ашьапылампыл азы Аԥсны Афедерациа ахада Џьума Кәарацхьиа

Иааԥсаны, аха агәалаҟазаара рыманы: Аԥсныҟа ихынҳәит ҳшьапылампыласыҩцәа

49
(ирҿыцуп 12:30 11.06.2019)
Аԥсны амилаҭтә команда Ашьха Ҟарабах имҩаԥысуаз ашьапылампыл азы Европа ачемпионат ConIFA аҟны ахԥатәи аҭыԥ ннакылеит.

АҞӘА, рашәара 10 - Sputnik, Бадри Есиава. Аԥсны амилаҭтә команда Ашьха Ҟарабах имҩаԥысуаз ашьапылампыл азы Европа ачемпионат ConIFA аҟынтәи аҩныҟа ихынҳәит аҩаша, рашәара 11 рзы.

Ачемпионат апризиорцәа аҳәааҿы ирԥылеит Аԥсны ашьапылампыл азы Афедерациа ахада Џьума Кәарацхьиа, Sputnik акорреспондентцәа.

Аспортсменцәа ражәақәа рыла, дара маҷк амҩа ишарааԥсазгьы ргәалаҟазаара бзиоуп. Акоманда акапитан Шабаҭ Логәуа еиҭеиҳәеит Степанакертнтәи Еревантәи аҳаиртә баӷәазаҟынӡа быжьсааҭк амҩа ишықәыз. Ереванынтәи Шәачанӡа - аҽа сааҭк агеит.

"Ҳцәаныррақәа рацәоуп. Ачемпионат ҩаӡара ҳаракыла имҩаԥган. Ауаа ракәзар гәыкала иаҳзыҟан", - иҳәоит Логәуа.

Ахьчаҩ Асҭамур Ҵышәба иазгәеиҭеит Ашьха Ҟарабах Аԥсны аӡбахә бзианы ишырдыруа. Степанакерт акәзар, оумашәа иигәаԥхеит.

Ахәмарыҩ Данило Арӡынба Ҟарабах ауааԥсырагьы аԥсуаа реиԥш асасдкылара бзиа ирбоит иҳәеит. Иара иажәақәа рыла, ҳкомандаз иуадаҩхеит Мраҭашәаратәи Ермантәыла ацыхәмарра.

"Акоманда, иӷәӷәоу командоуп. Азыҟаҵара амоуп", - иҳәеит иара.

Сборная Абхазии по футболу
© Sputnik / Томас Тхайцук
Аԥсныҟа ихынҳәит ҳшьапылампыласыҩцәа

Амилаҭтә команда азыҟаҵаҩ Беслан Аџьынџьал иазгәеиҭеит ашьапылампыласцәа ибзиан рхы шаадырԥшыз.

"Аӡәгьы ихәмарра бааԥсын сызҳәом. 100% ирылшоз ҟарҵон. Пенальти – лотереиоуп", - иҳәеит азыҟаҵаҩ.

Ашьапылампыл азы Аԥсны Афедерациа ахада Џьума Кәарацхьиа амилаҭтә команда ичеиџьыка инапы иқәыргыланы дырԥылеит. Ахәмарыҩцәагь аџьаз иалху Ахраҿа инапы иадыркит.

Сборная Абхазии по футболу
© Sputnik / Томас Тхайцук
Аԥсныҟа ихынҳәит ҳшьапылампыласыҩцәа

"Сара алҵшәа бааԥсуп сызҳәом. Ҳәарада ҳаиӷьхаргьы ауан, аха иҟоу ыҟоуп. Европа ачемпионат аҿы ахԥатәи аҭыԥгьы узеигәырӷьаша акоуп", - иҳәеит иара.

Аԥсны амилаҭтә команда Ашьха Ҟарабах имҩаԥысуаз ашьапылампыл азы Европа ачемпионат ConIFA аҟны ахԥатәи аҭыԥ ннакылеит.

 

49
Атемақәа:
ConIFA- 2019 (36)

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

2
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау

Агуманитартә коридор ала ақырҭуа-аԥсуа ҳәаа иахысит 70-ҩык

2
(ирҿыцуп 18:19 13.07.2020)
Агуманитартә коридор "Егры" аартхоит ԥхынгәы 13 - 15 рзы асааҭ 9:00 -19:00 рыбжьара; ԥхынгәы 16 - 17 рзы асааҭ 9:00 - 15:00 ирҭагӡаны.

АҞӘА, ԥхынгәы 13 – Sputnik. Ахылаԥшра аушьҭырҭатә пункт "Егры" ԥхынгәы 13 асааҭ 15:00 13 рзы 74-ҩык ахысхьан. Абри атәы арадио Sputnik иазеиҭалҳәеит ареспублика асанитартә ҳақьым хада Лиудмила Скорик.

Лара лажәақәа рыла, ахылаԥшра аушьҭырҭатә пункт "Егры" иахысуа рҭагылазаашьа агәаҭаразы аус руеит Аԥсны Ашәарҭадаратә маҵзура, Аԥсны Аҩныҵҟатәи аусқәа рминистрра, араионтә санитар-епидемиологиатә маҵзурақәа русзуҩцәа.

"Агуманитартә коридор иахысуа зегьы рбиоматериал гоуп, 14 рыҩныҵҟа аҽыԥхьакра ишахысша ашәҟәқәа рыҭоуп, избанзар Қырҭтәыла макьаназгьы авирус шьаҽым. Уаанӡа СЕС-и Аԥсны ААР-и рмаҵзурақәа агәҽанҵара рыҭан арҭ ауаа хылаԥшра рыҭаразы", - лҳәеит лара.

Аԥсны Ашәарҭадаратә маҵзура Аҳәаахьчаратә отриад аиҳабы Рустам Латипов иажәақәа рыла, ԥхынгәы 13 рзы Қырҭтәыла Аԥсны атәылауаа 300-ҩык рҟынӡа ыҟан.

"Ихынҳәыз рҟынтәи ҽыхәышәтәра иҟаз маҷын, егьырҭ Гал араион инхо роуп. Урҭ еиуеиԥшым амзызқәа рыла Қырҭтәыла аҵакырахь иҟан", - иҳәеит иара.

Қырҭтәыла иҟоу Аԥсны атәылауаа рзы аушьҭырҭатә ҭыԥ "Егры" Аԥсны аганахь ала аҽа гуманитартә коридорк шаартхо азы адырра ҟаҵан ԥхынгәы 11 рзы.

Қырҭтәыла иҟоу Аԥсны атәылауааи иқәынхои рзы акоридор аартуп абарҭ арыцхәқәа рзы:

Ԥхынгәы 13 - 15, 2020 шықәса рзы асааҭ 9:00 инаркы 19:00 рҟынӡа аҭыԥантәи аамҭа инақәыршәаны;

Ԥхынгәы 16 - 17, 2020 шықәса рзы асааҭ 9:00 инаркы 15:00 рҟынӡа аҭыԥантәи аамҭа инақәыршәаны.

Қырҭтәылантәи ихынҳәуа атәылауаа зегьы ргәабзиара аҭагылазаашьа аилкааразы амедицина-санитартә гәаҭара хымԥада иахысроуп.

Аҳәынҭқарратә ҳәаа ахысра ҟалоит анаҩстәи адокументқәа рымазаараан:

  • ҳтәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Уаанӡа акаридор аартын рашәара 22 - 24 рзы. Усҟан ареспубликахь иҭалеит 907-ҩык.

Иара убас шәаԥхьар ҟалоит:

2