Фестиваль Кинолес

Санкт-Петербургтәи акинофестиваль иалахәхоит аԥсуа фильмқәа ҩба

26
Афестиваль "Кинолес" мҩаԥысраны иҟоуп ԥхынгәы 12 - 14 рзы, Санкт-Петербург, Финтәи аӡыбжьахала аԥшаҳәаҿы.

АҞӘА, ԥхынгәы 10 – Sputnik, Бадраҟ Аҩӡба. Аԥсуа фильмқәа ҩба: " Махаз сыхьӡуп", "Аб" афестиваль "Кинолес" иалахәхараны иҟоуп ҳәа Sputnik иазааицҳаит арежиссер Инар Нарманиа.

"Аҵак ду аманы избоит афестиваль аамҭакала аԥсуа фильмқәа ҩба ралахәхара. Уи иаанаго ҳардыруа ҳҟалеит ауп. Акинематографиатә ҵакыра ҳаднакылеит. Акинофестиваль адәаҿы имҩаԥгахоит, зметраж кьаҿу асигмент абеиарақәа зегь цәырнагоит", - иҳәоит Инар Нарманиа.

Иҟоуп акинофестиваль ахь инагоу аусумҭақәа рахьтә иидыруагьы.

"Иҟоуп ицәгьамкәа еицырдыруа афильмқәа. Урҭ уаанӡатәи аконкурстә программақәагьы ирылахәхахьан" ҳәа азгәеиҭоит иара.

Ҭимур Кәакәасқьыр икиносахьа "Аб" аноминациа "Иреиӷьу зметраж кьаҿу акино" ала аҩбатәи аҭыԥ агеит афестиваль "Лучезарный ангел" аҿы Москва, 2018 шықәса рзы.

Арежиссер Инара Нарманиа ифильм "Махаз сыхьӡуп" – зметраж кьаҿу афильмқәа Жәларбжьаратәи акинофестиваль "KONIK Film Festival" аҟны аԥыжәара агеит, Калининград акинофистеваль аҿы ажиури иалыркааит. Архангельсктәи афестиваль аҿы аноминациа "Зметраж кьаҿу афильм иреиӷьу арежиссиор" ала аиааира агеит. Сынтәа акәзар, вфестиваль "Кинокавказ" аҿы аиааира агеит.

Афестиваль "Кинолес" – Урыстәыла иреиҳау кинематографиатә open-air фестивальуп. 2016 шықәса раахыс имҩаԥыргоит.

Хықәкны иамоуп зметраж кьаҿу афильмқәа рыларҵәара. Апрограмма еиҿкаауп аҵыхәтәантәи ашықәсқәа рзы афестивальқәа рҿы аԥыжәара зауз афильмқәа рыла.

 

26

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

22
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

22

Аԥсны иҟоу Урыстәыла аруаа аҽазыҟаҵарақәа мҩаԥыргоит

3
Аԥсны иалагеит Аладатәи арратә округ иаҵанакуа Урыстәыла арратә база аррамаҵзурауаа рыплан иалаз аҽазыҟаҵарақәа.

АҞӘА, ԥхынгәы 15 - Sputnik. Аԥсны иҟоу Урыстәыла Аладатәи арратә округ аррамаҵзурауаа иаалырҟьаны иргылан аплантә ҽазыҟаҵарақәа рҳәаақәа ирҭагӡаны. Абри атәы аанацҳауеит Урыстәыла Аладатәи арратә округ апресс-маҵзура.

Аҽазыҟаҵарақәа мҩаԥысуеит арратә округ адҵаҟаҵаҩ, ар реинрал Александр Дворников инапхгарала.

Иазԥхьагәаҭоуп арҟәшақәа Аԥсны, ашьхатә полигон Ҵабали Амшынԥшаҳәатә полигон Нагвалоуи рҟны арратә обиектқәеи асоциалтә инфраструктуреи рыхьчара аусқәа аус рыдырулоит ҳәа.

Зынӡа аҽазыҟаҵарақәа ирылархәразы иргылан 1,5 нызқьҩык аруаа, 300 ак арратә техника.

Иара убас шәаԥхьар ҟалоит:

3