Аԥсны азеиԥш диспансеризациа иахысит 13 нызқьҩык ауааԥсыра

42
(ирҿыцуп 19:41 10.06.2019)
ФМБА аҳақьымцәа Аԥсны араионқәа рҟны ҩымз раахыс имҩаԥыргоз азеиԥш диспансеризациа аихшьаалақәа ҟарҵеит Гагра, рашәарамза 10 аҽны.

Sputnik, Саида Жьиԥҳа

Мшаԥымза алагамҭазы Аԥсныҟа иааит, амедицинатә наукақәа рдоктор, Урыстәыла афедералтә-амедико биологиатә маҵзура аиҳабы Владимир Уиба инапхгарала аспециалистцәа ргәыԥи, 12 машьына ҷыдеи, амобилтә лабороториа-ачымазарашьақәыргыларатә комплекс ацны.

Аамҭалатәи аихшьаалақәа рыла, Аԥсны ахьынӡанаӡааӡо хәыда-ԥсадатәи амедицинатә агәаҭарақәа ирхысит 13 нызқьҩык инарзынаԥшуа ҳауаажәлар, урҭ рахьтә 400-ҩык, ахәшәтәрахь ишьҭуп Урыстәыла афедералтә-амедико биологиатә маҵзура (ФМБА) анапаҵаҟа иҟоу ахәшәтәырҭқәа рахь. 

Аԥсны, ҩымз раахыс имҩаԥысуаз ауаажәлар рзеиԥш диспансеризациа хырқәшахеит Гагра араион ала. Иахьа, рашәара 10 рзы, Аԥсныи Урыстәылеи агәабзиарахьчара аминистррақәеи, ашәарҭадаратә Хеилакқәа рхаҭарнакцәеи, Гагра араион Ахадареи, адиспансеризациа мҩаԥызгоз Урыстәыла афедералтә-амедико биологиатә маҵзура анапхгареи, аҳақьымцәа ргәыԥи иҭабуп ҳәа рарҳәеит, Гагра араион Ахадараҟны имҩаԥгаз аиԥылараҟны. Рџьабаа аҳаҭыр азы, Аԥсны агәабзиарахьчара аминистрра рыхьӡала иранашьан адиплом. 

"Аԥсны атәылауаа аӡәаӡәала ирзынархаз аус ду нашәыгӡеит. Агәра ганы сыҟоуп, ҳаԥхьаҟагьы, аԥсуа ҳақьымцәа алархәны ари агәыҳалалра ишацҵахо. Хымԥада аамҭа ԥкын, аха зегь акоуп, аҵыхәтәантәи аҭааҩ дшәыдышәкылаанӡа шәҭыԥқәа рҟны шәыҟан. Иҭабуп идуӡӡаны ҳәа шәасҳәоит шәџьабаазы", - иҳәеит Аԥсны ашәарҭадаратә Хеилак амаӡаныҟәгаҩ Муҳаммад Кьылба. 

Уыстәыла афедералтә-амедико биологиатә маҵзура анапхгареи, аҳақьымцәеи иҭабуп ҳәа реиҳәеит Урыстәыла ашәарҭадаратә маҵзура амаӡаныҟәгаҩ ихаҭыԥуаҩ Рашид Нургалиев.

Иара иазгәеиҭеит, анеира ахьыцәгьоу аҭыԥқәеи, убас ахара инхо ауааԥсыреи разҟны ишырзыҟалаз, заанаҵы рчымазара ашьақәыргыларазы алшара ахьрырҭаз. 

Аԥсны агәабзиарахьчара аминистр Ҭамаз Ҵахнакьиа иҳәеит, ԥхьаҟагьы, Урыстәылатәи Афедерациа агәабзиарахьчара аминистрреи дареи ирзеиԥшу апроектқәа ишрыцырҵо. 

"Адиспансеризациа актәи ахәҭа қәҿиарала ихырқәшоуп. Уажәы,  Урыстәыла афедералтә-амедико биологиатә агентреи ҳареи ҳалацәажәоит, Аԥсны ареспубликатә хәшәтәырҭа ашьаҭала, акардио-ԥҟаратә ҟәша аартреи, ихымԥадатәиу амедицинатә цхыраара аарԥшразы ацентр аргылареи рызҵаарақәа", - азгәеиҭеит аминистр.

Гагра араион Ахадара аиҳабы Геннади Сыҷынаа, арҭ амшқәа рзы, араҟа аус зуаз аҳақьымцәа рџьабаа ахә шьо иазгәеиҭеит, агәахәара ду шинаҭаз аҭыԥантәи аҳақьымцәеи дареи аиҩызара ахьрыбжьалаз, уи ԥхьаҟагьы аԥышәа арҳараҿы ишцхыраагӡахо азгәеиҭеит. 

Аԥсныи Урыстәылеи ашәарҭадаратә Хеилакқәа рхаҭарнакцәа излазгәарҭаз ала, ари апроект алыршахеит Москва имҩаԥысхьаз, аҩ-ганк рделегациақәа реиқәшәарақәа ирыбзоураны.

 

42
Заур Кишмария

Қьышьмариа Тҟәарчалтәи атеатр иазкны: аџьа иалҵыз ауп

8
(ирҿыцуп 19:59 15.07.2020)
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik аефир аҿы атәыла акультура аминистри атеатр аусзуҩцәа реиԥылара ахҳәаа азыҟаиҵеит.
Раионк аԥсҭазаараҟынтә: Кьышьмариа Тҟәарчалтәи атеатр иазкны

"Атеатр иахьа еиҭашьақәнаргыло аспекталькқәа ртәы еиҭаҳҳәеит, еиҭа ус еиԥш алшара ҳауа-иаҳмауа ҳәа сымҵааӡеит, избанзар аҳәынҭқарра зҭагылоу аҭагылазаашьа атәы аадыруеит. Иҳамоу алшарақәа еицырхырааны иҭҳажьуеит ҳәа ахҳәаа ҟасҵеит. Аиԥылара аибадырратә ҟазшьа аман, аха аминистр аус шутәу инықәшьны иаҳирдырит, аҳәынҭқарра рԥара аус муӡакәа аӡәгьы иоур шыҟамло атәы, уи уажәраанӡагьы ҳара иаадыруан", - ҳәа иҳәеит Қьышьмариа.

Тҟәарчалтәи атеатр аус ауан, аринахысгьы аус аулоит, избанзар иара аџьа иалҵыз театруп, аусзуҩцәа ирылҵыз театруп ҳәа азгәеиҭеит Қьышьмариа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

8
Учредительный съезд благотворительного движения Послы доброй воли Абхазии в Международном мультимедийном пресс-центре МИА Россия сегодня

"Аԥсны Агәыҳалалра ацҳаражәҳәаҩцәа" реилазаара дырҿыцуеит

7
Агәыҳалалратә еиҿкаара "Агәыҳалалра Ацҳаражәҳәаҩцәа" аԥҵан 2017 шықәса рзы, Москва, аԥсуа диаспора раԥшьгарала. Актәи аилазаара иалахәын актиорцәа, арежиссиорцәа, аспортсменцәа, ауаажәларратәи аполитикатәи усзуҩцәа.

АҞӘА, ԥхынгәы 15 – Sputnik, Асмаҭ Ҵәыџьԥҳа. "Агәыҳалалра ацҳаражәҳәаҩцәа" реилазаара ҿыц ӡыргахоит ԥхынгәы 17 рзы ҳәа арадио Sputnik иазеиҭеиҳәеит ацҳаражәҳәаҩ Едгар Ӷәазаа.

Иара иажәақәа рыла, аилазаара ҿыц иалахәхоит аполитикатәи ауаажәларратәи усзуҩцәа, аспортсменцәа, артистцәа Аԥсни Урыстәылеи рҟынтәи. Аиҿкаара афонд адиректор ҿыцс дҟалоит Едгар Ӷәазаа.

"Аилазаара ҿыц аус аулоит 2023 шықәсанӡа. Иазԥхьагәаҭоуп аԥсуа бызшәа, акультура, аспорт рыҿиаразы, абаҩхатәра зоу аҿарацәа рыцхрааразы апроектқәа. Иус хаданы иҟоу Аԥсны иҵоуроу ахыԥша аҳәаанырцә рырдырроуп. Аилазаара ҿыц уи алшап ҳәа сгәы иаанагоит", - ҳәа иҳәоит иара.

"Аԥсны Агәыҳалалра ацҳаражәҳәаҩцәа" аԥҵан Москва, аԥсуа диаспора аԥшьгарала, 2017 шықәса рзы. Иара имҩаԥнагоит агуманитартә проектқәа агәабзиарахьчара, аҵарадырра, аспорт русхк аҿы. Агәыҳалалра ацҳаражәҳәаҩцәас иҟоуп акинорежиссиор Емир Кустурица, "Мисс мира" Ксениа Сухинова, ақәԥаҩ Денис Царгәыш, актиор Егор Бероев иара иԥшәмаԥҳәыс Ксениа Алфиорова, Аԥсни Урыстәылеи руаажәларратәи рполитикатәи усзуҩцәа.

7