.

Хандан Папба за работой
© Sputnik / Томас Тхайцук
Акәылӡтәы ԥара́: Ҳандан Папԥҳа илырхынҳәыз анапҟазара

"Сара аинтерес скит уи Ҭырқәтәыла ишықәнагалаз аҭоурых, избанзар убасеиԥш иԥон ҳара ҳандуцәа. Ирацәаны алитература санаԥхьа ашьҭахь, сара еилыскааит ари анапҟазара аԥсуаа шракәу изтәу, - еиҭалҳәоит Ҳандан Папԥҳа. - Акәылӡатәы ԥара иреиӷьны иҟоуп араӡны рахәыц, аха иҟалоит иарбанызаалак аметалл иалху арахәыц ала уԥаргьы. Иара аамҭа рацәа аҭахуп. Иаҳҳәап, напхаҵак аԥаразы хымз раҟара аамҭа агоит".

Ҳандан – Аԥсны анхара далагеижьҭеи акыр ҵуам, уи абри анапҟазамҭа здыруа дыруаӡәкуп, лара лажәақәа рыла ари аҟазара аҿар ирымадатәуп, идырҵатәуп.

Аҿар иарала еиҳа ркультуреи рҭоурыхи иадухалар алшоит.

Шықәсык аԥхьа Аԥсны еиҿкаан акурс ҷыдақәа. Урҭ рҟны Асахьаҭыхратә ҵараиурҭа астудентцәа ижәытәӡоу акәылӡтәы ԥашьа рҵон, рнапкымҭақәагьы ацәыргақәҵа иаздырхион.

"Ари анапҟазара аҵара анҳадыргала, ҳазегьы ҳаигәырӷьеит. Уи иуникалтәу шансуп ажәытәтәи анапҟазара аиҭарҿиаразы. Аиҿкааҩцәа иҟаҳҵоз ҳгәы азҭарҵеит", — лҳәеит Асахьаҭыхратә ҵараиурҭа арҵаҩы Асҭанда Адлеиԥҳа.

Аԥснытәи аҳәынҭқарратә музеи аҟны имҩаԥысыз ацәыргақәҵа ашьҭахь аҵараиурҭа апрограмма иаларгалеит амаҭәар ҿыц. Уахь иаҵанакуеит акәылӡтәы ԥаразы алекциақәагьы.

"Абри апроект ашьҭахь ҳара иҳауз адыррақәа иҳалдыршоит ҳҟазараҟны урҭ рхархәара. Ирацәаҩны астудентцәа русумҭақәа рҟны аетникатә стиль рхы иадырхәо иалагеит. Ҳара атәым культура ҳахьынҳалартә ҳаҟаӡам, ҳхатәы культура абеиара ҳазхоит", - азылыԥхьаӡоит арҵаҩы.

Аԥсны иӡхьаз акәылӡтәы ԥара атехника аинтерес шьҭырхит. Ирацәоуп иара зҵар зҭаху рхыԥхьаӡара.

Хандан Папба
© Sputnik Илона Хварцкия
Акәылӡтәы ԥара́: Ҳандан Папԥҳа илырхынҳәыз анапҟазара

 

70

Акоронавирус змаз даҽа пациентк лыԥсҭазаара далҵит Гәдоуҭатәи ахәышәтәырҭаҿы

25
(ирҿыцуп 19:24 26.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1286 ыҟоуп. Ргәы бзиахахьеит 369-ҩык, жәҩык рыԥсҭазаара иалҵит.

АҞӘА, цәыббра 26 - Sputnik. Ԥшьынҩажәи жәаба шықәса зхыҵуаз, акоронавирус ззышьақәыргылаз Гәдоуҭатәи ахәышәтәырҭа апациент лыԥсҭазаара далҵит цәыббра 25 рзы ҳәа аанацҳауеит Ауааԥсыра COVID-19 рацәыхьчаразы оперативтә штаб.

Аԥҳәыс бырг Гәдоуҭатәи ахәышәтәырҭахь дааргеит цәыббра20 рзы, аԥсыԥлагаҩагара лцәыуадаҩны, ҩ-ганкахьалатәи агәаҵәкра лыманы.

"Атерапиа шылзыҟарҵозгьы лҭагылазаашьа еиҳа-еиҳа еицәахон, арыԥҳа-аҳауаҭарсгатә аппаратгьы даҿаркит, аха уигьы лмыхәеит, ахәашаҽны лыԥсҭазаара далҵит. Апациентка агәачымазарақәа лыман, иара убас ашьақәыӷәӷәара ҳараки атеросклерози", - аҳәоит аоперштаб аацҳамҭа. 

Аҵыхәтәантәи уахыки-ҽнаки рыла игәаҭаз 216-ҩык ауаа рахьтә акоронавирус рыдбалан 41-ҩык.  

Абыржәтәи аамҭазы Гәдоуҭатәи ахәышәтәырҭаы ишьҭоуп 118-ҩык ауааԥсыра, урҭ рахьтә 114-ҩык адиагноз COVID-19 рзышьақәыргылоуп. 14-ҩык апациентцәа рҭагылазаашьа хьанҭоуп, 25-ҩык – бжьаратәуп. Хҩык згәы бзиахаз ылҩаауп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

25
Атемақәа:
Ачымазара ҿкы – акоронавирус Аԥсни адунеи аҿи: иалкаау

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

9
(ирҿыцуп 18:40 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә иахьагхаз инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа рыбжьазароуп, амаҵзуратә персонал ахыхьчагатә хархәагақәа ныҟәыргозароуп ҳәа.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп… Уи усҟангьы иҟаҳҵеит (мшаԥымзазы иалагалаз аԥкрақәа раан – аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишаанимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Аԥхын иҳадаҳкыло, нас аӡын аусура иамҳхо ҳәа асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

9