Ақырҭуа-аԥсуа ҳәаа ахысраан аԥкрақәа ҟалоит

39
(ирҿыцуп 11:52 10.07.2019)
Рашәара 27 инаркны Аԥсны Аҳәынҭқарратә шәарҭадаратә маҵзура аҳәынҭқарратә ҳәаа аамҭала ахысразы аԥкрақәа аланагалеит.

АҞӘА, ԥхынгәы 10 – Sputnik. Ақырҭуа-аԥсуа ҳәаа ахысраан аԥкрақәа ирыҵаркуеит 18 шықәса инаркны 60 шықәса рҟынӡа зхыҵуа ахацәа ҳәа Sputnik иазеиҭеиҳәеит Гал араион ахада Ҭеимыр Надараиа.

Егьырҭ ауааԥсыра зегьы ирылшоит уаанӡеиԥш ԥкрада аҳәаа ахысра. Надараиа иҳәеит иара убасгьы аԥкрақәа ишрыҵарымкуа амедицинатә цхырааразы Қырҭтәылаҟа ицо ауааԥсыра.

"Ақырҭуа-аԥсуа ҳәаа ахысраан аԥкрақәа ирыҵаркуеит 18 шықәса инаркны 60 шықәса рҟынӡа зхыҵуа ахацәа роуп", - иҳәеит иара.

Надараиа иажәақәа рыла аԥкрақәа аконтрабанда иаразнакы анырра арҭеит. 80 рҟынӡа ҭирҭа ҭыԥ галтәи аџьармыкьаҿы иаркхеит абарҭ аамҭақәа рыла.

Рашәара 27 инаркны Аԥсны Аҳәынҭқарратә шәарҭадаратә маҵзура аҳәынҭқарратә ҳәаа аамҭала ахысразы аԥкрақәа аланагалеит Қарҭи Аԥсны иаԥну Жәыргьыҭ араиони рҿы аҿагыларатә акциақәа рымҩаԥысра инадҳәаланы.

Аԥсны ашәарҭадаратә маҵзура иара убасгьы адырра ҟанаҵеит Қырҭтәыла аҵакыраҟынтәи аҳәаанырцәтәылауаа Аԥсныҟа рааиреи Аԥсны атәылацаа Қырҭтәыла аҵакырахь рцареи аԥкрақәа шроуазы.

Надараиа иазгәеиҭеит араион аҿы аҭагылазаашьа ҭышәынтәаланы ишыҟоу. Ауааԥсыра иаԥҵоу аԥкрақәа ззаԥҵоу шеилыркаауа, гәҭынчымракгьы шрызцәырнамго.

"Гал араион аҿы аҭагылазаашьа ҭышәынтәаланы иҟоуп. Ауааԥсыра иаԥҵоу аԥкрақәа ззаԥҵоу еилыркаауеит. Иҟоуп ҳәарада Қарҭ имҩаԥысуа ахҭысқәа адгылара рызҭогьы. Аиҳаракгьы абас иҟоу ауаа еиуеиԥшым ахҭысқәа ирыларымгалаларц ауп арҭ аԥкрақәагьы заԥҵоу", - иҳәеит ахада.

Иара убасгьы иҳәеит аԥкрақәа шаԥыххо Қырҭтәыла аполитикатә ҭагылазаашьа анҭышәынтәалалак.

 

39

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

26
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

26

Аԥсны иҟоу Урыстәыла аруаа аҽазыҟаҵарақәа мҩаԥыргоит

3
Аԥсны иалагеит Аладатәи арратә округ иаҵанакуа Урыстәыла арратә база аррамаҵзурауаа рыплан иалаз аҽазыҟаҵарақәа.

АҞӘА, ԥхынгәы 15 - Sputnik. Аԥсны иҟоу Урыстәыла Аладатәи арратә округ аррамаҵзурауаа иаалырҟьаны иргылан аплантә ҽазыҟаҵарақәа рҳәаақәа ирҭагӡаны. Абри атәы аанацҳауеит Урыстәыла Аладатәи арратә округ апресс-маҵзура.

Аҽазыҟаҵарақәа мҩаԥысуеит арратә округ адҵаҟаҵаҩ, ар реинрал Александр Дворников инапхгарала.

Иазԥхьагәаҭоуп арҟәшақәа Аԥсны, ашьхатә полигон Ҵабали Амшынԥшаҳәатә полигон Нагвалоуи рҟны арратә обиектқәеи асоциалтә инфраструктуреи рыхьчара аусқәа аус рыдырулоит ҳәа.

Зынӡа аҽазыҟаҵарақәа ирылархәразы иргылан 1,5 нызқьҩык аруаа, 300 ак арратә техника.

Иара убас шәаԥхьар ҟалоит:

3

Урыстәылеи Ҭырқәтәылеи рҳаиртә еимадара хацдыркуеит

0
(ирҿыцуп 13:33 15.07.2020)
Ҭырқәтәылатәи АИХқәа рҟны ицәыргоуп Ҭырқәтәыла атранспорт аминистр Адил Караисмаилоӷлу иҟынтәи ихыҵхырҭоу аинформациа аҳауатә еимадара ԥхынгәы 15 инаркны ишхацыркхо азы.

АҞӘА, ԥхынгәы 15 - Sputnik. Урыстәылеи Ҭырқәтәылеи рҳаиртә еимадара хацдыркырц азы еилацәажәеит, аха макьаназы арыцхә еилкаам ҳәа аанацҳауеит РИА Новости, Ҭырқәтәыла атранспорт аминистрраҟынтә ахыҵхырҭа шьаҭас иганы.

"Иахьа ҳминистр аҳәамҭа ҟаиҵеит атәылақәа рыҩба рҳауатә ҵакыра аартра ишақәшаҳаҭхаз, аха макьаназы арыцхә шьақәыргылам, аимадара анхацыркхогьы еилкаам", - ҳәа иҳәеит амаҵзура иацәажәоз ахаҿы.

Урыстәыла акоронавирустә пандемиа инадҳәаланы хәажәкыра 27 раахыс аҳауатә еимадара ԥнакит. Ззин ыҟаз аидаратә, аԥошьҭатә, асанитартә, агуманитартә реисқәа ракәын, иара убасгьы аиҳабыра рзин ҷыдала иалшон атехникатә маҵзуразы, иҭацәу аҳаирпланқәа рырԥырреи атранзит реисқәа рымҩаԥгареи рзы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерланды, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100000-ҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Иара убас шәаԥхьар ҟалоит:

0
Атемақәа:
Ачымазара ҿкы – акоронавирус Аԥсни адунеи аҿи: иалкаау