Рауль Ҳаџьымбеи Рашид Нургалиеви еиԥылеит

Рауль Ҳаџьымбеи Рашид Нургалиеви еиԥылеит

27
(ирҿыцуп 10:28 11.06.2019)
Аԥсны ахада Рауль Ҳаџьымба дидикылеит Урыстәыла ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиев.

АҞӘА, рашәара 11 – Sputnik. Ҩ-ганктәи аиқәышаҳаҭрақәа шьаҭас иззыҟоу Аԥсныи Урыстәылеи русеицура хра аманы иҟоуп, ҳазыхиоуп аусура, аинырра ҳәа иҳәеит Аԥсны ахада Рауль Ҳаџьымбеи Рашид Нургалиеви реиԥылараҟны.

"Ҳусеицура хыҵхырҭаны иамоуп Аԥсны аҳәынҭқарреи Урыстәылатәи Афедерациеи рыбжьара анапы зҵаҩу Аиқәшаҳаҭра ду. Арахь иаҵанакуеит: азинхьчаратә органқәа, атәылахьчара, аҳәаахьчара, аҳазалхратә усбарҭақәа русура. Имҩаԥааго ауснагӡатәәқәа иаадырԥшуеит аганқәа аусура ишазыхио", - иҳәеит Аԥсны ахада.

Нургалиев иазгәеиҭеит ашәарҭадара аусхк аҟны аусеицура аҵак ду аманы ишыҟоу.

"Ашәарҭадаратә ҵакыра ҳара ҳзы акраҵанакуаны иҟоуп", - иҳәеит иара.

Урыстәыла ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиев усутә визитла Аԥсны даҭааит рашәара 10 рзы.

 

27

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

25
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

25

Акоронавирус змоу ҩыџьа апациентцәа Гәдоуҭатәи ахәышәтәырҭаҿ ишышьҭац иаанхоит

16
(ирҿыцуп 18:54 09.07.2020)
Иаҳхысыз уахыки-ҽнаки рыла Аԥсны 12-ҩык акоронавирустә инфекциа амазааразы агәаҭара иахысит.

АҞӘА, ԥхынгәы 9 - Sputnik. Ҩыџьа апациентцәа макьана Гәдоуҭатәи ахәышәтәырҭаҿы ишышьҭац иаанхоит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Ииасыз уахыки-ҽнаки рыла акоронавирустә инфекциа агәаҭаразы абиоматериал арҭеит 12-ҩык атәылауаа. COVID-19 аӡәгьы идбалам", - аҳәоит адырраҭараҿы.

Аԥсны иахьаҵанакуа акоронавирус зынӡа 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Џьон Хопкинс ихьӡ зху ауниверситет адыррақәа рыла, адунеи аҿы акоронавирус захьыз рхыԥхьаӡара 12 миллионҩык инархыҳәҳәахьеит.

Акоронавирус иазку ажәабжьқәа зегьы шәрыԥхьар ҟалоит абра>>

 

16
Атемақәа:
Ачымазара ҿкы – акоронавирус Аԥсни адунеи аҿи: иалкаау