Аԥсны Аҩнуҵҟатәи аусқәа рминистрра аҿагылара акциазы: аполитикатә шантаж иеиԥшуп
АҞӘА, лаҵара 21 - Sputnik. Аԥсны Аҩнуҵҟатәи аусқәа рминистрра атәыла ауааԥсыра рахь ааԥхьара ҟанаҵеит аҳәынҭқарратә усбарҭақәеи, ауаажәлари асасцәеи рыԥсҭазаареи русуреи ирԥырхагоу ашьаҿақәа ҟарымҵаларц, абри атәы аанацҳауеит аминистрра аофициалтә саит.
Уи адагьы, аусбарҭа атәылауаа ирыҳәоит "апровокациақәа рыҽрырымҭаларц, ироуа аинформациа иазхәыцны, цқьа иҭҵааны, азакәан иқәныҟәаларц".
"Ҳауаажәлар рхаҭарнакцәа шьоукы-шьоук рхымҩаԥгашьа аполитикатә шантаж иеиԥшуп, атәылауаа рыхдырра аманипулиациа азыруеит, ргәалаҟазаарақәа ирылахәмаруеит, зны-зынлагьы ирырҭоит ииашам, иҵаҵӷәыдоу аинформациа. Ари зегьы ҳтәылаҟны иҽеим аҭагылазаашьахь икылнагар ҟалоит", - аҳәоит адырраҭараҟны.
Аԥсны ААР иаҿагылоит "азакәан еилазго аусмҩаԥгатәқәа, атәыла ахы-аҵыхәа азинмчра ашьақәыргыларазы иқәԥоит".
Аоппозициа адгылаҩцәа Бзыԥи Тамшьи амҩақәа ркит>>
Иара убасгьы атәылауаа рахь ааԥхьара ҟанаҵоит амассатә уснагӡатәқәа рымҩаԥгараан аҳәынҭқарра азакәанԥҵара иқәныҟәаларц.
Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы
"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.
Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
- Гал араион ашьхақыҭаҿтәи амҩа аремонт ҟарҵоит
COVID-19 Аԥсны: 62-ҩык аҿкы рыдырбалеит, ҩыџьа рыԥсҭазаара иалҵит
АҞӘА, абҵара 23- Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит абҵара 22 рзы, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.
Иԥсҭазаара далҵит 64 шықәса ирҭагылаз ахаҵа. Иара ахәышәтәырҭа дҭашәеит абҵара 5 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит игәеисра аԥсыҽхара иахҟьаны.
Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны лыԥсҭазаара далҵит 1940 шықәсазы ииз апациент. Иақәнагаз атерапиа шылзмҩаԥыргозгьы, лыдунеи лыԥсахит лгәеисра аԥсыҽхара иахҟьаны.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 72-ҩык ауааԥсыра, урҭ рахьтә 58-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 19-ҩык, ибжьаратәуп - 20-ҩык.
Аҟәатәи аинфекциатә хәышәтәырҭаҿы ирхәышәтәуеит 30-ҩык апациентцәа, хҩык рҭагылазаашьа уадаҩуп.
Амобилтә госпиталь аҟны ишьҭоуп акоронавирус зыдбалоу 31-ҩык апациентцәа. 27-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5374-ҩык ыҟоуп. Урҭ рахьтә ргәы бзиахеит 3623-ҩык, рыԥсҭазаара иалҵит 70-ҩык.
Акоронавирус иазку ажәабжьқәа зегьы шәрыԥхьар ҟалоит абра>>