Выборы в парламент Абхазии

Аԥсны атәыла ахада иалхрақәа: аҽазыҟаҵарақәеи, аԥсахрақәеи

58
(ирҿыцуп 15:43 25.06.2019)
Аԥсны алхрақәа рҽазыҟаҵара, алхраԥхьатә агитациа, иалухыр ҟалоу, иҿыцу аԥсахрақәа ртәы шәаԥхьар шәылшоит Sputnik аматериал аҿы.

Бадраҟ Аҩӡба, Sputnik

Аԥсны ахада иалхрақәа мҩаԥысраны иҟоуп нанҳәа 26 2019 шықәса рзы.

Рашәара 26 рзы Ацентртә алхратә комиссиа акандидатцәа ықәзыргыло аԥшьгаратә гәыԥқәеи аполитикатә партиақәеи рҟынтәи ашәҟәқәа рыдкылара иалагоит. Ашәҟәқәа рыдкылара хыркәшахоит абжьыҭира арыцхә 40 мшы шагу, ԥхынгәы 17 рзы. Ашәҟәқәа ААК ианаднакыла ашьҭахь жәамш урҭ ҭнаҵаауеит. Акандидатцәа рҭаҩра ԥхынгәы 26 иахымгакәа имҩаԥгатәуп.

Ацентртә алхратә комиссиа ахантәаҩы Ҭамаз Гогьиа иҳәеит зегь рыла ишыхиоу ашәҟәқәа рыдкыларазы.

Ҭырқәтәыла абжьыҭира акәзар, уахьынтә макьаназ дырра ыҟам абжьыҭирҭатә ҭыԥқәа раартразы.

"Урыстәыла иҟоу Аԥсны Ацҳаражәҳәарҭа адыррала Нхыҵ Кавказ иаартхоит бжьыҭирҭатә ҭыԥк. Ҭырқәтәылантәи макьаназ дырра ыҟам абжьыҭирҭатә ҭыԥқәа раартразы", - иҳәоит Гогьиа.

Ареспублика иахьаҵанакуа алхрақәа рымш аҽны аус рулоит 152 алхырҭатә ҭыԥ. Аԥсны ахадас дҟалар илшоит Аԥсны атәылауаҩ, милаҭла иаԥсуоу, аҳәынҭқарратә бызшәа цқьаны издыруа, 35 шықәса иреиҵам, аха 65 шықәса иреиҳам, алхратә зин змоу, аҵыхәтәантәи ахәышықәса иааиԥмырҟьаӡакәа Аԥсны инхо.

Ахада далырхуеит ҿҳәарас ҳәа хәышықәса иҭаны. Убри аан ҩынтә инеиҳаны инеиԥынкыланы иалхра ҟалом. Аамҭакала далырхуеит акандидат зыӡбахә иҳәо ахада ихаҭыԥуаҩ.

Акандидат иҭаҩраз мап кхар ҟалоит:

· аҵыхәтәантәи ахәышықәса иааиԥмырҟьаӡакәа Аԥсны инымхара.

· аҳәынҭқарратә бызшәа азымдарра.

· ихашәалақәа рҵаҵӷәы азымдырра.

· аматериалқәа (анапаҵаҩрақәа) разымхара.

Апарламент аилатәараҿы, мшаԥы 4 рзы адепутатцәа абжьыҭира азакәан аԥсахрақәа аларгалеит. Абжьыҭираан анацәкьыс адырга аҭара аԥыххоит,абиуллитень аҟны акандидатцәа рыҵәаӷәара аԥыххоит. Уажәшьҭарнахыс убжьы зуҭо ижәла аҿаԥхьа адырга ҟауҵоит.

Атәылауаа реиҳараҩык "зегьы рҿагылара" азгәарҭар, аиҭалхра мҩаԥгахоит.

Адепутатцәа иара убасгьы ирыӡбеит анацәкьыс адырга аҭара иашам ҳәа. Уи ацынхәрас зыбжьы зҭиз ахаҿқәа ртәылауҩшәҟәқәа рҿы адырга-мҳәыр ҟарҵалоит.

Иара убасгьы апарламент адепутатцәа мап ацәыркит аҳәаанырцә атәылауааи аиҿкаарақәеи кандидатк идгыланы агитациа аҟаҵара.

Абжьыҭираҿ иалагалоу аԥсахрақәа:

· анацәкьыс адырга аҭара.

· акандидатцәа рыҵәаӷәара аԥыххоит. Уажәшьҭарнахыс убжьы зуҭо ижәла аҿаԥхьа адырга ҟауҵоит.

· агәраргага ҿых ала абжьыҭира.

· атәылауҩшәҟәқәа рҿы адырга-мҳәыр аргылара.

Алхрақәа раан абжьыҭира азин рымоуп 18 шықәса зхыҵхьо Аԥсны атәылауаҩ.

Абжьыҭираан Аԥсны ушатәылауаҩҩу шьақәзырӷәӷәо ашәҟәы уцзароуп.

Ииааиз ҳәа дыԥхьаӡоуп 50% бжьык ацны изауз акандидат.

Аҩбатәи атур аҭахханы иҟалар имҩаԥгахоит ҩымчыбжь рышьҭахь.

Аҩбатәи атур аан инеиз алхыҩцәа бжьеиҳала иалырхыз акандидат аԥыжәара игоит.

Аҩбатәи атур иалахәхароуп 25 процент атәылауаа, алхыҩцәа рсиа иану.

Аҩбатәи атур аҟны ацәгьы далхымхар, имҩаԥгахоит аиҭалхрақәа.

Азакәан инақәыршәаны агитациатә аамҭа ҳәа иԥхьаӡоуп акандидат данҭарыҩ инаркны абжьыҭира амш аҟынӡа.

Акандидатцәа ателехәаԥшраҿы еиҟараны аефиртә аамҭа рыҭахоит.

 

58
Атемақәа:
Аԥсны ахада иалхрақәа (122)

Гал араион ахада: Егры аҳәаа ахысра аԥҟарақәа рырӷәӷәара аҭахӡам

1
(ирҿыцуп 09:47 25.09.2021)
Уаанӡа Гал араион асанитартә ҳақьым хада инапынҵақәа назыгӡо Георги Қобалиа Sputnik аинтервиу анеиҭоз иҳәеит Аԥсни Қырҭтәылеи рҳәаа ахысра аԥҟарақәа рӷәӷәатәуп ҳәа.

АҞӘА, цәыббра 25 – Sputnik. Қырҭтәылеи Аԥсни рҳәаа ахысра аԥҟарақәа рырӷәӷәара аҭахӡам ҳәа иҳәеит арадио Sputnik аинтервиу азҭаз Гал араион ахада Константин Ԥлиа.

"Қырҭтәылеи ҳареи ҳҳәааҟны игылоуп ҳмедицинатә пункт, есҽны уа ашьыжь асааҭ быжьба инаркны ахәылбыҽха асааҭ быжьбанӡа, аҳәаа ахьынӡаарту, амедицинатә усзуҩцәа ҷаԥшьоит. Аҳәаа иахысуа ирымырхуеит алаҵа шыҟарҵахьоу азы аилыркаага, мамзаргьы 72 сааҭ еиҳаны изхымлахьоу ПЦР-тест азы ашәҟәы, ма ацәеижьҿагылақәа шрылоу зҳәо ашәҟәы", – ҳәа инаҵишьит иара.

Акоронавирустә инфекциа ҿыц азы аҭагылазаашьа цәгьоуп ҳәа ахимҳәааит Ԥлиа. Гал араион аҿы иахьазы 34-ҩык рҽырхәышәтәуеит ахәышәтәырҭа иҭамлаӡакәа, школк аамҭала иаркын, аха уигьы уажәшьҭа аусура иалагахьеит иҳәеит иара.

"Ҳсанитартә ҳақьым ишиҳәо еиԥшҵәҟьа аҭагылазашьа бааԥсым. Сара еилыскаауеит, асанитартә ҳақьымцәа аԥҟарақәа рӷәӷәазар еиҳа еиӷьаршьоит, ачымазарагьы усҟак иҿиаӡом, аха аԥсҭазаара ԥсҭазаароуп, ауаа аус нхароуп, аус руроуп, иҿиароуп. Ашәарҭара уеизгьы есымша иҟазаауеит", - ҳәа азгәеиҭеит Ԥлиа.

Уаанӡа Гал араион асанитартә ҳақьым хада инапынҵақәа назыгӡо Георги Қобалиа Sputnik аинтервиу анеиҭоз иҳәиҳәеит Аԥсни Қырҭтәылеи рҳәаа ахысра аԥҟарақәа рӷәӷәатәуп ҳәа. Иара иажәақәа рыла, Гал араион иқәынхо ауааԥсыра лассы-лассы аҳәаа иаԥну Жәыргьыҭ араион иаҭаауеит, уа мышкала 200-300-ҩык акоронавирус рыдырбалоит, ПЦР-тестқәа ракәзар, актәи ма аҩбатәи амш азы авирус рзаарԥшӡом.

1

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

13
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

13
Атемақәа:
Аҿкычымазара – акоронавирус Аԥсни адунеи аҿи: иалкаау