Аԥсны акоманда Чамериа ианаиааи ашьҭахь

Аԥсны акоманда ахԥатәи аҭыԥ ааннакылеит ConIFA-2019 ЕА аҿы

77
(ирҿыцуп 09:35 09.06.2019)
ConIFA-2019 аегида иаҵанакуа ашьапылампыл азы Европа ачемпионат аҟны Аԥсны акомандеи Чамериа акомандеи рыхәмарра мҩаԥысит Степанакерт рашәара 8 рзы.

АҞӘА, рашәара 8 - Sputnik, Асмаҭ Ҵәыџьԥҳа. Аԥсны иеизгоу акоманда Чамериа акоманда иаиааит пенальтиқәа рсериаҟны ConIFA-2019 аегида иаҵанакуа ашьапылампыл азы Европа ачемпионат аҟны ахԥатәи аҭыԥ азы рыхәмарраан асабша, рашәара 8 рзы.

Ахәмарра ишалагазҵәҟьа Аԥсны акоманда еиҳа аԥыжәара аго иалагеит, Чамериа акәзар, ахьчаратә тактика ааннакылар акәхеит.

Ахәмарра зегьы иҭагӡаны ирацәан аҩкомандакгьы иҟарҵоз ажәыларақәа рхыԥхьаӡара. Изныкымкәа икылкааны амбахь ампылқәа рышьҭуан, аха амбахьчаҩцәа рҭыԥ аҟны иахәҭаз аус нарыгӡон, ишәарҭаз ампылқәа раанкылара рылшон. 

Имаҷмызт иара убас акәакьтә мпылқәагьы, аилагарақәа ирыхҟьаны егьырҭ аштрафтә мпылқәагьы.

Ахәаԥшцәа ртәы уҳәозар, Аԥсны акоманда иадгылаз рацәаҩын, атрибунақәа рҟынтәи рыбжьы шьҭыхны адгылара ду рырҭон, Аԥсны абираҟқәа зкызгьы убон. 

Алада Уаԥстәыла Чамериа иаиааины Европа Ачемпионат ConIFA-2019 афинал ахь инеит>>

Убас ала, аамҭа хадазы ахәмарыҩцәа ирылшоз шыҟарҵозгьы, амба изазымиааит. Аӡбаҩ хада уи иацыҵеит аа-минуҭк. Аха усҟангьы аҭаршәра рылымшеит.

Ахәмарра ашьҭахь апенальтиқәа ирыӡбар акәын алҵшәа. Ара аԥсуа команда амчқәа ааизнакын, иагьрықәҿиан, 5:4 ҳәа аиааира ргеит, иагьааныркылеит ConIFA-2019 ала Европа ачемпионат аҿы ахԥатәи аҭыԥ.

77
Атемақәа:
ConIFA- 2019 (36)

Шьониа Гал араса аҽаҩразы: ашәарҭара иҭагылоуп

10
(ирҿыцуп 20:16 06.07.2020)
Гал араион агроном хада Лери Шьониа арадио Sputnik аефир ала арубрика "Раионк аԥсҭазаараҟынтә" аҿы еиҭеиҳәеит араион аҟны араса хәышәтәымзар, аҽаҩра бзиамахар ҟалоит ҳәа.
Раионк аԥсҭазаараҟынтә: Шьониа Гал араса ахәшәтәра иазкны

"Араса аганахьала апроблема дуқәа ыҟоуп сҳәар имцхоит, избанзар ауаа рхатә џьабаалеи иара убас араион ақыҭанхамҩа иазоужьыз амармалташьтә пты иаҿагыланы ақәԥаразы 500 литра ахәшәи рзаҳшеит. Ахәшә ирызшаз азхаӡом, избанзар араион аҟны 18 қыҭа ыҟоуп, быжь-нызқь гектар инацны арасаҭрақәа ыҟоуп. Ҳәара аҭахума, ацхыраара иҵегьы иҳаур ибзиахон, избанзар акәыкәбаачымазара иаҿагыло ахәшә ҳақәгәыӷуан, иахьа ишҳаҳауа ала, Аԥсны ахадара азҵаара аӡбара иаҿуп. Иҳаҩсыз амчыбжь азы араион ҳалсуан, ачымазара хәыҷык идәықәлахьеит, араса аус даара ашәарҭара иҭагылоуп. Анхацәа хәыҷык ацхыраара ҳазрыҭар, аура ҟалап ҳәа ҳгәы иаанагоит", - иҳәеит Шьониа.

Иара иажәақәа рыла, ҵыԥх араион аҟны 4 нызқь гектар араса вертолиотла ихәшәтәын, сынтәагьы ахәшәтәра арбан.

"Хәыҷык аус ҳарццакыр цәгьаӡам, ианаамҭоу ахәшәқәа ҳаур акәыкәбаачымазара аҟынтә, алҵшәа бзиахон. 2017 шықәсазы араса аҽаҩра 20 % ҳамаӡамызт, 2019 шықәсазы 50-80 процент рҟынӡа аҽаҩра аанашьҭит. Иаҳхысыз ашықәсқәа рзы иҟаҵаз ахәшәтәрақәа рылҵшәақәа ҳцәыӡыр ҟалоит шықәсык бжьаҳажьыр, ажәлар рџьабаа аӡы иагеит ауп. Араион ахадара ирдыруеит, аиҳабырагьы ирарҳәахьеит ацхыраара ҳаур, кәыркәамза ахәшәтәра иара иатәуп, ихымԥадатәуп. Иахьа ачымазарақәа ҳбоит, амармалташьтә птгьы иаҳа иацло иалагеит уажәтәи ашоурақәа раан, акәыкәбаачымазара аԥхьа инаргыланы еиҭазго иара ауп", - иҳәеит Шьониа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

10

Иазҟазатәым ашьапылампыл азы Аԥсны ачемпионат аҿы аиааира згаз алкаауп

14
(ирҿыцуп 19:53 06.07.2020)
Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.

АҞӘА, ԥхынгәы 6 – Sputnik, Ренат Ԥачалиа. Иазҟазатәым ашьапылампыл азы Аԥсны ахԥатәи ачемпионат афинал мҩаԥысит Аҟәа.

Аԥсны ашьапылампылтә Лига адиректор Васили Федоренко ишиҳәаз ала, сынтәатәи ашықәс аинтерес зҵаз ахҭысқәа аман. Иазҟазатәым ашьапылампыл азы Аԥсны ахԥатәи ачемпионат 2019 шықәса жьҭаарамзазы иалагеит, аха акоронавирус иахырҟьаны 2020 шықәса ԥхынгәымзанӡа ихыркәшамхеит.

Атурнир аҿы аиааира агеит акоманда "Рубин-2", аҩбатәи аҭыԥ – "Кьараз", ахԥатәи - "Гәылрыԥшь".

"Иазҟазатәым ашьапылампыл азы Аԥсны ачемпионат хынтәуп имҩаԥысуеижьҭеи. Ари аамҭала акомандақәа рхыԥхьаӡара аҽаԥсахит. Аԥхьатәи ашықәс азы 18 команда ыҟан, сынтәа – 8", - иҳәеит Федоренко. Еиуеиԥшым амзызқәа ирыхҟьаны афинал ахь 6 командак неиит.

Ф-командак атурнир аханатә иалахәын, "7-тәи арратә базеи" "Алекси" – раԥхьаӡа акәны иалахәхеит.

Федоренко иазгәеиҭеит иаиааиз акомандақәа ахраҿақәа шранашьаз, зҽалызкааз ахәмарыҩцәа – аҳаҭыртә шәҟәқәеи амедалқәеи.

"Ари ахԥатәи турнируп. Ачемпионат аиҩызаратә ҟазшьа аманы имҩаԥысуан. Командала ҳаибадыруеижьҭеи акыр ҵуеит. Агәахәара ҳнаҭоит акоманда ҿыцқәа ҩба ахьалахәхаз", - иҳәеит ииааиз акоманда аиҳабы Едуард Аршба. Иара ҭабуп ҳәа иеиҳәеит ашьапылампылтә клуб "Алекс" азыҟаҵаҩ Алексеи Иваненко ачемпионат аиҿкааразы.

Ԥхынгәы 15 рзы имҩаԥысраны иҟоуп атурнир аминистррақәеи аусбарҭақәеи рыбжьара.

Иара убас шәаԥхьар ҟалоит:

 

14