Ҳаџьы-Мураҭ

Аҭыԥи аспектакли реилаӡҩара: "Ҳаџьы-Мураҭ" Иаснаиа Полианаҿ идырбан

25
(ирҿыцуп 09:44 08.07.2019)
Жәларбжьаратәи атеатртә фестиваль "Толстой" мҩаԥысуеит Иаснаиа Полианаҿ, ԥхынгәы 4 - 7 рзы.

АҞӘА, ԥхынгәы 8 – Sputnik. Жәларбжьаратәи атеатртә фестиваль "Толстой" алахәхара мацарагьы ирбага дууп РУСДРАМ азы иҳәоит fрадио Sputnik аинтервиу азҭаз атеатр адиректор Иракли Хынҭәба.

"Сынтәа афестиваль ахь иааит жәанызқьҩык ауааԥсыра. Аспектакльқәа рахь абилеҭқәа роура уадаҩын. "Ҳаџьы Мураҭ" акәзаргьы, аҭыԥ змамкәа игыланы иахәаԥшуаз рацәаҩын", - иҳәоит иара.

Хынҭәба иажәақәа рыла, Лев Толстои иаҳҭынрадгьыл аҿы аспектакль аҽа бжьык ахалеит, аҽа цәак аҟәнылеит.

"Иаснаиа Полианаҿ аспектакль Лев Толстои иҩнуҵҟатә дунеи аҽакала иаанарԥшит. Ари лаԥшхырԥароуп, аҭыԥи аспектакли реилаӡҩароуп", - иҳәоит иара.

РУСДРАМ адиректор иазгәеиҭеит аҽазыҟаҵарақәа раан амш шыбааԥсыз. Амш цәгьан иара ақәыргылара аҽынгьы.

"Аха ахәаԥшцәа ааиуа ианалага инаркны амш еихыккеит. Аспектакль ҩаӡара ҳаракыла имҩаԥысит. Ахәаԥшцәа рыԥсы ӡаны итәан. Аспектакль ашьҭахь ирҳәоз акакәын: Аԥснытәи атеатр асеиԥш "Ҳаџьы-Мураҭ" ҩаӡара ҳаракыла иқәнаргылоит ҳәа агәра аагомызт ҳәа", - иҳәоит Хынҭәба.

Афестиваль "Толстой" 2016 шықәса раахыс есышықәса Иаснаиа Полиана имҩаԥыргоит.

Фазиль Искандер ихьӡ зху Аурыс драматә театр уахь рцара алыршахеит Урыстәыла акультура аминистрра ацхыраарала.

 

25

Ҭыҩԥҳа еиҭалҳәеит аҿкы чымазаразы Тҟәарчал аҭагылазаашьа зеиԥшроу

5
(ирҿыцуп 19:29 23.09.2020)
Тҟәарчалтәи араионтә хәышәтәырҭа аҿктәы ҟәша амедеиҳәшьа еиҳабы Емма Ҭыҩԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит COVID-19 зманы ирыдҵаалаз шаҟаҩы ыҟоу, урҭ рҭагылазаашьа зеиԥшроу.
Раионк аԥсҭазаараҟынтә: Ҭыҩԥҳа Тҟәарчал COVID-19 аганахьала аҭагылазаашьа зеиԥшроу атәы

"Ачымазара зыхьыз 17-ҩык ыҟоуп, зҭакқәа аахьоу. Аҩны рҽырхәышәтәуеит 12-ҩык, Гәдоуҭатәи агоспиталь ахь ирышьҭхьоу хәҩык рҟынтәи ҩыџьа ргәы бзиахахьеит. Ачымазцәа рааигәа иҟаз ҳәа 14-ҩык алкаауп, аҩны рҽыԥхьакны иҟоуп 20-ҩык. Абас иҟоуп иахьазы Тҟәарчал ҳҭагылазаашьа", - лҳәеит Ҭыҩԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Акоронавирус иазку ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау

Акоронавирус зцәа иалаз апациент иԥсҭазаара далҵит Гәдоуҭатәи ахәышәтәырҭаҿы

9
(ирҿыцуп 19:26 23.09.2020)
Иахьатәи аамҭазы Аԥсны иахьаҵанакуа акоронавирус 1116-ҩык ишрыхьхьоу аарԥшуп. Урҭ рахьтә 330-ҩык апациентцәа ргәы бзиахеит, ааҩык акоронавирус зыхьуаз рыԥсҭазаара иалҵит.

АҞӘА, цәыббра 23 – Sputnik. Гәдоуҭатәи ахәышәтәырҭаҿы иԥсҭазаара далҵит акоронавирус зцәа иалаз апациент ҳәа адырра ҟанаҵоит Ауааԥсыра COVID-19  рацәыхьчаразы аоперативтә штаб. Апандемиа ҟалеижьҭеи ари аабатәи ԥсыҭбароуп Аԥсны иахьаҵанакуа.

1959 шықәсазы ииз ахаҵа Ареспубликатә хәышәтәырҭа ареанимациатә ҟәшахьы дааргеит ацхыраара ласы амашьынала цәыббра 19 ауха. Иара даара дхьанҭан, иԥсыԥлагаҩагара акырӡа иуадаҩын. Дангәарҭа иааԥшит ҩ-ганкахьала аполисегментартә гәаҵәкра шимаз, ирыԥҳақәа ааха ӷәӷәа роухьан.

"Цәыббра 20 ашьыжь апациент Гәдоуҭатәи агоспиталь ахь диаган, уаҟа иара иаразнакала арыԥха-аҳауаҭарсгатә аппарат дшаҿаркызгьы, иҭагылазаашьа еиӷьымхаӡеит, аҳауазымхареи агәмаҷреи ирыхҟьаны иԥсҭазаара далҵит. Ахаҵа ицәа иалаҽны иҟаз егьырҭ ачымазарақәагьы иман. Аҳақьымцәа аарыԥхьаанӡа мышқәак аҩны иҽихәышәтәуан ихала", - ҳәа азгәарҭоит аоперштаб аҟны.

Иҳаҩсыз уахыки-ҽнаки рзы игәаҭан 197-ҩык ауааԥсыра, урҭ рахьтә адиагноз COVID-19 рзышьақәдырӷәӷәеит 62-ҩык.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 91-ы апациентцәа, урҭ рахьтә ари адиагноз рзышьақәырӷәӷәоуп 89-ҩык, рҭагылазаашьа хьанҭоуп хәҩык, ибжьаратәуп 33-ҩык, илҩаауп 19-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау