Даур Ақаҩба

Ақаҩба: Аԥсны аҭагылазаашьа Қырҭтәыла иара ишаҭаху еиԥш иахцәажәоит

28
(ирҿыцуп 10:04 13.06.2019)
Изаамҭанытәиу Женеватәи аиҿцәажәарақәа 48-тәи рраунд мҩаԥысраны иҟоуп ԥхынгәымзазы.

АҞӘА, рашәара 13 – Sputnik, Асмаҭ Ҵәыџьԥҳа. Қырҭтәыла аԥыза-министр Мамука Бахтаӡе иажәахә иаанарԥшуеит ақырҭуа напхгара адунеи ауаажәларра рҿаԥхьа Аԥсны иҟоу аҭагылазаашьа дара ишырҭаху ала ишаадырԥшуа ҳәа иҳәеит Аԥсны Адәныҟатәи аусқәа рминистр Даур Ақаҩба, Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рыцхантәаҩцәа данырԥылоз.

Уи аиԥылара мҩаԥысуан рашәара 12 рзы.

Лавров: Аԥсны жәларбжьаратәи аренаҿы аҭыԥ арӷәӷәара адгылара аҳҭалоит>>

Ақаҩба иажәақәа рыла, Қырҭтәыла аиҳабыра Аԥсны амармалташь пты анырҵәаразы 600 нызқь лари азаашьҭуп ҳәа аҳәоит Бахтаӡе иажәахә аҿы.

"Сара ҭакԥхықәра схы иадҵо исҳәоит Аԥсны аиҳабыра Қырҭтәыла аиҳабыра рҟынтәи акгьы шрыдрымкылаз. Ареспубликахь иааз ахәшә зегьы жәларбжьаратәи аиҿкаарақәа рҟынтәоуп иахьаашьҭыз. Урҭ аиҿкаарақәеи Қырҭтәыла абиуџьети ак ракәым", - иҳәеит иара.

Аԥсны Адәныҟатәи аусқәа рминистр Даур Ақаҩба Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рыцхантәаҩцәа агәра диргеит ареспублика аусбарҭақәа ишрылшо амармалташь пты ақәхразы иаашьҭу ахәшәқәа шьаҭас ирымоу адокументқәа рӡыргара.

"Қырҭтәыла аиҳабыра арҭ ахәшәқәа дара ишаарышьҭыз атәы зҳәо адокументқәа рыманы иҟазар, ицәырыргар ҟалоит", - иҳәеит аминистр.

Ақаҩба иажәақәа рыла, Қырҭтәыла Аԥсны ахы ианархәоит атәылаҩнуҵҟатә политикатә еиҿагылараҿгьы ҳәа. Иара иажәақәа рыла, Қырҭтәыла иахьагьы ахы ианархәоит аоппозициатә партиа "Европейская Грузия" иаԥнаҵаз асанкциатә сиа Оҭхозориа-Татунашвили (Қырҭтәыла атәылауаа рганахьала еиуеиԥшым ацәгьоурақәа харас издырҵо ахаҿқәа рсиа - аред.).

Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рыцхантәаҩы Хаику Мамо иҳәеит аиҿцәажәарақәа 48-тәи рраунд аан еиуеиԥшым азҵаарақәа ишрылацәажәахо.

Двинианин Женеватәи аиҿцәажәарақәа рзы: Мраҭашәараа Аԥсны аӡбахә днарҳауеит>>

"Иҟоуп ҳазлацәажәаша ахырхарҭақәа рацәаны, аформат МПРИ апроблемагьы абрахь иналаҵаны", - иҳәеит иара.

Изаамҭанытәиу Женеватәи аиҿцәажәарақәа 48-тәи рраунд мҩаԥысраны иҟоуп ԥхынгәымзазы.

 

28

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

17
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

17

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау