Петербургтәи Жәларбжьаратәи аекономикатә форум

Аԥсныи Урыстәылеи Аилахәаахәҭшьазы аиқәшаҳаҭрахь аиҭакрақәа аларгалеит

35
(ирҿыцуп 14:41 08.06.2019)
Аԥсныи Урыстәылеи Реиҳабырақәа рыбжьара Аилахәаахәҭшьазы аиқәшаҳаҭрахь аиҭакрақәа ралагаразы аԥкаанҵа рнапы аҵарҩит ахәаша, рашәара 7 рзы Петербургтәи Жәларбжьаратәи аекономикатә форум аҳәаақәа ирҭагӡаны.

АҞӘА, рашәара 8 - Sputnik. Аԥсны Аекономика аминистр Адгәыр Арӡынбеи Урыстәыла Афымцамч аминистр Александр Новаки Аԥсныи Урыстәылеи Реиҳабырақәа рыбжьара Аилахәаахәҭшьазы аиқәшаҳаҭрахь аиҭакрақәа ралагаразы аԥкаанҵа рнапы аҵарҩит ахәаша, рашәара 7 рзы Петербургтәи жәларбжьаратәи аекономикатә форум аҳәаақәа ирҭагӡаны, абри атәы Sputnik акорреспондент изеиҭеиҳәеит Аԥсны Аекономика аминистр Адгәыр Арӡынба.

Аганқәа ргәы иҭоуп зноменклатуреи зымҽхаки Аиқәшаҳаҭра инақәыршәаны иззыԥҵәоу анефтаалыҵқәа Урыстәылантәи Аԥсныҟа ралагалараан аамҭалатәи апериодикатә ҳазалхратә декларациа рзаԥыхра.

Аурыс ган арҭ рҩызцәа атауарқәа ралгаразы аҳазалхратә баџьқәа ахьылнамхуа ҳасаб азууазар, Аиқәшаҳаҭрахь иаларгало аиҭакрақәа иалдыршоит аҩганкгьы атауареикәыршараҿы рҭагылазаашьа аиҟаратәра, аҳәоит адырраҭараҿы.

"Дарбанзаалак анефтаалыҵқәа Аԥсныҟа иаазго аимпортиор аквотақәа иман. Аха урҭ рахьтә зегьы ирылшомызт убарҭ аквотақәа рҳәаа иҭагӡаны зыӡбахә рҳәахьаз аалыҵ зегьы аагара. Даҽа импортиорк урҭ рыҟамзаара ханарҭәааразы аквотақәа изиагара даара ицәгьан. Уажәшьҭа абарҭ аквотақәа ианаҭаххалак риагара апроблема аиуӡом. Аԥсназы иазԥхьагәаҭоу анефтаалыҵқәа уажәшьҭа аҳәааҟны ианааргалак ауп абаза ианҭагалахо", - азгәеиҭеит Арӡынба.

Аԥсны Аекономика аминистр Адгәыр Арӡынбеи Урыстәыла Афымцамч аминистр Александр Новаки иара убас иахцәажәеит Аԥсны афымца азымхара азҵаарақәеи уи аӡынтәи аамҭазы ахарҭәаара алыршареи рызҵаарақәа.

Валери Бганбеи Витали Муткои Москва еиԥылеит>>

Арӡынба иигәалаиршәеит 2020 шықәса Егрытәи аӡытә фымцатә станциа аусура аанкылара ргәы ишҭоу уа аиҭашьақәыргыларатә усурақәа рымҩаԥгара инамаданы. Убри аамҭазы Аԥсны афымца Урыстәылантәи ишаиуло. Афымцаашьҭра амҽхаки арыцхәи ҩаԥхьа иалацәажәараны иҟоуп.

35

Аԥсны акоронавирус злоу аӡәгьы даанымхеит

1
Иахьатәи аамҭазы Гәдоуҭатәи араионтә хәышәтәырҭа хадаҿы акоронавирустә инфекциа злоу аӡәгьы даанымхеит.

АҞӘА, рашәара 2 - Sputnik. Гәдоуҭатәи араионтә хәышәтәырҭаҟынтә иҭырҩааит акоронавирустә инфекциа зыхьны иҟаз аҵыхәтәантәи хҩык апациентцәа, абри атәы аанацҳауеит COVID-19 аҟынтәи ауааԥсыра рацәыхьчаразы аоперативтә штаб. 

Иҳаҩсыз уахыки-ҽнаки рзы акоронавирус рылоу ирыламу гәаҭан 57-ҩык ауааԥсыра, урҭ рахьтә аӡәгьы акоронавирус рылам.

Акоронавирус азы апандемиа ааҟалеижьҭеи Аԥсны ичмазаҩхахьеит 28-ҩык, урҭ рахьтә 26-ҩык ргәабзиара шьақәгылеит, аӡәы лыԥсҭазаара далҵит ҳәа аанацҳауеит аоперштаб.

Акоронавирус иадҳәалоу ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Бжьаниа: Аԥсны атуристтә сезон аартразы иҟаҳҵаша ҳазхәыцроуп

5
(ирҿыцуп 19:42 02.06.2020)
Аԥсны Аҳәынҭқарра ахада Аслан Бжьаниа аҩаша, рашәара 2 рзы дырԥылеит атәыла Апарламент адепутатцәа.

АҞӘА, рашәара 2 – Sputnik. Аԥсны атуристтә сезон аартра ҳалзыршаша аусмҩаԥгатәқәа ҳрызхәыцроуп иҳәеит атәыла ахада Аслан Бжьаниа аҩаша, рашәара 2 рзы Апарламент аҟны адепутатцәеи иареи реиԥылараан.

Атәыла ахада иазгәеиҭеит Аԥсны аиҳабыра ари аус анагӡара ишадгыло, убри азы Апарламенти егьырҭ ари азҵаара иазҿлымҳау зегьи ражәалагалақәа рзыӡырҩра ишазыхиоу.

Бжьаниа излеиҳәаз ала, атуристтә усхкы иадҳәалоу ашьаҿақәа зегьы урыстәылатәи рколлегацәа рыҽрымаданы ишыҟарҵало. 

"Урыстәылатәи Афедерациаҟны аԥкрақәа маҷ-маҷ рырԥсыҽра иалагеит. Иҳаҩсыз амчыбжь азы Урыстәыла ахада Владимир Путин Ашәарҭадаратә хеилак дҵас иазықәиргылеит ргәылара иҟоу атәылақәеи дареи рҳәаақәа раартра азҵаара ахьынӡалшо иазхәыцырц. Иацы ари атема шьҭыхын Ашәарҭадаратә хеилак амаӡаныҟәгаҩ Рашид Нургалиеви сареи ҳаицәажәараан, ари азҵаара аӡбараҟны дареи ҳареи ҳаицәажәаны, еишьашәалоу аӡбамҭақәа ҳадаҳкылоит", - иҳәеит ахада.

Иара убас иара иазгәеиҭеит атуризм азы аминистр Ҭемраз Хышба ааигәа дшалахәыз Урыстәыла аекономикатә ҿиара аминистрра имҩаԥнагоз аилцәажәара.

"Даргьы иҟалар зылшо акурорттә сезон рҽазыҟарҵоит, атуристцәа ҳәа аӡәыр дҟалозар, урҭ иҷыдоу COVID апаспортқәа рыҭазаауеит, иара убас хымԥада аԥгаԥса рымазароуп. Аурыс ган аҳәаа аартразы ашьаҿақәа ҟарҵозар, аԥсуа ган иаразнак уи азы адырра рырҭоит", - иҳәеит Бжьаниа.

Убри ашьҭахь атуристтә сезон аартра иазырхоу ауснагӡатәқәагьы ҳадаҳкылоит ҳәа азгәеиҭеит ахада.

Атәыла ахада лаҵара 30 рзы аԥкрақәа рыҿҳәара дырнахеит рашәара 15 рҟынӡа, убарҭ рхыԥхьаӡараҿы иҟоуп аԥсшьаҩцәа рзы аҳәаа шаркыц аркызаарагьы.

Иара убас шәаԥхьар ҟалоит:

5
Атемақәа:
Ачымазара ҿкы – акоронавирус Аԥсни адунеи аҿи: иалкаау