Аӡӷабцәа иога рҽазыҟарҵоит амшын аԥшаҳәаҿы

"Илахҿыху ашьыжь": афонд "Ашана" аспорттә акциа хацнаркуеит

39
(ирҿыцуп 18:50 24.05.2019)
Акциа "Илахҿыху ашьыжь" афонд "Ашана" имҩаԥнагалоит ессабша, асааҭ 9:00 рзы Аҟәа амшын аԥшаҳәаҿы.

АҞӘА, лаҵара 24 – Sputnik, Бадри Есиава. Агәыҳалалратә фонд "Ашана" аспорттә акциа "Илахҿыху ашьыжь" хацнаркуеит лаҵара 25 рзы ҳәа Sputnik акорреспондент изеиҭалҳәеит афонд адиректор Мактина Џьынџьалԥҳа.

"Акциа амҩаԥгара ҳҭахижьҭеи акрааҵуан, агәабзиара зҩыда аларҵәаразы. Ҳара ичмазаҩу ахәыҷқәа ргәамбзиара аҭышәныртәалара ҳнапы ахьалаку инамаданы иаҳҭахуп ауааԥсыра зегьы ргәабзиаразҩыдарагь гәыгәҭаhмыжьырц. Акциа адгылара аиҭеит афонд ашьаҭаркыҩгьы", - лҳәоит афонд адиректор.

Акциа "Илахҿыху ашьыжьи" афонд "Ашанеи" ессабша, асааҭ 9:00 - 10:00 рзы Аҟәа амшын аԥшаҳәаҿы имҩаԥыслоит.

Аԥхьатәи акциа мҩаԥысуеит азыҟаҵаҩ Ксениа Даничева лнапхгарала.

Мактина Џьынџьалԥҳа дақәгәыӷуеит акциа рхы аладырхәып ҳәа аҳҭнықалақь ауааԥсыра реиԥш, асасцәагьы.

Лара иара убасгьы деигәыӷуеит акциа ареспублика егьырҭ ақалақьқәа рзынгьы иҿырԥшыгахап ҳәа.

 

39

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау