Медвежонок Балу

Балу азы: Дәрыԥшьтәи амшәҳәыс аҩын ҿыц азырыԥшааит

27
(ирҿыцуп 18:27 09.07.2019)
Балу Аԥснынтәи Москва азааигәарахь ииаган ԥхынгәы 6 рзы.

АҞӘА, ԥхынгәы 8 -Sputnik, Асмаҭ Ҵәыџьԥҳа. Дәрыԥшьтәи амшәҳәыс Балу абнатә ԥстәқәа реиқәырхаразы афонд "БИМ" уажәшьҭарнахыс ахылаԥшра анаҭоит ҳәа Sputnik иазаалыцҳаит агәыҳалалратә фонд "Багира" адиректор Саида Оҭырԥҳа.

Медвежонок Балу
© Foto / Саида Отырба
Дәрыԥшьтәи амшәҳәыс Балу

"Амашьына ҷыда аҿаҳҵеит. Иара амҩа иқәнаҵы гәамҵра иақәымшәартә еиԥш еиҿаҳкааит", - еиҭалҳәоит лара.

Абнатә ԥстәқәа реиқәырхаразы афонд "БИМ" Дариа Тараскина иазгәалҭеит амшәҳәыс амҩа бзианы ишахнагаз.

"Балу аволиер хәыҷы аҿы инхалоит. Уа иарадагьы егьырҭ амшәҳәысқәагьы ыҟоуп: еицыхәмарлоит, акреицырфалоит. Уи аҿаиаразы ихәарҭоуп. Нас иара ахатә ҭыԥ азалххоит", - лҳәеит лара.

Бзыԥтәи аиҩхааҿ икыдҿаҳәаланы ирымаз амшәҳәыс алахьынҵа раԥхьа азхьаԥшра алҭеит аԥсшьаҩы Надежда Трифонова. Лара Sputnik ахь адырра ҟалҵеит.

Аекологиаз аилак амшәҳәыс зтәыз Саид Џьергьениа ахараԥса идырҵеит, Балу акәзар агәыҳалалратә фонд "Багира" адиректор Саида Оҭырԥҳа илгеит. Аамҭақәак рышьҭахь Москва азааигәара аҩын ҿыц азырыԥшааит.

27

Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп

4
(ирҿыцуп 20:01 03.06.2020)
Тҟәарчал араион аҵара аҟәша аиҳабы Манана Арышԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ашколқәа роушьҭымҭацәа рзы ихацыркыз аҵаратә процесс шымҩаԥысуа.
Раионк аԥсҭазаараҟынтә: Арышԥҳа аушьҭымҭацәа ҩымчыбжьатәи рҵара иазкны

Аԥснытәи ашколқәа роушьҭымҭацәа рзы аҵаратә процесс хацыркын рашәара 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны.

"Амза ҩба инаркны ажәеизатәи аклассқәа рҵаҩцәа иацырҵеит рҵара, аха уи иаанагом апрограмма зегьы ҩымчыбжьа ирҭагӡаны иалгоит ҳәа. Еиҳарак ари зызку ахәыҷқәа аԥышәарақәа разыҟаҵара ауп. Ашколқәа зегьы адезинфекциа рызун. Аԥҟарақәа инарықәыршәаны ашколқәа рҿаԥхьа еиҿкаауп амедпункт, ашоура шәаны ашколқәа рахь инарышьҭуеит, аклассқәа рҟны аӡәаӡәала итәоуп.
Сынтәа ашкол иалго араион аҟны 128-ҩык ыҟоуп, ақалақь аҟны 45-ҩык аушьҭымҭацәа ҳамоуп", - лҳәеит Арышԥҳа.

Лара иазгәалҭеит араионтә аолимпиада иалахәыз аушьҭымҭацәа рыбжьара алҵшәа бзиақәа змаз шыҟоу, урҭ иреиҳаӡоу аҵараиурҭақәа ирҭалартә еиԥш алшара ҟалап ҳәа агәыӷра шлымоу.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Быжьҩык акурсантцәа акоронавирус рцәа ишалоу ааԥшит Аԥсны

10
(ирҿыцуп 19:42 03.06.2020)
Аҵыхәтәантәи уахыки-ҽнаки рыла акоронавирустә инфекциа амазааразы агәаҭара иахысит 57-ҩык.

АҞӘА, рашәара 3 - Sputnik. Акоронавирус чымазара ҿкы рцәа ишалоу шьақәырӷәӷәахеит иацы Москвантә иааз быжьҩык акурсантцәа ҳәа адырра ҟанаҵоит Аԥсны ауааԥсыра COVID-19 рацәыхьчаразы аоперативтә штаб.

Ичмазаҩу акурсантцәа зегьы Гәдоуҭатәи араионтә хәышәтәырҭа хадахьы инагахоит ахәышәтәра иахысырц.

Аҟәатәи апансионат "Аиҭар" аҟынтә иахьа рыҩныҟа иоушьҭан 13-ҩык АҶА ахырхарҭала аҵара зҵо акурсантцәа, 14-мшы инаӡоз ихымԥадатәу ркарантин анынҵәа аамышьҭахь.

Аԥсны иахьазы иааидкыланы акоронавирус рыдырбалахьеит 35-ҩык ауааԥсыра. Урҭ рахьтә 27-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

10
Атемақәа:
Ачымазара ҿкы – акоронавирус Аԥсни адунеи аҿи: иалкаау