Аҭыԥи аспектакли реилаӡҩара: "Ҳаџьы-Мураҭ" Иаснаиа Полианаҿ идырбан

© Sputnik / Томас Тхайцук"Ҳаџьы-Мураҭ"
Ҳаџьы-Мураҭ - Sputnik Аҧсны
Анапаҵаҩра
Жәларбжьаратәи атеатртә фестиваль "Толстой" мҩаԥысуеит Иаснаиа Полианаҿ, ԥхынгәы 4 - 7 рзы.

АҞӘА, ԥхынгәы 8 – Sputnik. Жәларбжьаратәи атеатртә фестиваль "Толстой" алахәхара мацарагьы ирбага дууп РУСДРАМ азы иҳәоит fрадио Sputnik аинтервиу азҭаз атеатр адиректор Иракли Хынҭәба.

Теймураз Чамагуа - Sputnik Аҧсны
Арадио
Чамагәуа "Ҳаџьы-Мураҭ" иазкны: иахьатәи аамҭа иашьашәалоу, гьамала иҟаҵоу қәыргыламҭоуп

"Сынтәа афестиваль ахь иааит жәанызқьҩык ауааԥсыра. Аспектакльқәа рахь абилеҭқәа роура уадаҩын. "Ҳаџьы Мураҭ" акәзаргьы, аҭыԥ змамкәа игыланы иахәаԥшуаз рацәаҩын", - иҳәоит иара.

Хынҭәба иажәақәа рыла, Лев Толстои иаҳҭынрадгьыл аҿы аспектакль аҽа бжьык ахалеит, аҽа цәак аҟәнылеит.

"Иаснаиа Полианаҿ аспектакль Лев Толстои иҩнуҵҟатә дунеи аҽакала иаанарԥшит. Ари лаԥшхырԥароуп, аҭыԥи аспектакли реилаӡҩароуп", - иҳәоит иара.

РУСДРАМ адиректор иазгәеиҭеит аҽазыҟаҵарақәа раан амш шыбааԥсыз. Амш цәгьан иара ақәыргылара аҽынгьы.

"Аха ахәаԥшцәа ааиуа ианалага инаркны амш еихыккеит. Аспектакль ҩаӡара ҳаракыла имҩаԥысит. Ахәаԥшцәа рыԥсы ӡаны итәан. Аспектакль ашьҭахь ирҳәоз акакәын: Аԥснытәи атеатр асеиԥш "Ҳаџьы-Мураҭ" ҩаӡара ҳаракыла иқәнаргылоит ҳәа агәра аагомызт ҳәа", - иҳәоит Хынҭәба.

Афестиваль "Толстой" 2016 шықәса раахыс есышықәса Иаснаиа Полиана имҩаԥыргоит.

Фазиль Искандер ихьӡ зху Аурыс драматә театр уахь рцара алыршахеит Урыстәыла акультура аминистрра ацхыраарала.

 

Ажәабжьқәа зегьы
0