Аҳақьыми ачымазаҩи

Урыстәыла атәылауаҩра змам Аԥсны атәылауаа рҽыхәышәтәра шалыршахо

33
(ирҿыцуп 10:12 23.06.2019)
Урыстәыла атәылауаҩра ахьрымам азы амедицинатә ԥгаԥса змауа Аԥсны ауааԥсыра аҳәаанырцә рҽыхәышәтәышьа атәы Sputnik аматериал аҿы.

Бадраҟ Аҩӡба, Sputnik

Аԥсны анҭыҵ ҽыхәышәтәра ацаразы ауаҩԥсы аԥхьанатә аҭыԥантәи аҳақьым иахь днеироуп.

"Ҳара иҳамоуп аԥхьатәи агәаҭареи ачымазара ашьақәыргылареи ахьымҩаԥырго аполиклиникақәа. Иахәҭоуп ҳәа ианырԥхьаӡо, ауаҩԥсы ахәышәтәырҭахь днарышьҭуеит", - еиҭалҳәоит Аԥсны Агәабзиарахьчара аминистрра ахәышәтәра-зыԥхьагәаҭаратә цхыраара аусбарҭа аиҳабы Саида Делԥҳа.

Аҳақьым аҭыԥантәи ахәышәтәырҭақәа рҿы иахәҭоу ацхыраара изрыҭом ҳәа ирыԥхьаӡозар, ашәҟәы ицырҵоит аҳәаанырцәтәи ахәышәтәырҭаҿ аҽыхәышәтәра дахысроуп ҳәа.

"Аҳақьым ашәҟәыцҵа иациҵоит МРТ, акомпиутертә томографиа, еиуеиԥшым анализқәа. Абри ашьҭахь апациент Агәабзиарахьчара аминистррахь адокументқәа иманы дааиуеит, арзаҳал иҩуеит. Арзаҳал аминистр дахәаԥшуеит, инапы ақәиҵоит", - еиҭалҳәоит Делԥҳа.

Аԥсны Агәабзиарахьчара аминистрра аус рыцнауеит еиуеиԥшым амедицинатә усҳәарҭақәа: Пирогов ихьӡ зху ахәышәтәырҭа (Москва), Бакулев ихьӡ зху аинститут, Алмазов ицентр (Санкт-Петербург).

"Урыстәыла атәылауаҩра змам атәылауаа амедицинатә ԥгаԥсагьы рымам. Урҭ рдокументқәа урыстәылатәи ахәышәтәырҭақәа рахь ирышьҭуеит. Ахәышәтәырҭаҟынтәи ачымазаҩ дрыдыркылозар, ихәышәтәра ахәԥсатә ԥхьаӡара аарышьҭуеит, иазгәарҭоит данрыдыркыло арыцхә", - лҳәоит лара.

Аминистрра ахәышәтәра ахәԥса анаиулак Афинансқәа рминистррахь инанашьҭуеит аԥараиужьразы.

"Апациент ҽыхәышәтәра ацара анилшо, аԥара анаҳшәалак ашьҭахь ауп", - лҳәоит лара.

Саида Делԥҳа илҳәоит аиҳарак аҳәаанырцә ирышьҭуа зтехнологиа ҳараку аоперациақәа ззымҩаԥгатәу роуп ҳәа.

"Аԥсны аҵакыраҿы иахьазы ирзыҟамҵо, иаҳҳәап астентҟаҵара, ашунтҟаҵара, анеирохирургиатә операциақәа рымҩаԥгаразы Урыстәылаҟа рхы ҳархоит ҳчымазцәа", - лҳәоит лара.

Саида Делԥҳа илҳәеит шықәсыки бжаки рыҩнуҵҟа 800-ҩык рҟынӡа ҳтәылауаа аҳәаанырцә ишырышьҭхьоу.

 

33

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

12
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

12

Даҽа 53-ҩык Аԥсны ауааԥсыра акоронавирус рыдбалоуп

5
(ирҿыцуп 18:24 19.09.2020)
Иахьатәи аамҭазы Аԥсны иахьаҵанакуа 878-ҩык акоронавирус шрылоу шьақәдыргылахьеит. Урҭ рахьтә 240-ҩык апациентцәа ргәы бзиахахьеит, быжьҩык рыԥсҭазаара иалҵит.

АҞӘА, цәыббра 19 - Sputnik. Даҽа 53-ҩык Аԥсны ауааԥсыра акоронавирустә чымазара шрылоу шьақәырӷәӷәахеит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа рылоу ирыламу аилкааразы игәаҭан 195-ҩык ауааԥсыра, урҭ рахьтә ачымазара рыдбалоуп 53-ҩык", - ҳәа аҳәоит аацҳамҭа.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 81-ы апациентцәа, урҭ рахьтә 78-ҩык ари адиагноз рзышьақәырӷәӷәоуп, рҭагылазаашьа хьанҭоуп фҩык, ибжьаратәуп 13-ҩык. Ргәы бзиаханы ахәышәтәырҭаҟнытә иоушьҭуп хәҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау