Ареспубликатә хәышәтәырҭаҟны аҵәыҵәрии арацәаҵәыҵәытә гази рынашьҭра асистема

Ареспубликатә хәышәтәырҭаҿы аҵәыҵәрии арацәаҵәыҵәытә гази рсистема аԥырҵеит

42
(ирҿыцуп 16:23 26.05.2019)
Ареспубликатә хәышәтәырҭаҟны аҵәыҵәрии арацәаҵәыҵәытә гази аԥҟарҭахь, ареанимациахь, агемодиализ аҟәшахьы, ахшараиурҭахь изланеиша иҷыдоу атрубақәа мҩаныргеит.

АҞӘА, лаҵара 26 – Sputnik, Бадраҟ Аҩӡба. Ареспубликатә хәышәтәырҭаҟны аҵәыҵәрии арацәаҵәыҵәытә гази еиуеиԥшым аҟәшақәа рахь рынашьҭра асистема шьақәдыргылеит, абри атәы Sputnik акорреспондент изеиҭеиҳәеит ахәышәтәырҭа аҳақьым хада Аполлон Гәыргәлиа.

Иара иажәақәа рыла, Ареспубликатә хәышәтәырҭаҟны имҩаныргеит аҵәыҵәрии арацәаҵәыҵәытә гази аԥҟарҭахь, ареанимациахь, агемодиализ аҟәшахьы, ахшараиурҭахь изланеиша иҷыдоу атрубақәа.

© Sputnik Бадрак Авидзба
Ареспубликатә хәышәтәырҭа аҳақьым хада Аполлон Гәыргәлиа асистема ҿыц аусушьа дирбоит

Уаанӡа урҭ акрызҵазкуа амаҭәашьарқәа зҭаз ихьанҭоу абаллонқәа шьҭыхны, напыла аҟәшақәа рахь инаргалар акәын, убр азы ахәышәтәырҭа адашьма ҭыԥқәак рҿы иҭаԥҽуп, иҳәоит Гәыргәлиа.

Асистема ҿыц акыр иманшәалоуп, ҟәшацыԥхьаӡа иахьаҿоукуа аӷәқәа кыдуп, агаз шаҟа аҭаху анашьҭразы иҷыдоу аиҭакгақәа амоуп.

"Уажәы ҳара, ашәарҭадара аԥҟарақәа рықәныҟәаразы, абаллонқәа адәаҿы рышьақәыргылара ҳаҿуп, избанзар адунеи аҿы иҟалақәахьеит урҭ аныԥжәалоз. Урҭ уа ҭыԥк аҟны ишьақәҳаргылоит, анаҩс асистемала агаз ахәышәтәырҭа аҩнуҵҟа инаҳашьҭуеит", - иҳәеит аҳақьым хада.

Гәыргәлиа иара убас инаҵшьны иазгәеиҭеит абаллонқәа ахьдыргыло арезервуар аҭыԥан аҵәыҵәритә станциа ыҟазҭгьы еиҳа ишеиӷьхоз.

Аԥсныи Краснодари амедицинатә усзуҩцәа аицуснагӡатәқәа рыплан азыԥхьагәарҭеит>>

"Аҵәыҵәри аҳауа иалхны иҳаулар алыршазар бзиан. Ус еиԥш Урыстәыла аклиникақәа жәпакы рҿы иҟоуп, ҳаргьы уи аҩыза ҟаҳҵарц апланқәа ҳамоуп. Ҳаиҳабыра адгылара ҳарҭозар ҳәа ҳгәыӷуеит", - иҳәеит Гәыргәлиа.

Агазқәа рынашьҭра асистема аԥҵаразы аусурақәа мҩаԥыргон москватәи афирмақәа руак ашықәс алагамҭа инаркны.

42

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4