Рауль Ҳаџьымба

Рауль Ҳаџьымба Аԥсны ажәлар рахь ааԥхьара ҟаиҵеит атәылаҿ имҩаԥысуа ахҭысқәа инарымаданы

75
Лаҵара 20 рзы Аԥсны Апарламент ахыбра аҿаԥхьа еизеит аоппозициаа рхаҭарнакцәа атәыла ахада иалхрақәа рыҿҳәара ҭагалан ахь инахарц.

АҞӘА, лаҵара 21– Sputnik. Рауль Ҳаџьымба, лаҵара 21 рзы Аԥсны ажәлар рахь ааԥхьара ҟаиҵеит атәылаҿ имҩаԥысуа ахҭысқәа инарымаданы.

"Арҭ амшқәа рзы зегьы ижәбарҭахеит аоппозициаа, адепутат Аслан Бжьаниа игәамбзиаратә ҭагылазаашьеи уи атәыла ахада иалхрақәа дрылахәхо дрылахәымхо азҵаареи ҿыӡгас иҟаҵаны аҭагылазаашьа шҵыршәаауаз, аха убри аан урҭ ирыҵыҵит рхықәкы хада – аҳәынҭқарра ахада заанаҵы ԥхьатәара ишьҭра шакәыз", - иҳәеит Ҳаџьымба.

Атәыла ахада иазгәеиҭеит адепутати уи ицхырааҩцәеи ргәабзиаратә ҭагылазаашьа иадҳәало апроблемақәа атәыла анапхгара уаанӡагьы азхьаԥшра шарҭоз. Аԥсны азинхьчаратә усбарҭақәеи урыстәылатәи урҭ рколлегацәеи иҟоу ахҭыс иныҭкааны аҭҵаара иаҿуп ҳәа.

"Ишыжәдыруа еиԥш аоппозициаа рхықәкқәа рынагӡаразы Аԥсны Аҳәынҭқарра Апарламент аҿаԥхьа иҿҳәарадоу амитинг хацдыркит, ихацдыркит азиншьаҭа змам акциақәа: ареспубликатә мҩаду хада тамшьи Бзыԥи ақыҭақәа рҿы амҩа аанкылан, иаанкылан қәымчра ҳасабла Аҟәатәи атроллеибустә парки автобустә парки русура. Абарҭ зегьы мҩаԥысуеит акурорттә сезон аламҭалаз", - атәыла ахада.

Ҳаџьымба иажәақәа рыла аҭагылазаашьа аибарххара атәыла ауааԥсыра ззыԥшу аԥсшьаҩцәа арахь раара иацәнаршәар алшоит.

Ахада иҳәеит алхрақәа ианраамҭоу, аконституциа иҳәаақәнаҵаз арыцхә инақәыршәаны рымҩаԥгара аҵакы аманы ишыҟоу. Аха, иҳәеит иара, аоппозициаа ауаажәларра-политикатә ҭагылазаашьа амца аҵарҵоит.

"Аҵыхәтәантәи амшқәа рзы иаабоит, аоппозициаа иҟоу адемократиатә шьаҭа аҭара рыҽшазыршәогьы, атәылаҿ амчра анапахьы аагара шакәу хықәкны ирымоу", - азгәеиҭеит Ҳаџьымба.

Аԥсны азинмчратә органқәа иалшо зегьы ҟарҵоит атәылаҿ аҭынчра аиҭашьақәыргыларазы.

"Шәызегь шәышҟа ааԥхьара ҟасҵоит иаашәырԥшырц аҟәыӷара, ачҳара. Агәра згоит ҳауаажәлар рҭынчра, рзинқәа рыхьчара, ареспубликаҿы аҭышәынтәалара шалшо", - иҳәеит Рауль Ҳаџьымба.

Аԥсны аоппозициатә мчрақәа рхада Аслан Бжьаниа Москватәи ахәышәтәырҭа дҭоуп мшаԥы 18 раахыс. Уи игәабзиара аҭагылазаашьа аиԥш зеиԥшу рыхьны Склифосовски ихьӡ зху ахәышәтәырҭа иҭашәеит уи ихьчаҩцәа Кьасоу Дарсалиеи Леван Бжьаниеи.

Лаҵара 2 рзы аоппозицитә мчқәа апресс-конференциаҿы ирыларҳәеит Аслан Бжьаниа атәыла ахадак иаҳасабала ихьӡ рҳәараны ишыҟоу азы.

Лаҵара 16 рзы аҳәамҭа ҟаҵан Аслан Бжьаниа ишьа артут аланы ишышьақәыргыло, уи иаанаго ашҳамыркра шизуз ауп ҳәа. Аслан Бжьаниа идгылаҩцәа алхрақәа рыҿҳәара инахазарц ажәадгала ҟарҵеит.

Лаҵара 17 рзы Аԥсны Ашәарҭадаратә хеилак еиҿнакааит агәыԥ ҷыда, лаҵара 20 инаркны урыстәылатәи апрокуратура аусзуҩцәа алархәны иҟалаз ахҭыс ҭызҵаауа.

Лаҵара 20 рзы аоппозициатә мчрақәа Реидгыла Аԥсны апарламент аҿаԥхьа амитинг мҩаԥыргоит алхрақәа ҭагалан ахь риагара азҵаара инадҳәаланы.

 

75
Атемақәа:
Аԥсны аҳәынҭқарра ахада иалхрақәа рыҿҳәара анахаразы акциа (40)

Гәымԥҳа: COVID-19 адунеи зегьы иалаҵәеит, иҳамчу - хәыҷык акрычҳара аарԥшроуп

4
(ирҿыцуп 18:52 03.08.2020)
Амилаҭтә туристтә еилахәра аусзуҩ, аекскурсиа амҩаԥгаҩ Алиса Гәымԥҳа арадио Sputnik аефир аҟны еиҭалҳәеит апандемиа аамҭазы русураҟны изықәныҟәо аԥҟарақәа ртәы.
Гәымԥҳа: COVID-19 адунеи зегьы иалаҵәеит, иҳамчу-хәыҷык акрычҳара аарԥшроуп

"Атуризм азы аминистрра аҟынтәи аԥҟарақәа ҳзаарышьҭит ф-пунктк рыла ишьақәгылоуп. Уаҟа иаҳәоит асабрадақәа, анапҭарԥақәа ныҟәаҳгар шакәу, насгьы ацқьара аԥҟарақәа ишрыцклаԥштәу, аекскурсиа амҩаԥгаҩ COVID-19 асимптомқәа аԥсшьаҩы иныибаалар амедицинатә усҳәарҭахь днаигар шаҭаху, аҭакԥхықәра ду ааирԥшыр шакәу. Сгәаанагарала, урҭ аԥҟарақәа рҿы иаҳзынамыгӡо ҳәа акгьы анӡам. Ачымазара ҿкы адунеи зегьы иалаҵәаз ауп, иҳамчу –хәыҷык акрычҳара аарԥшроуп", - лҳәеит Гәымԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Баҭал Чежьиа WBC аверсиала адунеи ачемпион ититул азы деисраны дыҟоуп

5
(ирҿыцуп 18:45 03.08.2020)
Нанҳәа 15 рзы Шәача, Гәбаа адәаҿы имҩаԥысраны иҟоуп абокс азы ашоу Адунеизегьтәи абокс азы ахеилак 58 аконвенциа аҳәаақәа ирҭагӡаны. WBC аверсиала адунеи ачемпион ититул азы еисараны иҟоуп.

АҞӘА, нанҳәа 3 – Sputnik, Ренат Ԥачалиа. Аԥснытәи абоксиор Баҭал Чежьиеи Урыстәылатәи абоксиор Сергеи Кожухари WBC аверсиала адунеи ачемпион ититул азы еисараны иҟоуп.

Баҭал Чежьиа аинформациатә маҵзура Sputnik адырра аиҭеит аиндаҭлараҿы аиааира игар иреитинг акыр ишхало.

"Атурнир аиҿкааҩцәа руаӡәк, сызцықәгыло именеџьерцәа иреиуоу аҭел дысзасит, исирдырит аиндаҭлара арыцхә, аԥҟарақәа. Скомандеи сареи иҳаӡбеит ҳҽалаҳархәырц. Мышқәак ааҵуаны аилаӡара аарышьҭит, снапы аҵазҩит", - иҳәеит Чежьиа.

Аԥснытәи абоксиор Баҭал Чежьиа адунеитә реитинг аҿы 152-тәи апозициаҿ дыҟоуп, Урыстәыла иреиӷьу ажәаҩык дрылахәуп. Ицықәгыло Сергеи Кожухарь адунеи иреиӷьу 89 боксиор дреиуоуп, Урыстәыла иреиӷьу ахәҩык дрылахәуп.

Чежьиа иажәақәа рыла аиааира игар иреитинг акыр иҳаракхоит.

Баҭал Ҷежьиа – ажурнал "Про Бокс" аверсиала ИАРи Аславиан тәылақәеи дырчемпионуп, иахьазы жәантәтәи иқәгыларақәа рҟынтәи жәынтәы иааирала ихиркәшахьеит.

5