Валериа Адлеиаԥҳа Ты супер шынлыжьуа атәы лҳәеит

Валериа Адлеиаԥҳа "Ты супер" шынлыжьуа атәы лҳәеит

55
(ирҿыцуп 11:41 20.05.2019)
Авокалтә шоу "Ты супер! Суперсезон" афиналбжа мҩаԥысит Москва, лаҵара 19 рзы.

АҞӘА, лаҵара 19 – Sputnik, Асмаҭ Ҵәыџьԥҳа. Апроект "Ты супер! Суперсезон!" алахәыла Валериа Адлеиԥҳа аҳәамҭа ҟалҵеит афиналбжатә концерт ашьҭахь ашоу шаанлыжьуа.

Афиналбжаҿы Валериа иналыгӡеит ашәа Rise up. Ажиури рылкаа рҳәаанӡа аҳәамҭа ҟалҵеит афинал ахь дшымнеиуазы.

"Сара сгәаанагарала асеиԥш еиҳа ииашахоит. Сара знык абри апроект аҟынтәи сыззыԥшыз зегь соуит. Зегь раасҭа ихадоу - сҭаацәеи сареи ҳаицынхоит. Ари апроект аҩызцәа рацәаҩны иснаҭеит", - лҳәеит лара.

Валериа Адлеиаԥҳа – ашоу "Ты супер!" актәи асезон аҟны иаиааиз шәаҳәаҩ қәыԥшуп.

Жәларбжьаратәи авокалтә еиндаҭлара "Ты супер! Суперсезон" ахԥатәи асезон хацыркхеит Москва, хәажәкырамзазы.

Ари асезон егьырҭ излареиԥшым – иара иалахәхеит ҿыц уахь инеиз 21-ҩык рыдагьы, уаанӡатәи асезонқәа ирылахәыз 36 шәаҳәаҩы.

Апроект "Ты супер!" ҩышықәса рыҩнуҵҟа 174-ҩык ахәыҷқәеи ақәыԥшцәеи рҟазара, рҟыбаҩ аадырԥшразы алшара рынаҭеит. Иҟоуп ашоу ашьҭахь аҭаацәара ҿыц изаузгьы.

"Ты супер!" алахәылацәа жәпаҩык иахьа еиуеиԥшым амузыкатә еиндаҭларақәа, жәларбжьаратәиқәагьы абрахь иналаҵаны, ирлахәылацәоуп. Аҩбатәи асезон аҟны аиааира згаз Диана Анкудинова лакәзар, YouTube аҟны лықәгыларақәа 2018 шықәса рзы зегь раасҭа изхәаԥшыз ракәны иалкаан.

Апроект аепизодқәа НТВ асаити YouTube аофициалтә-канали 300 миллионҩык ахәаԥшхьеит.

 

55

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау