Аахыҵ Уаԥстәыла акоманда ConIFA-2019 иачемпионхеит

29
(ирҿыцуп 09:38 10.06.2019)
Ашьапылампыл азы Европа ачемпионат ConIFA-2019 афиналтә хәмарра: Аахыҵ Уаԥстәыла-Мраҭашәаратәи Ермантәыла мҩаԥысуан Степан Шаумиан ихьӡ зху астадион аҿы, Степанакерт, рашәара 9 рзы.

АҞӘА, рашәара 10 – Sputnik, Сариа Кәарацхьиаԥҳа. Ашьапылампыл азы Европа ачемпионат ConIFA-2019 афиналтә хәмарраҟны аԥыжәара агеит Аахыҵ Уаԥстәыла акоманда.

Аиааира аазгаз ампыл амба иҭеиршәит Ибрагим Бараев 64 –тәи аминуҭ азы.

Ахәмарраан ауаԥсаа ашәарҭаратә ҭагылазаашьақәа аԥырҵон, аха рацәак аԥыжәара рымоуп ҳәагьы узҳәомызт.

Ахәмарра ахыркәшамҭаз пенальти ала иршәыз ампыл Аахыҵ Уаԥстәыла амбахьчаҩ аанкылара илшеит.

ConIFA ачемпионат мҩаԥысуан рашәарамзазы, Ашьха Ҟарабах.

Аԥснытәи акоманда ахԥатәи аҭыԥ ннакылеит.

ConIFA аԥҵан рашәара 7 2013 шықәса рзы. Еиднакылоит FIFA иалам 40 команда.

29
Атемақәа:
ConIFA- 2019 (36)