Аԥсны акоманда

Афиналбжаҿы Аԥсныи Мраҭашәаратәи Ермантәылеи ркомандақәа еиԥылоит

31
(ирҿыцуп 17:51 06.06.2019)
Европа ачемпионат ConIFA-2019 афиналбжаҿы Аԥсны акомандеи Мраҭашәаратәи Ермантәыла акомандеи еиԥылоит рашәара 6 асааҭ 17:30 рзы.

АҞӘА, рашәара 5 – Sputnik, Бадраҟ Аҩӡба. Аԥсны акомандеи Мраҭашәаратәи Ермантәыла акомандеи еиԥылоит рашәара 6 асааҭ 17:30 рзы.

Иара убри аамҭазы еиԥылоит Аахыҵ Уаԥстәылеи Чамериеи.

Аԥснытәи акоманда ConIFA-2019 аплеи-офф ахь инеит>>

Агәыԥқәа рҿы ахыркәшаратә хәмаррақәа мҩаԥысуан рашәара 4 рзы. Урҭ реихшьаалақәа рыла Сапми (Ладландиа), Ашьха Ҟарабах, Паданиа, Секеитәи атәылаҿацә ркомандақәа плеи-офф астадиахь изымнеит.

Ахыркәшаратә хәмарраан Аԥсныи Ашьха Ҟарабахи ркомандақәа 1:1 ҳәа еилгеит. Чамериа - Сапми – 4:0 ҳәа. Агәыԥ "В" аҿы Аахыҵ Уаԥстәылеи Секеитәи атәылаҿацәи 2:2 ҳәа ихәмарит, Паданиеи Мраҭашәаратәи Ермантәылеи – 1:1 ҳәа еиҭахеит.

Рашәара 7 2013 шықәса рзы еиҿкааз ConIFA иахьазы еиднакылоит FIFA иалахәым 40 команда.

31
Атемақәа:
ConIFA- 2019 (36)