Аҟәа имҩаԥысраны иҟоуп ашьапылампыл-маҷ азы А-Мобаил имҩаԥнаго аиндаҭлара

34
(ирҿыцуп 12:13 28.05.2019)
А-Мобаил Ахраҿаз ашьапылампыл-маҷ асра мҩаԥысраны ишыҟоу атәы шәаԥхьар шәылшоит Sputnik аматериал аҿы.

Бадраҟ Аҩӡба, Sputnik

А-Мобаил Ахраҿаз ашьапылампыл-маҷ афбатәи атурнир мҩаԥысраны иҟоуп астадионқәа "Дэм", "Совмин" рҿы лаҵара 28 инаркны рашәара 10 рҟынӡа. Аиндаҭлара иалахәхоит 32 команда еиуеиԥшым ақалақьқәеи аусҳәарҭақәеи рҟынтә. Аӡбараз иааԥхьоуп урыстәылантәи аӡбаҩцәа.

© Sputnik / Томас Тхайцук
А-Мобаил Ахраҿаз ашьапылампыл-маҷ афбатәи атурнир амҩаԥысра иазкыз апресс-конференциа

А-Мобаил Ахраҿаз ашьапылампыл-маҷ афбатәи атурнир амҩаԥысра иазкыз апресс-конференциа аҟны атурнир аиҿкааҩ, аилахәыра А-Мобаил PR аҟәша аиҳабы Алина Ҳаџьымԥҳа иазгәалҭеит ауснагӡатә хықәкны иамоу аԥсҭазаара зҩыда амҩаԥгара аларҵәара шакәу.

© Sputnik / Томас Тхайцук
А-Мобаил PR аҟәша аиҳабы Алина Ҳаџьымԥҳа

"Аусура иалаҳаргеит асаит www.football.a-mobile.biz. Уа иалшоит атурнир иалахәхар зҭаху рыҽҭаҩра, ма арзаҳал анашьҭра. Сынтәа акомандақәа рлахәылацәа рхыԥхьаӡара фҩык рҟынтәи хәҩык рахь илбаагеит. Уи иалнаршоит еиҳа ахәмарра ахаҭабзиара аиҿкаара", - лҳәеит лара.

Ҳаџьымԥҳа илҳәеит ауснагӡатә иахықәку аспорт аныҳәа аԥҵара шакәу. Урыстәылантәи иааԥхьоу аӡбаҩ Александр Комаров иазгәеиҭеит асеиԥш иҟоу ауснагӡатәқәа ауаа рацәа шрыдрыԥхьало.

© Sputnik / Томас Тхайцук
Урыстәылантәи иааԥхьоу аӡбаҩ Александр Комаров

"Аспорт ауаа еиднакылоит. Уи гәахәароуп", - иҳәеит арбитр.

Аилахәыра А-Мобаил PR аҟәша аиҳабы Алина Ҳаџьымԥҳа иеиҭалҳәеит фышықәса раԥхьа ауснагӡатә асеиԥш аҽарҭбаап ҳәа ишақәымгәыӷуаз.

"Ҳара ҳҽазаҳшәоит ауснагӡатә еиҳа-еиҳа ауаа рацәа алахәхарц", - лҳәеит лара.

Атурнир рҽаладырхәуеит рышықәс иахьмырԥшыкәа изҭаху зегьы. Ара еиндаҭлоит аилахәырақәа, аусҳәарҭақәа, анаплакқәа.

Аинформациатә маҵзура Sputnik Аԥсны - "Ашьапылампыл-маҷ азы А-Мобаил Ахраҿа" информациатә партниорны иҟоуп.

34
Кран

Нанҳәа 12 аҽны Аҟәа ахәҭак ӡыда иаанхоит

6
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

6

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

18
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

18