Аррамаҵзурауаа арратә биатлон азы аиндаҭлара мҩаԥыргеит

22
(ирҿыцуп 15:15 25.06.2019)
Иреиӷьу аррамаҵзурауааи акомандақәеи иранашьоуп ахраҿақәеи аҳаҭыртә шәҟәқәеи.

АҞӘА, рашәара 25 - Sputnik. Аԥсны иҟоу Урыстәылатәи арратә база аррамаҵзурауаа раԥхьаӡа акәны аԥхынтәи абиатлон мҩаԥыргеит. Абри атәы ааицҳауеит Аладатәи арратә округ апресс-маҵзура ахада Вадим Астафьев.

© Foto / Пресс-служба ЮВО
Аррамаҵзурауаа арратә биатлон азы аиндаҭлара мҩаԥыргеит

Аицлабрақәа ирылахәыз еихшан команда-командала. Командацыԥхьаӡа ԥышьҩык-ԥышьҩык аруаа рылахәын. Зынӡа жәа-командак еиҿкаан.

© Foto / Пресс-служба ЮВО
Аррамаҵзурауаа арратә биатлон азы аиндаҭлара мҩаԥыргеит

Аицлабрақәа мҩаԥган аестафета аформат ала х-етапкны. Алахәылацәа 500 метра еиԥхныҩлеит, авинтовкақәа БИ7-2 рыбӷа иқәҵаны.

Афиниш аҿы 50 метра ахарара рыманы имҩаԥган ахысрақәа ҳәа аанацҳауеит апресс-маҵзура.

© Foto / Пресс-служба ЮВО
Аррамаҵзурауаа арратә биатлон азы аиндаҭлара мҩаԥыргеит

Аладатәи арратә округ акомандаҟаҵаҩцәа иазгәарҭеит аруаа разыҟаҵара ҳаракы, арҟәшақәа рҿаԥхьа иқәгыло адҵақәа иааинырсланы анагӡара шрылшо.

Иреиӷьу аррамаҵзурауааи акомандақәеи иранашьоуп ахраҿақәеи аҳаҭыртә шәҟәқәеи.

© Foto / Пресс-служба ЮВО
Аррамаҵзурауаа арратә биатлон азы аиндаҭлара мҩаԥыргеит
22
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

0
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0

Аҟәа ахәышәтәырҭаҟынтәи ибналаз абаандаҩы амилициа ишьҭоуп

10
(ирҿыцуп 20:46 02.06.2020)
Изакәанымкәа амцабџьари аџьаԥҳани рыҵәахразы зус ҭырҵаауа Иашҭхәа ақыҭан инхо атәылауаҩ Аҟәа Ареспубликатә хәышәтәырҭа хадаҟынтә дыбналеит, иара ахԥатәи аихагылаҟынтәи ацәарҭамаҭәақәа еиқәҳәалан дырхьынҳаланы дылбааит.

АҞӘА, рашәара 2 - Sputnik. Аԥсны Аҩнуҵҟатәи аусқәа рминистрра аусзуҩцәа ишьҭоуп Аҟәа рашәара 1 азы Ареспубликатә хәышәтәырҭаҟынтәи ибналаз Гурген Киракосиан, абри атәы аанацҳауеит аусбарҭа апресс-маҵзура.

Киракосиан иганахьала ашьаусҭҵаара хацыркуп изакәанымкәа амцабџьари аџьаԥҳани рыҵәахразы, иара уаанӡагьы ишьҭан, даанкылан лаҵара 15 рзы.

Убри ашьҭахь иара дырхәышәтәуан Ареспубликатә хәышәтәырҭаҿы аԥҟара аҟәшаҿы, уантәи иара абналара илшеит: инапышьаҳагақәа аартны, ацәарҭамаҭәақәа еиқәҳәалан дырхьынҳаланы ахԥатәи аихагылаҟны дахьышьҭаз апалата аԥенџьыр ала дылбааит.

Киракосиан иганахьала Аҟәа ақалақьтә прокуратура ашьаус хацнаркит дахьҭакыз аҭыԥ аҟынтәи дахьыбналаз афакт ала.

Аҩнуҵҟатәи аусқәа рминистр идҵала, Киракосиан ихьчара знапы ианыз аусзуҩцәа рганахьала амаҵзуратә гәаҭара мҩаԥыргеит. Агәаҭара аматериалқәа Апрокуратура хадахьы инашьҭуп ашьаусԥшааратә ӡбамҭа адкыларазы.

Иара убас шәаԥхьар ҟалоит:

10