Аԥснытәи ашьапылампылтә команда Сапми акоманда иаиааиит

Аԥснытәи ашьапылампыласцәа Сапми акоманда иаиааиит

66
(ирҿыцуп 10:33 04.06.2019)
Ашьапылампыл азы Европа ачемпионат ConIFA-2019 аҟны Аԥсныи Сапми (Лапландиа) ркомандақәа реицыхәмарра мҩаԥысит Виген Шириниан ихьӡ зху астадион аҿы, Мартакерт.

АҞӘА, рашәара 4– Sputnik, Бадраҟ Аҩӡба. Ашьапылампыл азы Европа ачемпионат ConIFA-2019 аҟны Аԥсныи Сапми (Лапландиа) ркомандақәа реицыхәмарраан Аԥснытәи акоманда аиааира агеит 1:0 ҳәа.

Ахәмарра актәи ахәҭа ампыл аиҳарак адәы агәҭаҿ акәын иахьыркыз. Ишәарҭаз аҭагылазаашьа аԥснытәи акомандаз иҟалеит 21-тәи аминуҭ азы. Сапми ахәмарыҩ ампыл амба иҭаиршәырц ак игымхеит, аха амбахьчаҩ Инал Кацәба акоманда еиқәирхеит.

Актәи атаим анҵәамҭаз аԥснытәи акоманда имҩаԥыргаз ажәыларақәа ирылҵшәахеит 45-тәи аминуҭ азы Георги Дгьебуаӡе иҭаиршәыз ампыл.

Аҩбатәи атаим еиҳа ицыхцыхны иалагеит, аха ампыл аҭаршәра залымшеит.

Иара убри аамҭазы агәыԥ "А" алахәылацәа Ашьха Ҟарабахи Чамериеи реицыхәмарра хыркәшахеит 3:1 ҳәа Чамериа аиааирала. Абасала агәыԥ аҿы акомандақәа ҩба-ҩба хәмарра мҩаԥыргахьеит.

Игроки сборной Абхазии празднуют победу над сборной Сампи (Лапландия), 3 июня 2019
© Foto / Федерация футбола Абхазии
аԥснытәи акоманда

Аԥснытәи акоманда 6 очкок амоуп, Ашьха Ҟарабахи Чамериеи хԥа-хԥа очко рымоуп, Сампи макьаназ очко амам.

Ахәмаррақәа реихшьаалақәа рыла рашәара 4 еилкаахоит плеи-офф ихәмаруа акомандақәа ҩба.

Игроки сборной Абхазии празднуют победу над сборной Сампи (Лапландия), 3 июня 2019
© Foto / Федерация футбола Абхазии
аԥснытәи акоманда

 

66
Атемақәа:
ConIFA- 2019 (36)

COVID-19 рзықәыргылоуп даҽа 26-ҩык Аԥсны ауааԥсыра

15
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

15
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны АҶА аусзуҩцәа Питертәи атуристка лыԥшаара ишаҿыц иаҿуп

4
Аԥшаарақәа мҩаԥысуеит Аԥсны АҶА аминистр Лев Кәыҵниа инапхгарала, аволонтиорцәеи иӡыз лҭаацәеи алархәны.

АҞӘА, нанҳәа 14 – Sputnik. Аԥсны Аҭагылазаашьа ҷыдақәа рминистрра аҟазауаа хымш ирықәуп аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иаҿуижьҭеи, абри атәы Sputnik иазеиҭеиҳәеит АҶА рминистр ихаҭыԥуаҩ Тигран Делибалтиан.

Иара иажәақәа рыла аԥшаарақәа мҩаԥыслоит аԥҳәызба дрыԥшаанӡа.

"Амшқәа цәгьаханы ақәоура ҟалар аамҭакала ҳаԥшуеит. Макьаназы аԥшаарақәа ирыцаҳҵоит", - иҳәеит иара.

Аԥшаарақәа ирылахәуп Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи. Анеира ахьыуадаҩу аҭыԥқәа рҿы авиациа ахархәара амоуп.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

4