Афонд Ашана аԥареизгара хацнаркит

Шәыцхыраара ҳҭахуп: Афонд "Ашана" аԥареизгара хацнаркит

32
(ирҿыцуп 15:15 24.05.2019)
Агәыҳалалратә фонд "Ашана" аԥареизгара хацнаркит фышықәса зхыҵуа Леон Қриеи ԥшьышықәса зхыҵуа Амир Ҳалуашьи рзы.

Ахәыҷқәа ирыхҭынхьаауа, бзиа ирбо, иззыԥшу атәы шәаԥхьар шәылшоит Sputnik акорреспондент иматериал аҿы.

Бадри Есиава, Sputnik

Агәыӡера инхо, фышықәса зхыҵуа Леон Қриа зажәа иазхәыцуа хәыҷуп, ус баша-маша ицәажәо дреиуам.

Ажурналистцәа, егьа ҳҽаҳшәазаргьы, баша даҳҿаччеит ауп, уаҳа ажәак ҳзимырҳәеит.

Леон иан Шьазина Қриаԥҳа ухәмарла ҳәа шиалҳәазгьы, иара иқәлацәа рыцҟазаара аасҭа аҵкы иаҵәа зшәны ауаргьыла иантәалаз аӡӷаб хәыҷ илаԥш лыдырхаланы дтәан.

Аха маҷ-маҷ Леон ихәмаруаз ахәыҷқәа иҽрыдихало далагеит. Ҩынтә-хынтә раҟарагьы иҟарҵоз рыцҟаиҵеит.

Ахәыҷы имцәажәара иҟазшьа акәӡам изыхҟьаз, уи зыхҟьо ичымазароуп.

© Sputnik
Леон Қриа

2019 шықәса рзы Москватәи ахәышәтәырҭақәа руак аҿы Леон изықәдыргылеит адиагноз: "ахшыбаҩ адисфункциа маҷ". Шьазина лажәақәа рыла, Леон ихәышәтәра иалагаанӡа иажәақәа даара иԥкын. Уажәы уи аҳәоуқәагь еидиҳәалоит, аха макьаназы игәабзиара ашьақәыргылара акраҭахуп.

"Акраамҭа ихьуаз ҳзышьақәыргыломызт. Афонд "Ашана" аҟынтә Москваҟа ҳхы дырхеит. Уаҟа иқәдыргылаз адиагноз "ахшыбаҩ адисфункциа маҷ" ҳәа хьӡыс иамоуп", - лҳәоит ан.

Ахәыҷы игәамбзиара ҭҵааны амедицина аусзуҩцәа Леон ихәышәтәра шалшоз рҳәеит, аха убри аан аамҭа агара ҟалом.

Ес 4-5 мзы дыҭҵаалатәуп, ахәышәтәрагь дахыслароуп.

Шьазина агәра лгоит Леон дыбзиахап ҳәа.

Леон бзиа ибоит автомашьынақәа, асахьаҭыхра, лассы-лассы амикрофон ахьааникыло азы ашәаҳәарагьы бзиа ибоит ҳәа илшьоит ан.

Амир Ҳалуашь ды-Гәдоуҭатәуп. Даниуаз имаҷымкәа ачымазарақәа ициит. Бжьымз анихыҵуаз краснодартәи аҳақьымцәа ишьақәдыргылеит ихшыҩ аӡы шамоу, аепилепсиеи ахәыҷтәы церебралтә даблеи шимоу.

Иара дызныҟәаӡом. Иан лнапы дакызароуп. Ҳаҟанаҵ амультфильм "Маша и Медведь" дахәаԥшуан. Иан Хатуна Ԥасаниа илҳәоит ахәыҷы иалкааны аклассикатә музыкеи кавказтәи ашәақәеи бзиа ибоит ҳәа.

Хатуна илҳәеит 2018 шықәса рзы афонд "Ашана" ацхыраарала Амир Урыстәылаҟа хәышәтәра ҳәа дшыргаз. Ҩымчыбжьа ирылагӡаны иубартә иҟалеит аиҭакра бзиақәа.

"Бжьышықәсанӡа нап идаҳкылар, ишьапы дықәгылоит ҳәа агәра ҳдыргоит", - лҳәоит ан, лылаӷырӡ лызнымкыло.

Амир иаҳәшьеиҳаб даара бзиа дибоит. Акраамҭа данимбалак, дышлызгәыкуа убоит. Реиԥыларагьы даара игәырӷьахәуп.

Ҳалуашьаа рҭаацәара Гәдоуҭа инхоит. Уаанӡа ауадаҩрақәа рымазаргьы, уажәы Гәдоуҭа ақалақь аҿгьы ареабилитациатә центр аадыртит. Амир ес-хымз уи даҭаалароуп.

Леона Қриеи Амир Ҳалуашьи рзы еизгатәны иҟоуп 346 000 мааҭ аԥара.

32

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау